ផលប្រយោជន៍នឹកស្មានមិនដល់ដែលក្មេងៗអាចទទួលបានពីការលេងហ្គេម
- 2015-03-03 15:45:25
- ចំនួនមតិ 0 | ចំនួនចែករំលែក 0
ផលប្រយោជន៍នឹកស្មានមិនដល់ដែលក្មេងៗអាចទទួលបានពីការលេងហ្គេម
ចន្លោះមិនឃើញ
ប្រយោជន៍នៃការលេងហ្គេម ស្ដាប់មើលទៅហាក់ដូចជាមានការខ្វែងពីគោលគំនិតរបស់អាណាព្យាបាល ក្មេងៗទាំងឡាយស្ទើរគ្រប់រូបដែលភាគច្រើនមានផ្នត់គំនិតអវិជ្ជមាន ទៅលើហ្គេម។ វាជាប្រពៃណីទៅហើយដែលគេគិតថា បណ្ដោយក្មេងឱ្យលេងហ្គេម នឹងធ្វើឱ្យរៀនលែងចូល។ តែខាងក្រោមនេះជាចម្លើយចេញពីអ្នកវិទ្យាសាស្ត្រ អ្នកស្រាវជ្រាវ ក៏ដូចជាចេញពីគេហទំព័រធំៗមួយចំនួនឆ្លើយបញ្ច្រាសទៅវិញ។
អ្នក វិទ្យាសាស្ត្រ និងអ្នកស្រាវជ្រាវជាច្រើនបានធ្វើការសិក្សាទៅលើបញ្ហានេះ ដោយទទួលបានលទ្ធផលមួយចំនួនបង្ហាញឲ្យឃើញថា ការលេងហ្គេមពិតជាមានសារប្រយោជន៍មែនសម្រាប់ក្មេងៗ។
អាន៖ ការពិតលេងហ្គេមមានប្រយោជន៍អីចឹងទេ!
លេងហ្គេម ជួយបង្កើនសមត្ថភាពឈ្លាសវៃក្នុងការប្រកួតប្រជែង និងរហ័សរហួន ចេះធ្វើការងារច្រើនក្នុងពេលតែមួយ បង្កើនសមត្ថភាពខាងបច្ចេកវិទ្យា ចេះសម្របសម្រួលខ្លួនបានយ៉ាងល្អដើម្បីប្រឈមបញ្ហាដែលមាននៅក្នុង នោះ ហើយក៏អាចកែអផ្សុកបានផងដែរ។
អាន៖ ប្រយោជន៍សុខភាព ៧ យ៉ាងពីការលេងហ្គេមមិនអានមិនដឹងមែន!
មិនត្រឹមជាក្មេងប្រុសៗ ដែលចូលចិត្តលេងនោះទេ ចំណែកក្មេងស្រីក៏មានចំណូលចិត្តដែរ។ ជាក់ស្ដែង របាយការណ៍ពីគេហទំព័រ techinasia កាលពីថ្មីៗកន្លងទៅបានបង្ហាញពីតួលេខជាភាគរយនៃបណ្ដាប្រទេសដែល មានក្មេងស្រីលេងហ្គេមច្រើនជាងគេចំនួន ៥ប្រទេសដូចជា ប្រទេសជប៉ុនមាន ៦៦% អង់គ្លេស ៤៩% អាមេរិក ៤២% កូរ៉េ ៣៧% និងចិនមាន ២៧%។
រីឯគេហទំព័រ wiki ក៏បានលើកឡើងទាក់ទិនចំណុចនេះផងដែរថា ហ្គេមមិនផ្ដល់ផលអាក្រក់ដល់ក្មេងៗឡើយ ផ្ទុយទៅវិញ គឺអាចបង្រៀនដល់ក្មេងៗឱ្យចេះគ្រប់គ្រងស្ថានការណ៍នៅក្នុងសាច់រឿង មានភាពក្លាហាន រឹងប៉ឹង ជាពិសេសកាន់តែមានប្រយោជន៍នោះគឺពពួកហ្គេមល្បងប្រាជ្ញា (Puzzle Game) ហ្គេមជំនួយការចងចាំ (Memory Game) ហ្គេមអនឡាញ (Game Online) ហ្គេមប្រើតក្កវិទ្យា (Game Logic)។ ដូច្នេះ ត្រង់ចំណុចនេះការលេងហ្គេមហាក់ប្រែទៅជាការរៀនសូត្រទៅវិញ។
ការ កម្សាន្តហ្គេម ក៏ជាចំណែករួមផ្សំមួយជួយបង្កើនភាពរហ័សរហួន ព្រមទាំងប្រាជ្ញារបស់អ្នកលេងបាន។ បើគិតឱ្យលំអិតទៅ ដើមហេតុនៃគោលគំនិតមិនល្អចំពោះហ្គេមគឺដោយសារតែក្មេងៗលេងមិន បានប្រមាណកម្លាំង និងយកពេលទៅលេងពុំបានត្រឹមត្រូវដែលនាំឱ្យប៉ះពាល់ដល់ពេលវេលា សិក្សាជាដើម។ គឺត្រឹមត្រូវណាស់ អ្វីៗទាំងអស់តែងមានល្អ ក៏ដូចជាចំណុចអវិជ្ជមានអាស្រ័យលើមនុស្សប្រើវាឱ្យបានសមស្រប។
គេ ឃើញសព្វថ្ងៃនេះ កំណើននៃអ្នកចូលចិត្តលេងហ្គេមមានកាន់តែខ្លាំងឡើង ហើយភាគច្រើនគឺបានប្រើប្រាស់ Smartphone ជាឧបករណ៍ស្ទើរតែច្រើនជាងកុំព្យូទ័រ។ ក្រៅពីនេះ នៅមានឧបករណ៍កម្សាន្តពេញនិយមមួយចំនួនទៀតដូចជា Game Console (ស៊េរី Xbox របស់ Microsoft, Play Station របស់ Sony, WiiU របស់ Nintendo)។
ឲ្យក្មេងៗលេងហ្គេម ពិតជារឿងមិនល្អមែនឬ? ចុះមានកត់សម្គាល់អត់ថា កូនក្មួយអ្នកធូរធារមួយចំនួន មិនទាន់ដឹងអីផង សុទ្ធតែកាន់ iPhone/iPad លេងហ្គេមនេះ ហ្គេមនោះតម្លៃរាប់រយ រាប់ពាន់ដុល្លារ ដូចកាន់តុក្កតា?
ប្រភព៖ techinasia
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
