ស៊ិន ច័ន្ទសាយ៉ា៖ អ្នកប្រឡូកក្នុងឧស្សាហកម្មភាពយន្តបច្ចុប្បន្ន មិនទាន់អាចជាអ្នកអាជីពទេ

2015-07-30 15:59:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រឡូកក្នុងវិស័យឧស្សាហកម្មភាពយន្តបច្ចុប្បន្ននៅមានកម្រិត មិនទាន់អាចក្លាយជាអ្នកអាជីពនៅឡើយទេ។ នេះបើតាមការលើកឡើងរបស់លោក ស៊ិន ច័ន្ទសាយ៉ា ប្រធាននាយកដ្ឋានភាពយន្ត នៃក្រសួងវប្បធម៌កន្លងទៅ។

លោកបញ្ជាក់ថា៖ " និយាយដោយស្មោះ! អ្នកប្រឡូកក្នុងវិស័យឧស្សាហកម្មភាពយន្តបច្ចុប្បន្ននៅមានកម្រិត មិនទាន់អាចក្លាយជាអ្នកអាជីពទេ តិចណាស់ដែលលោកមានបទពិសោធន៍ ទេពកោសល្យ និងជំនាញពិតប្រាកដ"។ ប្រធាននាយកដ្ឋានខាងលើបន្តថា ហេតុផលទាំងនេះហើយ ដែលធ្វើឱ្យស្នាដៃមិនទាន់អាចលើកកម្ពស់បាន ប្រសិនបើគ្មានកិច្ចសហការជាមួយអ្នកជំនាញបរទេសទេ។

អ្នកជំនាញភាពយន្តរូបនេះឱ្យដឹងថា មានតែការជំរុញលើកទឹកចិត្តដល់យុវវ័យជំនាន់ក្រោយទេ ដើម្បីឱ្យពួកគេផលិតភាពយន្តសម័យថ្មី មានកម្រិតគុណភាពអាចប្រកួតប្រជែងជាមួយភាពយន្តបរទេសបាន។ ក្នុងនោះលោកថា ការប្រកួតប្រជែងភាពយន្តខ្នាតខ្លីប្រចាំឆ្នាំ ក៏ជាជំហានមួយផងដែរ ដែលអាចពិនិត្យមើលពីកម្រិតស្នាដៃ និងភាពច្នៃប្រឌិតរបស់ផលិតករវ័យក្មេងជំនាន់ក្រោយ។

តាមរយៈមហោស្រពភាពយន្តខ្នាតខ្លីលោកថា នឹងស្វែងរកដៃគូបានកាន់តែច្រើន ដើម្បីបន្តជីវិតនៃដំណើរការប្រកួតប្រជែងស្នាដៃភាពយន្តប្រចាំឆ្នាំមួយនេះ។ លោកថា ដាច់ខាតមិនអាចស្ថិតនៅមួយកន្លែងនោះទេ ត្រូវតែរៀបចំព្រឹត្តិការណ៍នេះឱ្យខាងតែបាន និងធ្វើយ៉ាងណា ឱ្យកាន់តែល្អប្រសើរពីមួយឆ្នាំទៅមួយឆ្នាំ៕

អានអត្ថបទ៖ ហេតុផលខ្លះៗ ធ្វើឱ្យ ឱក សុគន្ធកញ្ញា មិនទាន់អាចថតកុនបាន

អានអត្ថបទ៖ ហេង ពិទូ ភ្ញាក់ផ្អើលនឹងឈ្មោះលោកត្រូវបានតែងតាំងជាអភិបាលរង

អត្ថបទ៖ សំ ជំនាញ