មុខមាត់តារាថ្មីពីរដួងទើបរះក្នុងពិភពសិល្បៈ

2014-10-04 17:54:12
ចំនួនមតិ 0 | ចំនួនចែករំលែក 0

ចន្លោះមិនឃើញ

កញ្ញា ខុន សម្ផស្ស និង លោក នួន សុខចំរើន បានក្លាយជាតារាថ្មីក្នុងចង្កោមសិល្បៈ បន្ទាប់ពីពួកគេទាំងពីរឈ្នះការប្រកួតប្រជែងជ្រើសរើសតារាបង្ហាញម៉ូដរៀងៗខ្លួនក្នុងកម្មវិធី Face Of Hiruscar 2014។

តារាថ្មីទាំងពីរដួងនេះ នឹងក្លាយជាតារាពេញសិទ្ធិ ដោយចុះកុងត្រារយៈពេលមួយឆ្នាំក្នុងក្រុម Sun Super Model រួមនឹងការផ្សព្វផ្សាយផលិតផល Hiruscar។

លោក នួន សុខចំរើន និងកញ្ញា ខុន សម្ផស្ស ជយលាភីកម្មវិធី Face Of Hiruscar 2014

លោក ម៉ែន និមលរ័ត្ន អ្នកចាត់ការទូទៅក្នុងក្រុមតារាបង្ហាញម៉ូដ Sun Super Model និង ជាអ្នកទទួលយកតារាទាំងពីរខាងលើឱ្យក្លាយជាតារាពេញសិទ្ធិក្នុងក្រុមរបស់ខ្លួនបាននិយាយថា៖"សមត្ថភាព និងរូបសម្ផស្សពួកគាត់ពិតជាសក្ដិសមជាតារាបង្ហាញម៉ូដ ហើយអាចនឹងក្លាយទៅជាតារាល្បីនាពេលខាងមុខ"។

យ៉ាងណាក៏ដោយអ្នកចាត់ការទូទៅវ័យក្មេងរូបនេះ អះអាងថា តារាថ្មីទាំងពីរដួង គឺកញ្ញា ខុន សម្ផស្ស និងលោក នួន សុខចំរើន នឹងត្រូវបណ្ដុះបណ្ដាលថែមទៀតក្នុងក្រុម Sun Super Model របស់ខ្លួនមុននឹងផ្ដល់ឱកាសឱ្យដើរបង្ហាញម៉ូដទាំងថ្នាក់ជាតិ និង អន្តរជាតិ។

ដោយឡែកតំណាងមកពីកម្មវិធី Face Of Hiruscar លោក ឈឿន ណាវុធ បានលើកឡើងថា បេក្ខភាពទាំងពីរខាងលើមុននឹងក្លាយជាជយលាភីឆ្លងកាត់ឧបសគ្គ។ លោកបានអបអរសាទរដល់ កញ្ញា ខុន សម្ផស្ស និង លោក នួន សុខចំរើន ដែលក្លាយជាតារាបង្ហាញម៉ូដពេញសិទ្ធិក្នុងក្រុម Sun Super Model និង ការផ្សព្វផ្សាយពីផលិតផល Hiruscar។

ក្រៅតែពីការប្រកាសក្លាយជាតារាបង្ហាញម៉ូដក្នុងក្រុម Sun Super Model និង ការផ្សព្វផ្សាយផលិតផល Hiruscar តារាទាំងពីរដួង ក៏ទទួលបានទឹកប្រាក់ ១០០០ដុល្លារថែមទៀតពីកម្មវិធី Face Of Hiruscar។

ជាលើកទីពីរហើយដែលកម្មវិធី Face Of Hiruscar ប្រឡងជ្រើសរើសតារាបង្ហាញម៉ូដក្នុងការផ្សព្វផ្សាយផលិតផលរបស់ខ្លួន ក៏ដូចជាការរួមចំណែកក្នុងការលើកស្ទួយវិស័យសិល្បៈជាតិតាមរយៈការបញ្ចេញសមត្ថភាពពិតៗ៕

អានអត្ថបទ៖ បេក្ខនារីអាស៊ី ចូល The Voice អាមេរិក ច្រៀងពីរោះដល់ថ្នាក់គ្រូបង្វឹកលុតជង្គង់អង្វរឲ្យចូលក្រុម