រំជួលចិត្ត! គូស្នេហ៍ ៧៥ឆ្នាំស្លាប់កាន់ដៃគ្នាជាប់នៅលើគ្រែ

2015-07-04 00:01:04
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សមួយចំនួនដែលមើលឃើញតែភាពផិតក្បត់ តែងគិតថាលើលោកនេះគ្មានមនុស្សស្មោះត្រង់ ប៉ុន្តែស្នេហាពិតនៅតែមានជានិច្ចមិនសាបសូន្យឡើយ។ គូស្នេហ៍ដែលរៀបការរួមរស់ជាមួយគ្នា ៧៥ឆ្នាំ បានស្លាប់ទៅវិញខុសពេលគ្នាត្រឹមប៉ុន្មានម៉ោង ដោយកាន់ដៃគ្នាជាប់នៅលើគ្រែ។

លោកយាយជាប្រពន្ធឈ្មោះ Jeanette Toczko អាយុ ៩៦ឆ្នាំ ចំណែកលោកតាជាប្ដីឈ្មោះ Alexander Toczko មានអាយុ ៩៥ឆ្នាំ រស់នៅក្រុង San Diego រដ្ឋ California សហរដ្ឋអាមេរិក។ ក្រោយសាងអនុស្សាវរីយជាមួយគ្នា ៧៥ឆ្នាំ គូស្នេហ៍វ័យចំណាស់នេះ បានស្លាប់ដោយកាន់ដៃគ្នាជាប់សម្រេចតាមបំណង។

ប្រវត្តិស្នេហ៍ពិតរបស់លោកតានិងលោកយាយ បានកើតឡើងតាំងពីអាយុ ៨ឆ្នាំមកម្ល៉េះ។ បើទោះបីនៅក្មេងៗក្ដី ក៏លោកតានិងលោកយាយបានដាក់ចិត្តស្រលាញ់គ្នា រួចរៀបការជាមួយគ្នានៅពេលពេញវ័យរៀងខ្លួន។ គូស្នេហ៍ទាំងពីរ បានរៀបការក្នុងឆ្នាំ១៩៤០ និងមានកូន ៥នាក់ជាចំណងដៃ។

ជីវិតស្នេហាដ៏ផ្អែមល្ហែមមិនអាចកាត់ផ្ដាច់បាន ចាប់ផ្ដើមជួបភាពកម្សត់បន្តិចម្ដងៗ នៅពេលប្ដីប្រពន្ធស្មោះស្ម័គ្រទាំងពីរនាក់មានជំងឺ ដោយសារអំណាចនៃភាពចាស់ជរារៀងខ្លួន។ ប៉ុន្មានសប្ដាហ៍មុន លោកតា Toczko បានដួលបាក់ឆ្អឹងត្រគាក មិនអាចទៅណាបានត្រឹមនៅមួយកន្លែងលើគ្រែ។

មន្ទីរពេទ្យក្នុងតំបន់ បានផ្ដល់គ្រែពិសេសមួយ ដើម្បីឲ្យលោកតាបានគេងនៅជិតប្រពន្ធជាទីស្រលាញ់។ ខណៈស្ថានភាពលោកតាកាន់តែធ្ងន់ធ្ងរ សុខភាពលោកយាយជាប្រពន្ធក៏កាន់តែចុះអន់ថយជាលំដាប់។ ទោះយ៉ាងណា គូស្នេហ៍ទាំងពីរមិនខ្លាចញញើតសេចក្ដីមរណៈឡើយ ហើយលោកទាំងពីរតែងបួងសួងសូមឲ្យស្លាប់នៅលើគ្រែជាមួយគ្នា ដោយកាន់ដៃគ្នា។

