ប្រើ Password ឬលេខសម្ងាត់បែបនេះ ប្រយ័ត្នស៊យធំ!

2015-08-20 20:33:25
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រើប្រាស់គណនីអ៊ីម៉ែល, ហ្វេសប៊ុក និងគណនីផ្សេងៗទៀត តែងតែជ្រើសយកលេខសម្ងាត់ងាយៗ ព្រោះគិតថា លេខសម្ងាត់បែបហ្នឹងគឺមិនងាយភ្លេច។ ប៉ុន្តែអ្នកទាំងនោះ ប្រហែលជាមិនបានគិតបញ្ហាណាមួយ នៅពេលដែលមានអ្នកណាម្នាក់អាចលួចយកលេខសម្ងាត់ទាំងនោះ រួចយកគណនីរបស់អ្នកទៅធ្វើអ្វីផ្សេងនោះទេ។

ប្រសិនបើ Password ឬលេខសម្ងាត់របស់ប្រិយមិត្តដូចនឹងលេខសម្ងាត់ទាំង២៥ខាងក្រោមនេះ អ្នកគួរតែប្ដូរចេញទៅ ព្រោះថាអ្នកដទៃអាចនឹងស្មានដឹងពីលេខសំងាត់របស់អ្នក។ ចង់ដឹងថា លេខសម្ងាត់ទាំង២៥នេះ មានអ្វីខ្លះទេ?

យោងតាមគេហទំព័រ CNN តារាងខាងក្រោមនេះ ជាលេខសម្ងាត់ដែលប្រិយមិត្តគួរតែជៀសវាង៖

លេខរៀង	លេខសម្ងាត់
1	password
2	123456
3	12345678
4	abc123
5	qwerty
6	monkey
7	letmein
8	dragon
9	111111
10	baseball
11	iloveyou
12	trustno1
13	1234567
14	sunshine
15	master
16	123123
17	welcome
18	shadow
19	ashley
20	football
21	jesus
22	michael
23	ninja
24	mustang
25	password1

បើលេខសម្ងាត់ប្រហាក់ប្រហែលខាងលើមិនគួរប្រើ តើយើងគួរតែប្រើលេខសម្ងាត់បែបណា? លេខសម្ងាត់ដែលប្រិយមិត្តគួរប្រើនោះគួរតែមានមាន លេខ អក្សរ (អក្សរតូច និងអក្សរធំ) និងសញ្ញាពិសេសផ្សេងៗលាយចូលគ្នា ឧទាហរណ៍៖ Pa$$w0rd។

បន្ថែមពីនេះ ប្រសិនប្រិយមិត្តគិតថា វិធីខាងលើមានភាពស្មុគស្មាញនោះ ប្រិយមិត្តគួរតែជ្រើសយកលេខសម្ងាត់ជាប្រយោគអ្វីមួយមកជំនួសវិញ ក៏បានដែរ។ ឧទាហរណ៍៖ Dog_Eats_Bone, My-Pa$$word:)។

ក្រៅពីនេះ ដើម្បីការពារអ្នកជុំវិញខ្លួនអ្នកស្មានដឹងលេខសម្ងាត់របស់អ្នក អ្នកគួរតែកុំដាក់លេខសម្ងាត់ណាដែលមិនពាក់ព័ន្ធនឹងព័ត៌មានផ្ទាល់របស់អ្នក ដូចជា៖ លេខទូរសព្ទដៃផ្ទាល់ខ្លួន លេខផ្ទះ លេខមិត្តស្រី ឈ្មោះរបស់ខ្លួន ឬក៏ឈ្មោះមិត្តស្រី និងថ្ងៃខែឆ្នាំកំណើតអ្នកឲ្យសោះ៕

-ចុចអាន៖ នេះឬជាទូរសព្ទ iPhone 6s ពណ៌ស៊ីជម្ពូ?

សម្រួលដោយ៖តុង ប្រភព៖ CNN