បន្ទាប់​បង្ហាញ​រូប​ថត​កាល​ពី​ម្សិលមិញ SinB តារា​ចម្រៀង​ស្រី​មក​ពី​ក្រុម​ទើប​បង្កើត​ថ្មី G-Friend បាន​ធ្វើ​អ្នកលេង​អ៊ីនធឺណិត​​ ចាប់​អារម្មណ៍​យ៉ាង​ខ្លាំង ព្រោះ​តែ​មុខមាត់របស់​នាង ស្រដៀងនឹង​ Jessica Jung អតីតសមាជិក​​ក្រុម Girls' Generation។ ​

SinB (ឆ្វេង) និង Jessica (ស្ដាំ)

ភ្លាម​នោះ​ដែរ​ក្រុម​អ្នក​លេង​អ៊ីនធឺណិត បាន​ចូលទៅ​កាន់​វេទិការ​ពិភាក្សា​​អនឡាញ ​និង​បញ្ចេញ​មតិ​ថា មិន​ត្រឹម​តែ​ច្រមុះ ថ្គាម ភ្នែក​ធំៗ សូម្បីតែ​កាយវិការ​ក្នុង​រូបថត ក៏​ស្ទើរ​តែ​ដូចគ្នា​ដែរ។ ​​

​ពួកគេ​បាន​បញ្ចេញ​យោបល់​ដូចជា "នាង​ស្អាត! នាង​ទើប​តែ​មាន​អាយុ​១៦​ឆ្នាំប៉ុណ្ដោះ... ស្អាត​ណាស់។ នាង​ដូច Jessica ណាស់។ ព្រះនាង​ទឹកកម្នាក់​ទៀត ​បាន​បង្ហាញ​ខ្លួន​​ហើយ...ហាហា។ Jessica បាន​ខ្ទាត​ចេញ​ពី​ក្រុម Girls’ Generation ហើយ ...ហាហា។ គំនិត​ខ្ញុំ​ គឺនាង​ដូចជា Jessica ណាស់"។ ​

ក្រុម G-Friend ឬ​​គេ​ស្គាល់​ថា Girlfriend នោះ នឹង​បង្ហាញ​ខ្លួន​ជា​ផ្លូវការ នៅ​ថ្ងៃ​ទី​១៥ ខែ​មករា ឆ្នាំ​២០១៥។ ក្រុម​នេះ មាន​សមាជិក​៦នាក់ គឺ Sowon, Yerin, Eunha, Yuju, Umji និង SinB ហើយ​​ពួកគេ​មាន​អាយុ​ស្ទង់១៧-​១៨​ឆ្នាំប៉ុណ្ណោះ៕

តើ​អ្នក​យល់​ថា មុខ SinB ស្រដៀង Jessica ដែរ​ឬ​ទេ?

ចុច​អាន G-Friend ក្រុម​ចម្រៀង​នារី​​ថ្មី បង្ហាញ​ខ្លួន​ ១៥ មករា

ចុចអាន 2PM ចេញ​បទ​ថ្មី​ បែប​សប្បាយ​ៗ

ប្រែ​សម្រួល៖ អ៊ុំ សុភក្តិ ប្រភព៖ koreaboo