ទៅរួចអត់ ខេមរៈ ភូមិន្ទ ចង់ល្បីដូច ខេមរៈ សិរីមន្ត?

2015-02-26 16:22:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មិត្តអ្នកអានប្រហែលជានៅចាំតារាសម្ដែងម្នាក់ឈ្មោះ ខេមរៈ ភូមិន្ទ ដែលមានមុខមាត់ស្រដៀងនឹងតារាចម្រៀង ខេមរៈ សិរីមន្ត ។ ភូមិន្ទបានប្រាប់ sabay ថា លោកមានបំណងចង់ល្បីដូច លោក ខេមរ សិរីមន្ត ហើយបច្ចុប្បន្នលោកកំពុងតែខំប្រឹងខ្លាំង។

https://www.youtube.com/watch?v=V4awPCCZsO0

ខេមរៈ ភូមិន្ទ មានឈ្មោះពិត វ៉ាត រ៉ាវី មានវ័យ ២៥ ឆ្នាំ បានប្រលូកក្នុងវិស័យសិល្បៈជាច្រើនឆ្នាំមកហើយ ប៉ុន្តែការដើរលើវិថីនេះ តារាមានមុខមាត់ស្រដៀង និង ខេមរៈ សិរីមន្ត ម្នាក់នេះលូកមិនជ្រៅឡើយ ព្រោះជាប់រវល់នឹងការងារយោធា ដោយបច្ចុប្បន្នលោកគឺជាទាហានក្នុងកងកម្លាំងរក្សាសន្តិសុខរបស់អង្គការសហប្រជាជាតិ។

ភូមិន្ទ ប្រាប់ថា លោកបានរៀនតុបតែងខ្លួនដូច តារាចម្រៀង ខេមរៈ សិរីមន្ត តាំងតែពីឆ្នាំ២០០៩ ដោយសារតែការស្រលាញ់ ផ្សំនឹងលោកមានមុខមាត់ពីធម្មជាតិ ស្រដៀងគ្នាផង។ សាមីខ្លួន អះអាងថា ជារឿយៗ មានមនុស្សជាច្រើនតែងតែច្រឡំថា លោក ជាខេមរៈ សិរីមន្ត ក៏មាន។

ដោយសារតែការស្រលាញ់សិល្បៈ ភូមិន្ទ បានព្យាយាមស្វែងរកបណ្ដាញដើម្បី មានឱកាសបានប្រលូកក្នុងវិស័យសិល្បៈ។ លោក ធ្លាប់បាន សម្ដែងរឿងបានចំនួន២រឿងមកហើយ គឺរឿង "ត្រើយស្នេហ៍ត្រើយជីវិត" និង រឿងមួយទៀត មិនចាំចំណងជើង ។ ជាមួយគ្នានោះ ភូមិន្ទ ក៏ធ្លាប់ បានសម្ដែង ខារ៉ាអូខេ ដោយផលិតកម្មសាន់ដេ ថោន KH ជាដើម។

ភូមិន្ទ ប្រាប់ថា ទៅថ្ងៃអនាគតលោកមានបំណងចង់ក្លាយជាតារាចម្រៀងល្បីដូច លោក ខេមរៈ សិរីមន្ត ហើយនាពេលខាងមុខនេះ លោកប្រហែលជាចូលច្រៀងឲ្យផលិតកម្មHD បន្ទាប់ពីលោកត្រឡប់មកពីបំពេញបេសកកម្មនៅអាហ្វ្រិកកណ្ដាល ជូនអង្គការសហប្រជាជាតិវិញ៕