Samsung បង្ហាញផលិតផលបច្ចេកវិទ្យាថ្មីនាំជីវិតរស់នៅកាន់តែប្រសើរនៅ Forum 2015
- 2015-02-13 06:24:45
- ចំនួនមតិ 0 | ចំនួនចែករំលែក 0
Samsung បង្ហាញផលិតផលបច្ចេកវិទ្យាថ្មីនាំជីវិតរស់នៅកាន់តែប្រសើរនៅ Forum 2015
ចន្លោះមិនឃើញ
ក្នុងព្រឹត្តិការណ៍ពិព័រណ៍ SEA Forum 2015 ព្រឹកមិញនេះនាទីក្រុងបាងកក ក្រុមហ៊ុន Samsung បានបង្ហាញផលិតផលបច្ចេកវិទ្យាថ្មីៗជាច្រើន ជាមួយការប្រកាន់ភ្ជាប់ទស្សនៈវិស័័យការអភិវឌ្ឍបច្ចេកវិទ្យា ដើម្បីជីវិតរស់នៅកាន់តែប្រសើរ។
លោក Yong Sung Jeon ប្រធានប្រតិបត្តិក្រុមហ៊ុន Samsung Electronic ប្រចាំតំបន់អាស៊ីអាគ្នេយ៍និងអូសេអានីបានធ្វើការកត់សម្គាល់នាឱកាសនោះពីការប្រឹងប្រែងឥតឈប់ឈររបស់ Samsung ក្នុងការអភិវឌ្ឍផលិតផលបច្ចេកវិទ្យាថ្មីៗ ដើម្បីឆ្លើយតបនិងបំពេញតម្រូវការរស់នៅរបស់អតិថិជន។
លោកឲ្យដឹងថា សម្រាប់ឆ្នាំ ២០១៥ នេះ ក្រុមហ៊ុន Samsung នឹងនៅតែបន្តជាមួយទស្សនៈវិស័យការអភិវឌ្ឍបច្ចេកវិទ្យាដើម្បីធ្វើឲ្យជីវិតរស់នៅកាន់តែល្អប្រសើរ តាមរយៈការបង្កើតនិងការរុករករបកគំហើញលើការអភិវឌ្ឈផលិតផលបច្ចេកវិទ្យាដែលល្អផ្តាច់គេ ដើម្បីផ្លាស់ប្តូរជីវិតឲ្យកាន់តែប្រសើរ។
ក្នុងពិព័រណ៍ Samsung Forum 2015 នៅព្រឹកមិញ ក្រុមហ៊ុន Samsung បានដាក់បង្ហាញផលិតផលបច្ចេកវិទ្យាដ៏សំបូរបែបដែលមានចាប់តាំងពី ទូរទស្សន៍ ម៉ាស៊ីនត្រជាក់ ទូទឹកកក ម៉ាស៊ីនបោកគក់ និងទូរសព្ទដៃ និងឧបករណ៍ប្រើប្រាស់ក្នុងគេហដ្ឋានជាច្រើនទៀត។ នាឱកាសនោះ ក្រុមហ៊ុនក៏បានបង្ហាញពីគម្រោងអភិវឌ្ឍកម្មវិធី Culture Connect ដើម្បីចែករំលែកនិងផ្លាស់ប្តូរវប្បធម៌របស់បណ្តាប្រទេសក្នុងតំបន់។
ព័ត៌មានជាច្រើនទៀតក្នុងកម្មវិធី Samsung Forum 2015 នៅប្រទេសថៃ Sabay នឹងផ្សាយជូនជាបន្តបន្ទាប់។