ទីបំផុត ម៉ៅ សុចាន់ធី ភ្ជាប់ពាក្យផ្លូវការមុនចាកចេញទៅអាមេរិកថ្ងៃនេះ

2015-05-04 17:08:30
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតតារាសម្ដែងជើងចាស់ ម៉ៅ សុចាន់ធី បានធ្វើពិធីភ្ជាប់ពាក្យផ្លូវការហើយកាលពីចុងសប្ដាហ៍មុនជាមួយអនាគតស្វាមី សៀង តារាសម្ផស្ស ជាសិល្បករដែរ។

ពិធីនេះបានប្រព្រឹត្តទៅ តែក្នុងរយៈពេលប្រមាណមិនដល់១ខែផង បន្ទាប់ពីតារាសម្ដែងក្នុងរឿង "ទឹករាំផ្ការាំ" រូបនេះ បានបង្ហើបប្រាប់ Sabay ពីគម្រោងនេះកាលពីពាក់កណ្ដាលខែមុន។ សាមីខ្លួនខាងស្រី ប្រាប់ទៀតថា អ្នកនាង ប្រញាប់រៀបចំពិធីភ្ជាប់ពាក្យផ្លូវការនាពេលនេះ ព្រោះតែត្រូវប្រញាប់ត្រឡប់ទៅអាមេរិកដែរ ដោយត្រូវចាកចេញទៅនៅថ្ងៃនេះតែម្ដង។

“ខ្ញុំភ្ជាប់ពាក្យឲ្យហើយ ដល់ចុងឆ្នាំនេះខែ ១១ ខ្ញុំនឹងត្រឡប់មកវិញ រៀបចំពិធីរៀបការតែម្ដង" ម៉ៅ សុចាន់ធី បន្ថែម។ អ្នកនាង ប្រាប់ទៀតថា បន្ទាប់ពីរៀបការរួចនាចុងឆ្នាំនេះ អ្នកនាង នឹងរៀបចំឯកសារធានាស្វាមីទៅរស់នៅជាមួយគ្នានៅសហរដ្ឋអាមេរិកភ្លាមៗ ដោយមិនទុកយូរទេ។

ម៉ៅ សុចាន់ធី ដែលបានចាកចេញពីសិល្បៈ១០ឆ្នាំជាងនោះ បានស្គាល់គូដណ្ដឹង សៀង តារាសម្ផស្ស ជាង១ឆ្នាំមកហើយ តាមរយៈបណ្ដាញសង្គមហ្វេសប៊ុក និងប្រព័ន្ធផ្សេងៗដូចជា Skype,Tangoផ្សេងៗជាដើមនោះ មិនដែលបានជួបមុខគ្នាទេ។ ដូច្នេះហើយ នៅថ្ងៃទី០២ ខែមេសាកន្លងទៅនេះ អ្នកនាង ឡើងមកស្រុកខ្មែរដើម្បីជួបមុខលោក សម្ផស្ស ដោយផ្ទាល់ ដែលជាបំណងមួយក្នុងចំណោម៣របស់អ្នកនាងមកស្រុកខ្មែរ។

ក្រោយបានជួបផ្ទាល់ ម៉ៅ សុចាន់ធី ប្រាប់ថា អ្នកនាងច្បាស់ក្នុងចិត្តថា សៀង តារាសម្ផស្ស គឺជាអ្នកដែលត្រូវផ្ញើជីវិតចាប់ពីពេលនេះតទៅ រហូតសម្រេចចិត្តធ្វើពិធីភ្ជាប់ពាក្យភ្លាមៗដូច្នេះ។

ប្រការគួរកត់សម្គាល់ មិត្តរួមអាជីពរួមជំនាន់មួយចំនួនរបស់អតីតតារាសម្ដែងក្នុងទសវត្សរ៍ ៩០ រូបនេះ បានបង្ហាញវត្តមានជាច្រើន។

អត្ថបទ៖ ម៉ៅ សុចាន់ធី ជិះយន្តហោះរាប់ពាន់គីឡូម៉ែត្រមកមើលមុខគូដណ្តឹង

ពួកគេមាននរណាខ្លះ តោះ...ទស្សនាទាំងអស់គ្នា...!!!