ភាពយន្តបុរាណខ្មែរ ២ សាច់រឿងស្រដៀងគ្នានឹងរឿងហូលីវូដ
- 2015-08-26 18:11:48
- ចំនួនមតិ 0 | ចំនួនចែករំលែក 0
ភាពយន្តបុរាណខ្មែរ ២ សាច់រឿងស្រដៀងគ្នានឹងរឿងហូលីវូដ
ចន្លោះមិនឃើញ
សម្រាប់អ្នកដែលចូលចិត្តទស្សនាខ្សែភាពយន្តខ្មែរមួយចំនួនប្រហែលជាមិនបានដឹងទេថា ភាពយន្តខ្មែរ ២ រឿងដែលនិពន្ធឡើងតាំងពីយូរនោះ បែរជាសាច់រឿងមានភាពដូចគ្នាទៅនឹងភាពយន្តហូលីវូដទៅវិញ។ ភាពយន្តបុរាណខ្មែរទាំងនោះទទួលបានការគាំទ្រពីសំណាក់ទស្សនិកជនគ្រប់ស្រទាប់វណ្ណៈក្នុងប្រទេស ហើយចំពោះរឿងហូលីវូដឯណោះវិញគឺត្រូវបានគេទទួលស្គាល់ពាសពេញពិភពលោកដូចគ្នាដែរ។ ចង់ដឹងថាមានរឿងអ្វីខ្លះនោះ សូមតាមដានខាងក្រោមនេះ៖
១.រឿង ទុំ ទាវ និង Romeo and Juliet
ទុំទាវ គឺជារឿងបុរាណខ្មែរបរិយាយពីស្នេហាប្ដូរផ្ដាច់របស់កំលោះក្រមុំមួយគូកាលសម័យលង្វែក និងជារឿងដែលទទួលបានការគាំទ្រយ៉ាងច្រើនលើសលប់ពីសំណាក់ប្រជាជនកម្ពុជា។ អ្នកទាំងពីរត្រូវយាយផាន់ ដែលជាម្ដាយនាង ទាវ តួឯកស្រីតាមបំបែកដោយចាប់បង្ខំនាងទាវឲ្យរៀបការជាមួយអ្នកនេះ ជាមួយអ្នកនោះរហូតដល់បង្ខំឲ្យអ្នកទាំងពីរជ្រើសរើសផ្លូវស្លាប់។
ចំណែកឯ Romeo and Juliet គឺជាសាច់រឿងរបស់គូស្នេហ៍កម្សត់កម្រមួយគូរដែរ ដែលផ្អែកតាមរឿងព្រេងនិទានរបស់អ៊ីតាលី។ ស្នេហា Romeo and Juliet មិនអាចជួបគ្នាបាន ព្រោះគ្រួសារអ្នកទាំងពីរមានទំនាស់នឹងគ្នា។ វាត្រូវបានគេសរសេរឡើងរវាង ឆ្នាំ ១៥៩១-១៥៩៥ និងបោះពុម្ពលើកដំបូងឆ្នាំ ១៥៩៧។ រឿង ទុំ ទាវ និង Romeo and Juliet ដូចគ្នាត្រង់សេចក្ដីស្នេហារវាងគូស្នេហ៍ពីរគូនេះ ត្រូវបានគេតាមបំបែករហូតដល់ស្លាប់ទាំងអស់គ្នា។
២.មរណៈមាតា និង ព្រះនាង Cinderella
"មរណៈមាតា" ជាភាពយន្តកម្សត់ស្រក់ទឹកភ្នែកស្ទើរគ្រប់ឈុតឆាក។ រឿងនេះចង់និយាយពីការធ្វើបាបរបស់ម្ដាយចុង និងបងប្អូនស្រីពីរនាក់ទៀតមកលើកូនស្រីដើម ក្រោយពេលម្ដាយស្លាប់ តែបែរជាបុរសជាប្ដី និងជាឪពុកមិនបានយកចិត្តទុកដាក់ចំពោះកូនស្រីច្បងឡើយ។ តែអំពើល្អតែងជាអ្នកឈ្នះអំពើអាក្រក់ ដោយចុងក្រោយ មរណៈមាតា បានជួបតួឯកប្រុសដែលជាស្ដេចគ្រប់គ្រងប្រទេស ហើយអ្នកដែលធ្វើបាបនាង គឺវិនាសទាំងអស់។
រីឯរឿងព្រះនាង "Cinderella" គឺជារឿងនិទានបុរាណមួយដ៏ល្បីល្បាញបំផុតនៅអឺរ៉ុប។ Cinderella គឺបរិយាយពី តួឯកស្រីដែលមានរូបសម្រស់ស្រស់ស្អាតមួយរូបដែលតែងត្រូវបានម្ដាយចុង និងបងប្អូនស្រីចុងពីរនាក់ធ្វើបាប ច្រណែនជានិច្ច។ ហើយអ្វីធ្វើឲ្យអ្នកទស្សនា ថារឿងនេះដូចគ្នា គឺតួឯកប្រុសគឺព្រះអង្គម្ចាស់ដែលមានរូបសម្បត្តិស្រស់សង្ហា បានតាមស្វែងរកទាល់តែឃើញ៕
អត្ថបទ៖ទ្រី រ៉ាវី ប្រភព៖wikipedia
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
