Forum 2015 វេទិកា Samsung ឡង់សេផលិតផលវាយលុកទីផ្សារអាស៊ាន
- 2015-02-10 15:59:54
- ចំនួនមតិ 0 | ចំនួនចែករំលែក 0
Forum 2015 វេទិកា Samsung ឡង់សេផលិតផលវាយលុកទីផ្សារអាស៊ាន
ចន្លោះមិនឃើញ
ព្រឹត្តិការណ៍តាំងពិព័រណ៍ផលិតផលបច្ចេកវិទ្យាដ៏ធំប្រចាំតំបន់ Forum 2015 របស់ Samsung នឹងចាប់ផ្ដើមបើកនៅសប្តាហ៍នេះនាទីក្រុងបាងកកប្រទេសថៃ។ Samsung Forum 2015 ជាវេទិកាដែល Samsung រៀបចំឡើងដើម្បីធ្វើការផ្សព្វផ្សាយនិងពង្រីកទីផ្សារផលិតផលនៅក្នុងតំបន់។
លោក ឆែ សុខឡេង ប្រធានផ្នែកផ្សព្វផ្សាយរបស់ក្រុមហ៊ុន Samsung បានឲ្យដឹងថា Samsung Forum 2015 ជាព្រឹត្តិការណ៍ដ៏ធំ ដែលជាតាំងបង្ហាញផលិតផលបច្ចេកវិទ្យារបស់ Samsung ក្នុងតំបន់អាស៊ាន។
លោកថា ព្រឹត្តិការណ៍នេះបានរៀបចំជារៀងរាល់ឆ្នាំក្នុងបណ្តាប្រទេសក្នុងតំបន់អាស៊ាន ដោយកាលពីឆ្នាំមុនបានរៀបចំនៅទីក្រុងបាលីប្រទេសឥណ្ឌូណេស៊ី និងឆ្នាំនេះបានមករៀបចំធ្វើនៅទីក្រុងបាងកកប្រទេសថៃ។ ក្នុងព្រឹត្តិការណ៍ Samsung Forum អតិថិជនអាចសិក្សាស្វែងយល់ពីផលិតផលបច្ចេកវិទ្យាថ្មីៗរបស់ Samsung ដែលមានតាំងពីទូរសព្ទ ទូរទស្សន៍ រហូតដល់គ្រឿងប្រើប្រាស់ក្នុងគេហដ្ឋានដ៏សំបូរបែប។
លោកបញ្ជាក់បន្ថែមថា ព្រឹត្តិការណ៍នេះរៀបចំឡើងក៏ដើម្បីផ្សព្វផ្សាយនិងពង្រីកទីផ្សារប្រើប្រាស់ផលិតផល Samsung ក្នុងតំបន់អាស៊ានឲ្យកាន់តែមានភាពប្រសើរថែមទៀត។
ថ្មីៗនេះ ក្រុមហ៊ុន Samsung ទើបតែទទួលបានពានរង្វាន់ “ក្រុមហ៊ុនច្នៃប្រឌិតខ្ពស់បំផុតលើផលិតផលអេឡិចត្រូនិក” ដោយទទួលបានពានរង្វាន់កិត្តិយសរហូតដល់ទៅ ៨០ ក្នុងពិព័រណ៍ផលិតផលអេឡិចត្រូនិក CES 2015 ដែលជាពិព័រណ៍ផលិតផលអេឡិចត្រូនិកធំជាងគេប្រចាំឆ្នាំក្នុងពិភពលោក។
អត្ថបទ៖ ប៊ុណ្ណារ៉ា