Samsung ឆ្លើយតបការរិះគន់ការបញ្ចេញលក់ទូរសព្ទមិនសំចៃលើទីផ្សារ
- 2015-02-19 18:15:23
- ចំនួនមតិ 0 | ចំនួនចែករំលែក 0
Samsung ឆ្លើយតបការរិះគន់ការបញ្ចេញលក់ទូរសព្ទមិនសំចៃលើទីផ្សារ
ចន្លោះមិនឃើញ
ក្រុមហ៊ុន Samsung បានឆ្លើយតបការរិះគន់ជុំវិញការដែលក្រុមហ៊ុនបញ្ចេញលក់ទូរសព្ទស៊េរីថ្មីៗរាប់សិបម៉ូដែលក្នុងមួយឆ្នាំៗនៅលើទីផ្សារ ដែលធ្វើអ្នកគាំទ្រមួយចំនួនមិនសប្បាយចិត្ត។
ឆ្លើយតបការរិះគន់នេះ លោកស្រី Sasitorn Khoopatanakul នាយកគ្រប់គ្រងផ្នែកផ្សព្វផ្សាយរបស់ក្រុមហ៊ុន Samsung ប្រចាំប្រទេសថៃនិងតំបន់ឥណ្ឌូចិនប្រាប់ Sabay ក្នុងពិព័រណ៍ Samsung Forum 2015 នៅប្រទេសថៃកន្លងទៅថា ការដែល Samsung បានបញ្ចេញទូរសព្ទយ៉ាងច្រើនក្នុងមួយឆ្នាំៗនៅលើទីផ្សារ ជាការឆ្លើយតបតម្រូវការទីផ្សារអ្នកប្រើប្រាស់។
“ចំណង់ចំណូលចិត្ត និងកម្រិតជីវភាពរបស់អ្នកប្រើប្រាស់ម្នាក់ៗខុសៗគ្នាអាស្រ័យតាមប្រទេសនិងតំបន់ ដូច្នេះយើងរចនាទូរសព្ទជាច្រើនជម្រើស ដើម្បីផ្តល់លទ្ធភាពអាចបំពេញគ្រប់តម្រូវការនិងការចង់បានរបស់អតិថជន"។
លោកស្រីបញ្ជាក់ថា Samsung បានបញ្ចេញទូរសព្ទដែលមានចាប់តាំងពីម៉ូដែលដែលមានតម្លៃទាបរហូតដល់តម្លៃខ្ពស់។ យ៉ាងណាក្រុមហ៊ុនក៏ផ្តោតលើគុណភាពនិងបច្ចេកវិទ្យាមិនថាទូរសព្ទលំដាប់ខ្ពស់ ឬលំដាប់ទាប ដើម្បីផ្តល់ទំនុកចិត្តដល់អតិថិជនទិញយកទៅប្រើប្រាស់។
លោកស្រី Sasitorn Khoopatanakul អះអាងថា ក្នុងមួយឆ្នាំៗ Samsung បញ្ចេញទូរសព្ទមិនក្រោម ១០ ម៉ូដែលលក់លើទីផ្សារពិភពលោក។ ឆ្នាំ ២០១៥ ក្រុមហ៊ុនក៏នឹងបន្តបញ្ចេញទូរសព្ទស៊េរីថ្មីៗបន្តបន្ទាប់ទៀត ដើម្បីបន្តនាំមុខជាក្រុមហ៊ុនទូរសព្ទលំដាប់កំពូលរបស់ពិភពលោក។
អត្ថបទ៖ ប៊ុណ្ណារ៉ា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
