គួរថែទាំដើមរាសីរបៀបម៉េច ឲ្យនៅពណ៌បៃតងល្អ?
- 2015-01-16 16:22:36
- ចំនួនមតិ 0 | ចំនួនចែករំលែក 0
គួរថែទាំដើមរាសីរបៀបម៉េច ឲ្យនៅពណ៌បៃតងល្អ?
ចន្លោះមិនឃើញ
យុវវ័យមួយចំនួន និយមដាំដើមរាសីក្នុងបន្ទប់ ឬក្នុងការិយាល័យ ដើម្បីលម្អបន្ទប់ឲ្យមានពណ៌បៃតង ហើយក៏មានអ្នកខ្លះជឿថា ដើមរាសីល្អ នឹងនាំសំណាង ឬលាភដល់អ្នកដាំ។
តាមគេហទំព័រ Flowershopnetwork បានឱ្យដឹងថា ដើមរាសីមានប្រភពនៅប្រទេសកាមេរ៉ូន ទ្វីបអាហ្វ្រិច ជាប្រភេទរុក្ខជាតិពណ៌បៃតងដែលកម្រមានផ្កា ហើយច្រើនដាំនៅក្នុងម្លប់។
គួរជ្រើសរើសថូណាដែលមានពណ៌ស្រអាប់ ព្រោះកម្ដៅពីព្រះអាទិត្យដែលចូលតាមថូពណ៌ថ្លា អាចជួយឲ្យដុះស្លែបាន។ ថ្ងៃនេះ Sabay នឹងបង្ហាញពីវិធីថែទាំដើមរាសីឲ្យបានល្អ និងនៅតែមានពណ៌បៃតងជានិច្ច។
១. ពន្លឺ៖ គួរ ចៀសវាង ដាំដើមរាសីឲ្យត្រូវកម្ដៅថ្ងៃដោយផ្ទាល់។ យកល្អ គួរដាំវាក្នុងម្លប់ដែលអាចមានកម្ដៅ និងពន្លឺស្រាលៗ ព្រោះកម្ដៅថ្ងៃប៉ះផ្ទាល់ អាចនឹងធ្វើឲ្យស្លឹករបស់វាឡើងលឿងបាន។
២. ការស្រោចទឹក៖ គួរដាំដើមរាសីក្នុងថូដែលមានទឹក និងមានគ្រួសតូចៗដើម្បីឲ្យវាដុះបានល្អ។ អ្នកគួរស្រោចទឹកដោយប្រើដប ឬទឹកបាញ់ ឬប្រើទឹកដែលចេញពីក្បាលរ៉ូមីណេដែលត្រងទុក ២៤ម៉ោងដើម្បីឲ្យវាបង្ហួតជាតិក្លរីនជាមុនសិន។ ដើមរាសីដែលមានសុខភាពល្អ គឺតែងមានដុះឫសពណ៌ក្រហម។ ម្យ៉ាងទៀត អ្នកត្រូវប្ដូរទឹករាល់សប្ដាហ៍។
៣. សីតុណ្ហភាព៖ ដើមរាសីអស់រស់នៅបានក្នុងសីតុណ្ហភាពក្ដៅល្មម គឺចន្លោះពី១៨ទៅ៣២ អង្សា សេ។ មិនគួរទុកដើមរាសីចំពីមុខម៉ាស៊ីនត្រជាក់ ឬកន្លែងដែលមានកម្ដៅខ្លាំងឡើយ។
៤. ផើង ឬថូដែលត្រូវដាក់ដាំ៖ ក្រៅពីដាក់ក្នុងថូដែលមានទឹក អ្នកអាចដាំដើមរាសីក្នុងផើងដែលមានដីមានជីជាតិ និងអាចស្រូបទឹកបានល្អ។ គួរស្រោចទឹកឲ្យបានច្រើនតាមដែលអាចធ្វើបានដើម្បីឲ្យដើមរាសី និងដីស្រូបទឹកបានគ្រប់គ្រាន់ តែមិនគួរស្រោចដល់ថ្នាក់ជោគជាំពេកនោះទេ។
៥. ការដាក់ជី៖ ដើម រាសីដែលដាក់ក្នុងទឹក ត្រូវការដាក់ជីរាល់ខែ ដូច្នេះគួរប្រើជីឬថ្នាំបំប៉នណាដែលមានលក្ខណៈស្រាលៗទើបជាការ ល្អ។ សាកល្បងវិធីខាងលើ អ្នកប្រាកដជាបានដើមរាសីដែលមានការលូតលាស់បានល្អ និងមានពណ៌ស្រស់បំព្រងជាក់ជាមិនខាន៕ ប្រែសម្រួល៖ សុគន្ធី
ប្រភព៖ flowershopnetwork, houseplants
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
