Sabay មូសខ្លាស្គាល់ជ័យជម្នះលើកទី២ ខណៈ Davies Paints និង Pates 310 នៅតែខ្លាំង
- 2014-10-13 15:53:46
- ចំនួនមតិ 0 | ចំនួនចែករំលែក 0
Sabay មូសខ្លាស្គាល់ជ័យជម្នះលើកទី២ ខណៈ Davies Paints និង Pates 310 នៅតែខ្លាំង
ចន្លោះមិនឃើញ
លីកបាល់បោះកាន់តែតានតឹងខ្លាំងហើយនៅពេលនេះសម្រាប់ក្រុមដែលស្ថិតនៅតំបន់ខាងក្រោម ត្បិតអីជ័យជម្នះរបស់ Sabay Tigers Mosquitoes (Sabay មូសខ្លា) កាលពីរសៀលថ្ងៃសៅរ៍បានធ្វើឲ្យក្រុមនេះហាក់មានភាគរយខ្ពស់ឡើងវិញក្នុងការតាមប្រមាញ់កៅអីនៅវគ្គបន្ត ស្របពេលដែលក្រុមខ្លាំង Davies Paints និង Pates 310 សុទ្ធតែទទួលបានជ័យជម្នះយ៉ាងងាយដូចគ្នានលើទីលានវិមានពហុកីឡដ្ឋានជាតិ។
ក្រុម Sabay មូសខ្លា អាចស្គាល់រសជាតិឈ្នះជាលើកទី២របស់ខ្លួន ដោយវាយបកយកឈ្នះលើក្រុម Mekong Tigers ក្នុងលទ្ធផលប្រផុតប្រផើយ ៦៥ ទល់នឹង៦០។ Sabay មូសខ្លា ៦ប្រកួតកន្លងមកឈ្នះតែការប្រកួតបើកឆាកមួយគត់ ក្រៅពីនោះចាញ់ទាំងអស់។
ងាកទៅមើលក្រុមកំពូលតារាង Davies Paints បានយកឈ្នះលើក្រុម NSK Dream ក្នុងលទ្ធផល ៦៨‑៥៧ និងបានរុញច្រាន NSK Dream ឲ្យធ្លាក់ទៅលេខ៨ក្បែរនឹងតំបន់គ្រោះថ្នាក់។ ដោយឡែក ក្រុមខ្លាំង Pates 310 ក៏បានបំបាក់ក្រុមបាតតារាង GL Concrete ក្នុងលទ្ធផល ៧៩ ទល់នឹង ៤៣។
នៅសល់តែពីរប្រកួតម្នាក់ទៀតប៉ុណ្ណោះនោះគេនឹងដឹងច្បាស់ថា តើណាខ្លះដែលនឹងមានវាសនាឡើងទៅវគ្គបន្ត ហើយក្រុមណាខ្លះដែលនឹងត្រូវចាកចេញ លើកលែងតែ Sabay មូសខ្លា និង Emperors ដែលនៅសល់មួយប្រកួតក្នុងដៃ។
តារាងចំណាត់ថ្នាក់បណ្ដោះអាសន្ន
អត្ថបទ៖ អៀង សូទ្រី