គង់ សុធារិទ្ធ មកចោល កែវ ច័ន្ទសម្ផស្ស ក្រោយជួបគ្នានៅអាមេរិក

2015-05-20 21:03:51
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមរយៈអ្នកឧបត្ថម្ភផ្សេងគ្នាក៏ពិតមែន ក៏ប៉ុន្តែ តារាចម្រៀង គង់ សុធារិទ្ធ នៅតែមានឱកាសបានជួបអតីតគូស្នេហ៍ចាស់ កែវ ច័ន្ទសម្ផស្ស នៅលើទឹកដីអាមេរិក ដោយអ្នកទាំងពីរបានសហការគ្នាសម្ដែងទទួលបានជោគជ័យ។ សាមីខ្លួនឆ្លើយឆ្លងតាមសារជាមួយ sabay ។

ទោះបីជាយ៉ាងណា អនុប្រធាននាយកដ្ឋានសហប្រតិបត្តិការវប្បធម៌អន្តរជាតិ និង កិច្ចការអាស៊ាន នៃក្រសួងវប្បធម៌រូបនេះបញ្ជាក់ថា លោកមិនអាចនៅកំដរដៃគូសម្ដែងរហូតដល់ចប់ចុងចប់ដើមនោះឡើយ ព្រោះត្រូវធ្វើដំណើរមាតុភូមិនិវត្តន៍ តាមកំណត់ក្នុងទិដ្ឋាការស្ថានទូត ដែលបានកំណត់ត្រឹមតែ ១ខែ។ ចំណែក កែវ ច័ន្ទសម្ផស្ស ទទួលបានទិដ្ឋាការមានរយៈពេល ពីរខែកន្លះ។

សុធារិទ្ធ និយាយថា៖" ដោយសារខ្ញុំមានពេលវេលាខ្លី ដូច្នេះភាពជោគជ័យក៏មានកម្រិតដែរ។ ចំណែក សម្ផស្ស គាត់មានពេលយូរជាង ចំណូលក៏សមរម្យតាមហ្នឹងដែរ"។ មន្ត្រីក្រសួងវប្បធម៌រូបនេះបន្ថែមទៀតថា យ៉ាងណាប្រជាពលរដ្ឋខ្មែរនៅទីនោះទទូចសុំបន្តការសម្ដែង ទោះបីដឹងថា មិនអាចទៅរួចយ៉ាងណាក្ដី។ តាមការកំណត់ សុធារិទ្ធ នឹងចាកចេញពីទឹកដីអាមេរិកថ្ងៃនេះ ដើម្បីត្រលប់មកប្រទេសកម្ពុជា ។

ទោះបីជាយ៉ាងណា តារាចម្រៀង និងជាមន្ត្រីក្រសួងវប្បធម៌ខាងលើបញ្ជាក់ថា ហេតុផលត្បិតត្បៀតពីស្ថានទូតអាមេរិកដូច្នេះ ក៏ដោយសារកន្លងមកមានអ្នកសិល្បៈមួយចំនួនតែងគេចមិនត្រលប់វិញ និងរស់នៅទីនោះតែម្ដង។ នេះហាក់ដូចជាការបិទផ្លូវសម្រាប់សិល្បករ-សិល្បការិនី ដទៃទៀត ដែលចង់មានឱកាសទៅសម្ដែងនៅទីនោះដែរ៕

អានអត្ថបទ៖ រឿង “ឡប់៨” ចំណាយមិនដល់ ១ ម៉ឺន ដុល្លារទេ ប៉ុន្តែ សង្ឃឹមជោគជ័យ

អានអត្ថបទ៖ ទីបំផុត ចន ច័ន្ទលក្ខិណា ព្រមទទួលស្គាល់ចំណងស្នេហ៍ជាមួយបុរសពោះម៉ាយ