កាល​ពី​ខែ​មុន តារា​ចម្រៀង​ Taylor Swift បាន​ចេញ​វីដេអូ​ចម្រៀង​បទ "Bad Blood” ដែល​ប្រមូល​ផ្ដុំ​ដោយ​តារា​ស្រី​ល្បី​ៗ​វ័យ​ក្មេង​ជា​ច្រើន​ដូច​ជា Selena Gomez, Zendaya, Karlie Kloss, Mariska Hargitay and Ellen Pompeo Zendaya, Karlie Kloss, Mariska Hargitay និង Ellen Pompeo។

ប៉ុន្តែ​ឥលូវ​នេះ​តារា​ចម្រៀង​​ជើង​ចាស់ Madonna បាន​ប្រកាស​ចេញ​វីដេអូ​ចម្រៀង​ថ្មី​របស់​ខ្លួន​មួយ​បទ​មាន​ចំណងជើង​ថា "Bitch I'm Madonna” ដែល​នឹង​ចូល​រួម​សម្ដែង​ដោយ​តារា​ស្រី​ជា​ច្រើន​ដែរ និង​កាន់​តែ​ល្បី​ៗ​ថែម​ទៀត ដូច​ជា Beyonce, Nicki Minaj, Miley Cyrus, Rita Ora និង​តារា​មិន​ស៊ី​ខ្សែ​ជាមួយ Taylor Swift គឺ Katy Perry។

តារា​ចម្រៀង​ប៉ុប​វ័យ ៥៦ឆ្នាំ​រូប​នេះ​បាន​បង្ហោះ​រូប​ភាព​ផ្សព្វផ្សាយ​ពី​បទ​ចម្រៀ.ង​នេះ​លើ Instagram និង​បាន​សរសេរ​ថា "វីដេអូ​នឹង​ចេញ​ក្នុង​ពេល​ឆាប់​ៗ​នេះ! ពួក​យើង​ព្យាយាម​ធ្វើ​អ្វី​ដែល​ល្អ​បំផុត​សម្រាប់​អ្នក"។

​"Bitch I'm Madonna” ដែល Madonna ច្រៀង​ជាមួយ Nicki Minaj គឺ​ជា​បទ​ចម្រៀង​ទី​៣ ពី​អាល់ប៊ុម​អាល់ប៊ុម "Rebel Heart” របស់ Madonna បន្ទាប់​ពី​បទ "Living for Love” និង "Ghosttown” ៕​

ចុចអាន៖មិន​ធម្មតា! តម្លៃ​ខ្លួន​ថត​ពាណិជ្ជកម្ម​របស់ Selena Gomez

ចុចអាន៖Katy Perry ​បង្ហោះ​រូប​ស្ទើរ​ស្រាត​ ស្ទើរ​​​​​ជិត​​​ឲ្យ​ក្រុមហ៊ុន​ Moschino

ប្រែ​សម្រួល៖ វ៉ាន់ថន ប្រភព៖etonline