លោកតា Toczko បានលាចាកលោកកាលពីថ្ងៃទី១៧ ខែមិថុនានេះ ចំណែកលោកយាយបានបាត់ដង្ហើមទៅតាមប៉ុន្មានម៉ោងក្រោយ នៅថ្ងៃបន្ទាប់។ កូនស្រីលោកយាយបានរៀបរាប់ថា "ខ្ញុំប្រាប់ម៉ាក់ខ្ញុំ ប៉ាផុតដង្ហើមហើយ... ម៉ាក់ខ្ញុំបានឱបប៉ា ហើយនិយាយថា "ឃើញអត់, នេះជាអ្វីដែលបងចង់បាន... បងចង់ស្លាប់លើដៃអូន ដោយក្ដីស្រលាញ់... អូនស្រលាញ់បង, ចាំអូនណា... អូនទៅតាមបងឥឡូវហើយ"៕

ចុចអាន៖ គូស្នេហ៍ផ្សងព្រេង ជិះកង់ជិត ២ម៉ឺនគីឡូម៉ែត្រពីចិនទៅអាហ្វ្រិក

ចុចអាន៖ ប៉ារីសចាប់ផ្ដើមប្រមូលសោគូស្នេហ៍រាប់តោនចេញពីស្ពាន

ប្រែសម្រួល៖ គង់ វិសាល ប្រភព៖ dailymail

ពាក្យទាក់ទង

ព័ត៌មានសង្គមអន្តរជាតិ

អត្ថបទពេញនិយម

ដំណើរជីវិត អ៊ុងអ៊ីង នាយករដ្ឋមន្រ្តីវ័យក្មេងបំផុត ក្នុងប្រវត្តិសាស្រ្ត របស់ប្រទេសថៃ

ពីអាគារចាស់ សល់ពី សម័យប៉ុល ពត ក្លាយទៅជាភូមិគ្រិះ ព័ទ្ធដោយសួនធម្មជាតិ យ៉ាងមនោរម្យ!

កាន់តែទាក់ទាញ ទេសចរណ៍នៅសៀមរាប ម៉តូធំអូសរម៉កបំពាក់បាសធំៗត្រៀមជូនភ្ញៀវដើរលេងកម្សាន្ត

កម្ពុជា ជាទីផ្សារនាំចេញប្រេងឥន្ធនៈធំបំផុតទី២ របស់ប្រទសថៃ

ក្រសួងប្រៃសនីយ៍ និងទូរគមនាគមន៍ ជូនដំណឹងស្ដីពីកំណើនឡើង ការវាយប្រហារសាយប័រ

រូបចម្លាក់ “ព្រះមហាក្សត្រ ព្រះបាទជ័យវរ្ម័នទី៧ ប្រយុទ្ធជាមួយតោ” ដាក់តាំង នៅ Garden by the Bay ដ៏ល្បីល្បាញ នៅសិង្ហបុរី

អត្ថបទថ្មី

ក្រោមជំហរជាធ្លុងមួយជាមួយប្រជាជនកម្ពុជា ក្រុមហ៊ុន Smart Axiata បង្កើតនូវមូលនិធិ 1,000,000 ដុល្លារ ដើម្បីគាំទ្រ និងសម្រួលបន្ទុក

ក្រុមហ៊ុនភេសជ្ជៈប៉ូវកម្លាំង បាកាស ធ្វើការឧបត្ថម្ភថវិកាចំនួន ១០ ម៉ឺនដុល្លារ ដល់កងទ័ពជួរមុខ

កម្មវិធីផលិតភាពយន្ដខ្លី ការ៉េមួយ ២០២៥ ប្រារព្ធអបអរសាទរ ដល់អ្នកដែលមានទេពកោសល្យ

ពលករខ្មែរ បន្ដសម្រុកចូលប្រទេស កំពុងកកកុញនៅច្រកទ្វារអន្ដរជាតិព្រំ និងបានឡែម ក្រសួងកំពុងពិនិត្យលទ្ធភាពជួយបន្ថែម!

នៅមិនដាច់អាល័យប្តីរបស់ Barbie Hsu 'ទៅមើលផ្នូរប្រពន្ធរបស់គាត់ជារៀងរាល់ថ្ងៃ

ម៉ាឡេស៊ី នឹងរៀបចំក្រុមអ្នកអង្កេតការណ៍ពិនិត្យ និងធានាការអនុវត្តបទឈប់បាញ់ជម្លោះព្រំដែនរវាងកម្ពុជា-ថៃ