Tony Jaa បង្ហាញមោទនភាពជាជនជាតិថៃ ថ្ងៃសម្ពោធ "Furious 7"

2015-04-03 18:40:57
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងក្បាច់គុន Tony Jaa ឬ ចាភ្នំយីរ៉ាំ បាននិយាយថាខ្លួនមានមោទនភាពយ៉ាងក្រៃលែងក្នុងនាមជាជនជាតិថៃ នៅពេលសម្ភាសន៍ជាមួយអ្នកសារព័ត៌មានអាមេរិក ក្នុងពិធីសម្ពោធភាពយន្តហូលីវូដ "Furious 7” នៅទីក្រុង Los Angeles សហរដ្ឋអាមេរិក កាលពីថ្ងៃពុធ។

តារាដែលមានកំណើតនៅខេត្តសុរិន្ទរូបនេះបានប្រាប់សារព័ត៌មាន Screen Slam ថា "ខ្ញុំពិតជាមានមោទនភាពមែនទែនដែលបានកើតនៅប្រទេសថៃ។ ប្រទេសថៃតូចមែន ប៉ុន្តែខ្ញុំចង់បង្ហាញពិភពលោកថា ប្រជាជនថៃអាចធ្វើអ្វីបានខ្លះ"។

Tony Jaa ក៏បាននិយាយដែរថា កម្មវិធីសម្ពោធភាពយន្តនេះគឺជាការឧទ្ទិសទាំងស្រុងដល់តារាសម្ដែង Paul Walker ដែលបានស្លាប់មុនពេលថតរឿងនេះចប់កាលពីខែវិច្ឆិកា ឆ្នាំ២០១៣។

បើទោះជានៅជាប់ពាក់ព័ន្ធរឿងក្ដីក្ដាំជាមួយផលិតកម្មនៅប្រទេសថៃ ប៉ុន្តែតារាកែងឆេះជង្គង់ហោះរូបនេះបានបង្ហាញពីភាពរីករាយ និងទឹកមុខញញឹមយ៉ាងលេចធ្លោក្នុងពិធីនោះ និងបានបញ្ចេញក្បាច់គុនដោយលោតពីលើឆាកផងដែរ។

ទស្សនាវីដេអូខាងក្រោមនេះ៖