តារា Sexy ប៊ុន ផៃលីន ថា ចំណាយលុយច្រើនក្នុងរដូវថត MV

2015-02-11 21:42:09
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសិចស៊ី ប៊ុន ផៃលីន បាននិយាយថា កញ្ញាត្រូវចំណាយអស់លុយកាក់ជាច្រើនទៅលើការកាត់សំលៀកបំពាក់ ដើម្បីចូលរួមថត MV ឲ្យផលិតកម្មចម្រៀងនានាក្នុងរដូវកាល ចូលឆ្នាំម្ដងៗ។

ប៉ុន្តែតារារូបនេះបន្តថា នាងមិនងាយមានឱកាសបានចូលរួមថតនោះទេ ស្របពេលមានការមមាញឹក ទាល់តែរយៈពេល ១ ឆ្នាំ ទើបខាងផលិតកម្មអញ្ជើញនាងឲ្យទៅចូលរួមថត ហើយភាគច្រើនផលិតកម្មក្រៅប្រទេស។ ដូច្នេះបើមានឈុតណាប្លែកគួរតែបញ្ចេញឲ្យគេឃើញផងទៅ ទោះចំណាយអស់លុយច្រើនក៏ដោយ។

កញ្ញានិយាយថា៖ "អស់លុយច្រើនមែនហ្នឹង! គ្រាន់តែរឿងស្លៀកពាក់នោះ មិនថាតែនៅក្នុងការងារសិល្បៈ ឬក្រៅសិល្បៈនោះទេ"។ ផៃលីន បន្តថា ជាទូទៅ នាងត្រូវកាត់សំលៀកបំពាក់ចំនួន ៨ កំប្លេក្នុង ១ ខែ ហើយជាមធ្យមមួយកំប្លេអាចមានតម្លៃ ២០០ ដុល្លារ អាមេរិក ឬលើសពីនេះ។ សំលៀកបំពាក់ទាំងនោះត្រូវបានច្នៃចេញពីហាងល្បីៗមួយចំនួន ដែលអ្នកសិល្បៈភាគច្រើននិយមទៅ។

ទោះបីជាយ៉ាងណា តារារូបនេះបានបន្ថែមថា ផ្អែកលើប្រាក់ចំណូលបានពីសិល្បៈ គឺមិនអាចគ្រប់គ្រាន់សម្រាប់ការចំណាយលើសំលៀកបំពាក់នោះទេ មិនអាចសកម្មដូចពីមុន ដោយនាងបានយកចិត្តទុកដាក់លើមុខរបរទៅវិញ ដែលជាប្រភពចំណូលដ៏សំខាន់សម្រាប់បច្ចុប្បន្ន។ ភាពលឹបលៗនៅក្នុងវិស័យសិល្បៈដូច្នេះ គឺដោយសារការស្រលាញ់ប៉ុណ្ណោះ ព្រោះបានធ្វើឱ្យគេស្គាល់រូបនាងដល់បច្ចុប្បន្ន។

“ការពិតមែនទៅ ទោះបីជាយើងមិនស្លៀកក្នុងកម្មវិធីសិល្បៈ ក៏ត្រូវតែឲ្យជាងគេកាត់បន្តបន្ទាប់ដែរ ព្រោះជាចំណងចំណូលចិត្តរបស់ខ្ញុំផងដែរ"។ ប៊ុន ផៃលីន បញ្ជាក់យ៉ាងដូច្នេះ៕

អនអត្ថបទ៖ ចង់បំបែកទីផ្សារ សាន់ដេ ត្រៀមលក់ចម្រៀង Original ចូលឆ្នាំប្រពៃណីជាតិ ២០១៥

អានអត្ថបទ៖ សេង សូណា សូមទោស រឿង សិចស៊ី

អត្ថបទ៖ សំ ជំនាញ