រឿង ដុំហ្វ៊ីលចុងក្រោយ ឬ The Last Reel បាន​ជាប់​ក្នុង​ចំណោម​ខ្សែ​ភាពយន្ត​ល្អ​បំផុត​ទាំង​១០ ប្រចាំ​មហោស្រព​ភាពយន្ត​អាស៊ី នៅ​ទីក្រុង​ញូវយ៉ក សហរដ្ឋ​អាមេរិក។

នៅ​ក្នុង​កម្មវិធី​ដែល​ធ្វើ​ឡើង​ពី​ថ្ងៃ​ទី​២៦ ​មិថុនា ដល់​៨ ​កក្កដា​នេះ មាន​ការ​បង្ហាញ​រឿង​ថ្មី​ជាង​៥០ មក​ពី​ចិន ហុងកុង ជប៉ុន កូរ៉េខាងត្បូង តៃវ៉ាន់ និង​អាស៊ីអាគ្នេយ៍ ដែល​រួម​មាន​​ទាំង​កម្ពុជា​ផង​ដែរ។ ក្នុង​ចំណោម​ខ្សែភាពយន្ត​ជាង​៥០​នោះ វិបសាយ Timeout បាន​ចាត់​ថ្នាក់​ខ្សែ​ភាពយន្ត​ The Last Reel ដែល​ដឹកនាំ​ដោយ​អ្នក​ស្រី សុទ្ធោ គុល្លិការ ជា​ខ្សែ​ភាពយន្ត​ល្អ​បំផុត​មួយ​ក្នុង​ចំណោម​ទាំង​១០។

កាល​ពី​ចុង​ខែ​តុលា ឆ្នាំ​២០១៤​កន្លង​ទៅ ដុំហ្វ៊ីលចុងក្រោយ ក៏​បាន​ឈ្នះពាន "ដួងព្រលឹងអាស៊ី" ពី​មហោស្រព​ខ្សែភាពយន្ត​អន្តរជាតិ​នៅ​ទីក្រុង​តូក្យូ​ផង​ដែរ។

​ខ្សែ​ភាពយន្ត​ទាំង​១០ នោះ​មាន​ដូច​ខាង​ក្រោម៖

Tokyo Tribe (ជប៉ុន)

My Love, Don't Cross that River (កូរ៉េខាងត្បូង)

It's Already Tomorrow in Hong Kong (ហុងកុង)

ដុំហ្វ៊ីលចុង​ក្រោយ ឬ The Last Reel (កម្ពុជា)

Taksu (ជប៉ុន)

Second Chance (តៃវ៉ាន់)

Kabukicho Love Hotel (ជប៉ុន)

Ruined Heart! Another Love Story Between a Criminal and a Whore (ហ្វីលីពីន)

Pale Moon (ជប៉ុន)

Battle Without Honor and Humanity (ជប៉ុន)

វីដេអូ Trailer នៃ​រឿងដុំហ្វ៊ីលចុងក្រោយ

ចុច​អាន៖ខ្សែភាពយន្ត​ខ្មែរមួយ ឈ្នះ​​ពាន​ពី​ជប៉ុន

ដោយ៖ សុវត្ថិ

ប្រភព៖ timeout