ម៉ានីកា ប្រើពេលប្រាំឆ្នាំទើបអាចឆក់ឱកាសតួឯកជាថ្មីម្ដងទៀតបាន
- 2015-02-03 12:30:14
- ចំនួនមតិ 0 | ចំនួនចែករំលែក 0
ម៉ានីកា ប្រើពេលប្រាំឆ្នាំទើបអាចឆក់ឱកាសតួឯកជាថ្មីម្ដងទៀតបាន
ចន្លោះមិនឃើញ
ម៉ានីកា ប្រើពេលជាងប្រាំឆ្នាំទើបអាចឆក់ឱកាសក្លាយជាតួឯកថ្មីម្ដងទៀតបានក្នុងរឿង "ប្រាសាទកំបាំងមុខ" ជាប្រភេទរឿងបុរាណលាយសម័យទើបក្រុងពាលីកាលពីពេលថ្មីៗ។ ទាំងនេះខុសប្លែកពីតារាមួយចំនួនប្រើពេលខ្លីប៉ុណ្ណោះ ដោយចប់ពីតួឯកមួយ ចូលតួឯកថ្មីមួយទៀត។
កញ្ញាប្រាប់ Sabay ថា ៖ "សប្បាយចិត្តខ្លាំងបំផុតបងពេលបានដើរតួឯកជាថ្មី។ ប្រាំឆ្នាំហើយដែលខ្ញុំខកខានធ្វើជាតួឯកនេះ ដោយទទួលជាតួរង និង តួបន្ទាប់បន្សំរហូត"។
ម៉ានីកា ចូលរួមកម្មវិធីសិល្បៈកាលពីពេលកន្លងទៅ
កញ្ញាបន្តថាកាលពីប្រាំឆ្នាំមុននាងធ្លាប់សម្ដែងជាតួឯកម្ដងក្នុងរឿង "បារមីជំនាងផ្ទះ" ជាប្រភេទរឿងដុំ។ ប៉ុន្តែក្រោយៗមិនធ្លាប់បានសម្ដែងជាតួឯកសំខាន់ឡើយ ដោយបានត្រឹមតែជាតួរង និងតួបន្ទាប់បន្សំតែប៉ុណ្ណោះ។
ក្រោយពីមានឱកាសក្ដោបតួឯកជាថ្មីវិញ ម៉ានីកា អះអាងថា នឹងប្រឹងសម្ដែងឱ្យអស់ពីសមត្ថភាពមិនឱ្យទស្សនិកជនអស់សង្ឃឹមទេ។ ជាមួយគ្នានេះកញ្ញាក៏រំពឹងខ្ពស់ថា ខ្សែភាពយន្តដ៏ល្អខាងលើនឹងអាចជួយលើកប្រជាប្រិយភាពខ្លួនឱ្យខ្ពស់ជាងមុន។
ខ្សែភាពយន្តរឿង "ប្រាសាទកំបាំងមុខ" ជាស្នាដៃរបស់ផលិតកម្ម Wonder Film កំពុងដំណើរការណ៍នៅតាមទីតាំងមួយចំនួនបានគ្រោងទុក ហើយនឹងរួចរាល់ក្នុងខែ កុម្ភៈ ឬ ខែមីនាខាងមុខ ដោយធ្វើយ៉ាងណាដាក់បញ្ចាំងឱ្យបានមុនចូលឆ្នាំខ្មែរមកដល់។
ទន្ទឹមនឹងអារម្មណ៍សប្បាយរីករាយក្រោយទទួលតួឯកជាថ្មី ម៉ានីកា ក៏ស្នើសុំឱ្យទស្សនិកជនជួយគាំទ្រខ្សែភាពយន្តរបស់ខ្លួនត្រៀមនឹកដាក់បញ្ចាំងនាពេលខាងមុខ ក៏ដូចជាវិស័យភាពយន្តទាំងមូលផងដែរ។ ទាំងនេះដើម្បីជួយលើកកម្ពស់វិស័យភាពយន្តខ្មែរ និងជួយគាំទ្រសិល្បករ សិល្បការិនីខ្មែរថែមទៀត។
តារាសម្ដែងរូបនេះចាត់ទុកថា ការក្រសោបបានតួឯកជាថ្មី ដោយប្រើរយៈពេលដូច្នេះ គឺជា ការបើកផ្លូវ និងជាជំហានថ្មីមួយទៀតរបស់ខ្លួន ក្នុងការឆក់យកឱកាសផ្សេងៗទៀតក្នុងវិស័យភាពយន្តនាពេលខាងមុខ។
មកទល់នឹងពេលបច្ចុប្បន្ន ម៉ានីកា មានវ័យ ២៨ឆ្នាំ។ ខ្សែភាពយន្តនាងធ្លាប់សម្ដែងបានប្រាំរឿងមកហើយ ក្រោយពីបោះជំហានចូលសិល្បៈ ជាងប្រាំឆ្នាំមក។ ក្រៅតែពីអាជីពជាតារាសម្ដែងកញ្ញាក៏ជាតារាបង្ហាញម៉ូដ និងពិធីការិនីមួយរូបផងដែរ៕
អានអត្ថបទបន្ត៖ មើលចុះ!…ខេមរៈ សិរីមន្ត ក៏បានជួយ លោក នូ ស៊ឹប និង
អានអត្ថបទបន្ត៖ មានរឿងចម្លែកកើតឡើងសពលោក ស៊ីន ច័ន្ទឆាយា ហូរទឹកភ្នែកពេលម្ដាយសែន “ភ្លាឡាវ”
អានអត្ថបទបន្ត៖ រឿងដើមទ្រូង អូន ម៉ី រងការរិះគន់ខ្លាំង ពីសាច់ញាតិ
អត្ថបទ៖ អ៊ីង សុឡា