សាវីន ហ្វីលីប នាំសិល្បករទៅជួយប្រជាជនក្រីក្រនៅកណ្ដាល ក្រុង សៀមរាប

2014-12-19 18:42:40
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង និង ជាម្ចាស់មូលនិធិគម្រោងទឹកស្អាតសាវីនកម្ពុជា លោក សាវីន ហ្វីលីប នៅប៉ុន្មាននាទីមុននេះ បាននាំសិល្បករមួយក្រុមយកអំណោយទៅចែកជូនប្រជាពលរដ្ឋក្រីក្រមួយគ្រួសារ នៅ កណ្ដាលក្រុងសៀមរាប។

តាមការឲ្យដឹងពីតារាសម្ដែង លោក ភុល សុវណ្ណដានីន ដែលបានទៅជាមួយនោះថវិកា ដែលក្រុមរបស់លោកបាននាំទៅជួយនោះ មាន ២៩៥ ដុល្លារ បូកជាមួយបច្ច័យព្រះសង្ឃគង់នៅទីនោះ ២០ ដុល្លារទៀត បានទាំងអស់ ៣១៥ ដុល្លារ រួមទាំងខោអាវ មី និង អង្ករមួយចំនួនទៀត។

តាមសម្ដីលោក សាវីន ហ្វីលីប ក្នុងវីដេអូនេះ បានបង្ហាញថា លោកបានឃើញគ្រួសារក្រីក្រមួយនេះកាលពីពេលកន្លងទៅ គ្រាដែលលោកមកសម្ដែងភាពយន្តនៅទីនោះ ដោយដំបូលផ្ទះរបស់គ្រួសារមួយនេះធ្លុះធ្លាយ ពេលភ្លៀងមកម្ដង ការពិបាកខ្លាំងណាស់។ ដោយឃើញស្ថានភាពបែបនេះ លោកបានសន្យាជាមួយក្រុមគ្រួសារនេះថា នឹងស្វែងរកប្រាក់មកជួយទៅតាមលទ្ធភាពដែលអាចធ្វើទៅបាន។

មកដល់ភ្នំពេញលោកក៏បានអំពាវនាវស្វែងរកសប្បុរសជន តាមរយៈ Facebook ក៏ដូចជា តាមគម្រោងមូលនិធិទឹកស្អាតសាវីនកម្ពុជា របស់លោក ហើយមានសប្បុរសជនជួយជាបន្តបន្ទាប់ ដោយសរុបទាំងអស់ ទទួលខោអាវមួយចំនួន និង ប្រាក់ ជិត៣០០ ដុល្លារ។

ក្រុមសិល្បករដែលបានទៅជួយប្រជាពលរដ្ឋក្រីក្រមួយគ្រួសារនៅកណ្ដាលក្រុង សៀមរាម នៅព្រឹកមិញនេះ ក្រៅពី លោក សាវីន ហ្វីលីប និង លោក ភុល សុវណ្ណដានីន មានលោក រឿម រ៉ាម៉ូ លោក ប៊ុត ឧត្ដម្ភ និង មាន សប្បុរសជនមួយចំនួនទៀត។ ក្រុមសិល្បករ បានចេញទៅពីរាជធានីភ្នំពេញកាលពីម្សិលមិញ បច្ចុប្បន្នកំពុងស្នាក់នៅខេត្តសៀមរាប នៅឡើយ។

តាមការបញ្ជក់ ពីលោក ភុល សុវណ្ណដានីន ក្រុមរបស់លោក និង ធ្វើដំណើរទៅមើលគ្រួសារក្រីក្រ១ទៀត ដែលមានចម្ងាយពីទីរួមខេត្តជាង ២០ គីឡូម៉ែត្រ ដើម្បីជួយជាអណ្ដូង តាមរយៈមូលនិធិគម្រោងទឹកស្អាតសាវីនកម្ពុជា។ លោក សាវីន ហ្វីលីប និយាយ៕

http://youtu.be/ysg8UsWuGro

អានអត្ថបទ៖ ដឹងតារាប្រុសៗចូលខារ៉ាអូខេឲ្យលុយធីបនាងៗប៉ុន្មានអត់? អានអត្ថបទ៖ បូនីតា ដាដេណា ទម្លាយរឿងបានប្ដីជាសេដ្ឋីអារ៉ាបក្នុងថ្ងៃខួប អានអត្ថបទ៖ ប្លុកខារ៉ាអូខេថ្មីមហាធំនៅភ្នំពេញប្លែកភ្នែកបើមិនធ្លាប់ទៅដល់

អត្ថបទ៖ ខុត សីហា