តួអង្គរឿង «កូនមាសម្ដាយ» ចែករំលែកអំពីជីវិតជាប់ពន្ធនាគារនៅអាមេរិក

2015-01-27 16:33:07
ចំនួនមតិ 0 | ចំនួនចែករំលែក 0

ចន្លោះមិនឃើញ

កវីកំណាព្យ ខៀវ កុសល បានមកចែករំលែកបទពិសោធអំពីខ្សែជីវិតអំពីអតីតភាពជាជនអន្ធពាលត្រូវជាប់ពន្ធនាគារនៅអាមេរិក និងការនិរទេសមកកាន់ស្រុកខ្មែរវិញ ហើយបានក្លាយទៅជាកវីខាងកំណាព្យលំដាប់ពិភពលោកនៅកម្ពុជា ក៏ដូចជាការបង្ហាញទេពកោសល្យនៃការសូត្រកំណាព្យជាភាសាអង់គ្លេស ដល់ប្រិយមិត្តនៅក្នុងកម្មវិធី Talent Talk នៅហាងតែបៃតង នស២រ សាខាសន្ធរម៉ុកកាលពីថ្ងៃអាទិត្យ ទី២៥ ខែមករា ឆ្នាំ២០១៥។

លោកកុសលបានផ្តល់ជាយោបល់មួយចំនួនអំពីបទពិសោធជីវិត ដែលអាចឲ្យយុវជនយកមកធ្វើការវិភាគអំពីខ្លួនឯងបន្ថែមថា ធ្វើយ៉ាងណាដើម្បីឲ្យស្គាល់ពីខ្លួនឯងលឿនបំផុតពេលខ្លួននៅក្មេង ព្រោះថាយើងនឹងសល់ពេលវេលាច្រើនដើម្បីត្រៀមខ្លួនអនុវត្តនូវអ្វីដែលយើងចង់ធ្វើ ដោយមានការអំណត់ តស៊ូធ្វើវាឲ្យសម្រេចបានជោគជ័យ។ ចិត្តនិងគំនិតត្រូវតែដើរទន្ទឹមគ្នា ហើយឲ្យតម្លៃខ្លួនឯង។

លោក ហ្វីលីព សែត កៅ ប្រធានគំរោង Green Youth Cambodia របស់ហាងតែបៃតងទឹកដោះគោ នស២រ បាននិយាយថា៖ «ខ្សែជីវិតរបស់លោកកុសលគឺពិតជាមានអត្ថន័យ និងជាកត្តាជំរុញចិត្តយុវជនខ្មែរជំនាន់ក្រោយឲ្យមានការស្គាល់ខ្លួនឯងកាន់តែច្បាស់ពេលខ្លួននៅក្មេង សម្រាប់រៀបចំផ្លូវជីវិត។ វាដូចគ្នានឹងសកម្មភាពនានាដែល Green Youth Cambodia កំពុងតែអនុវត្ត ធ្វើយ៉ាងណាជំរុញឲ្យយុវជនមានការស្គាល់ខ្លួនខ្លួនឯង ដើម្បីកំណត់គោលដៅជីវិត»។

នេះជាលើកទីពីរហើយដែល Green Youth Cambodia បានរៀបចំកម្មវិធីចែករំលែកបទពិសោធ Talent Talk សម្រាប់អតិថិជននៅហាងតែបៃតង នស២រ ដើម្បីឲ្យប្រិយមិត្តទាំងអស់គ្នាស្គាល់ពីវិធីសាស្រ្តក្នុងការបញ្ចេញមតិ ពិភាក្សា ឬបញ្ចេញទេពកោសល្យ ក៏ដូចជាទទួលបានការចែករំលែកបទពិសោធន៍ ស្នាដៃ ដើម្បីផ្តល់ជាគំនិតបន្ថែមដល់យុវជនក្នុងការស្គាល់ខ្លួនឯងកាន់តែច្បាស់សម្រាប់រៀបចំផ្លូវជីវិតខ្លួនឯងកាន់តែប្រសើរ។ ហើយប្រិយមិត្តទាំងអស់អាចចូលរួមស្តាប់ដោយសេរី ក៏ដូចជាសួរសំនួរទៅកាន់វាគ្មិនផ្ទាល់ផងដែរ។ កម្មវិធី Talent Talk នេះនឹងប្រារព្ធធ្វើជារៀងរាល់ខែ នៅតាមសាខានានារបស់ហាងតែបៃតងនស២រ៕ ចុចអាន តួឯករឿង “កូនមាសម្ដាយ” ទៅចែករំលែកបទពិសោធន៍នៅ DMC សំដីពិតគួរឲ្យអាសូរ ពីតួឯក “កូនមាសម្ដាយ” ឬ “Cambodian Son”!

រឿង “កូនមាសម្ដាយ” ក្រោយបញ្ចាំងនៅខ្មែរ និង ពង្រីកទីផ្សារទៅកាន់ពិភពលោក តួអង្គរឿង “កូនមាសម្ដាយ” ខ្លាំងកាព្យអង់គ្លេសពេលជាប់ពន្ធនាគារនៅអាមេរិក

អត្ថបទ៖ ដៃគូសហការ