កាល​ពី​ពេល​កន្លង​ទៅ​នេះ​ក្រុមហ៊ុន​ផលិត​កាមេរ៉ា Canon បាន​ប្រកាស​នូវ​​កាមេរ៉ា​ម៉ូដែល EOS 5DS R ​ជា​កំពូល​កាមេរ៉ា​ជំនាន់​​ថ្មី​មួយ​ទៀត​​​ដោយ​មាន​​ Sensor ​ចាប់​រូបភាព​ទំហំ​ 50 MP អាច​ចាប់​យក​រូបភាព​​យ៉ាង​​ច្បាស់​ជាមួយ​កម្រិត​​ Resolution កាន់​តែ​ខ្ពស់។

ការ​រចនា​៖

EOS 5DS R មាន​​ភាព​ស្រដៀង​គ្នា​ទៅ​នឹង​ EOS 5D Mk III ដែរ​ដោយ​មាន​ទំហំ​ប៉ុន​គ្នា​ ( ១៥២x១១៦,៤x៧៦,៤មម) ព្រម​ទាំង​ទម្ងន់​ក៏​ដូច​គ្នា​ផង​ដែរ​គឺ​ ៩៥០​ក្រាម​។ ជា​មួយ​នឹង​ទំហំ​របស់​កាមេរ៉ា​នេះ អាច​ធ្វើ​ឲ្យ​អ្នក​ប្រើ​ប្រាស់​ងាយ​ស្រួល​ក្នុង​កាន់​ក្នុង​ដៃ។

EOS 5DS R ផលិត​ឡើង​ពី​ជាតិ​លោហៈ​ម៉ាញេស្យូម ដែល​មាន​ភាព​ធន់​ល្អ​ និង​មាន​បន្ថែម​នូវ​កម្រិត​ weather-proofing សម្រាប់​ការពារ​ទៅ​នឹង​ធូលី​ដី​និង​ជាតិ​សំណើម។ ផ្នែក​ខាង​មុខ​នៃ​កាមេរ៉ា​មាន​នូវ​រន្ធ​ Infrared , ប៊ូតុង​សម្រាប់​មើល​ deep-of-field, ភ្លើង​បង្ហាញ​ពី​ការ​ថត​រូប​កំណត់​នាទី និង​ រន្ធ​មីក្រូហ្វូន​។ កាមេរ៉ា​នេះ​មាន​អេក្រង់​ LCD ចំនួន​ពីរ​ ដោយ​អេក្រង់​ទំហំ​ ៣,២​អ៊ី​ញ​នៅ​ផ្នែក​ខាង​ក្រោយ​អាច​បង្ហាញ​រូបភាព​បាន​ក្នុង​កម្រិត​ VGA ​ និង​អេក្រង់​តូច​មួយ​សម្រាប់​បង្ហាញ​ Status នៅ​ផ្នែក​ខាង​លើ។

ដូច​ជា​កាមេរ៉ា​ professional ​ដទៃ​ដែរ​ ​EOS 5DS R មាន​ប៊ូតុង​បង្វិល​សម្រាប់​គ្រប់​គ្រង​ចំនួន​ពីរ​គឺ​នៅ​ផ្នែក​ខាង​លើ​មួយ​ និង​ ផ្នែក​ខាង​ក្រោយ​មួយ។ ប៊ូតុង​ផ្នែក​ខាង​ក្រោយ​គឺ​សម្រាប់​កែ​សម្រួល​ Exposure នៅ​ពី​ក្រោម​ប៊ូតុង​មាន​ប៊ូតុង​មួយ​ផ្សេង​ទៀត​សម្រាប់​បើក​ឬ​បិទ​ប៊ូតុង​បង្វិល​នេះ ចំណែក​ប៊ូតុង​ផ្នែក​ខាង​លើ​ខាង​ឆ្វេង​សម្រាប់​កំណត់​ប្រភេទ​នៃ​ការ​ថតរូប​ហើយ​នៅ​ក្បែរ​ប៊ូតុង​នេះ​គឺ​សម្រាប់​ធ្វើ​ការ​បិទ​បើក​កាមេរ៉ា។ សម្រាប់​ប៊ូតុង​អក្សរ​ Q វិញ​ប្រើ​សម្រាប់​បើក​ Quick Control Screen ដែល​អាច​កំណត់​ parameter នៃ​ការ​ថតរូប​តាមរយៈ​អេក្រង់​ LCD។ នៅ​ផ្នែក​ខាង​លើ​ខាង​ស្ដាំ​នៃ​កាមេរ៉ា​មាន​ប៊ូតុង​ចំនួន​៣​ដែល​ប៊ូតុង​មួយ​មាន​មុខងារ​ចំនួន​ពីរ ចំណែក​ប៊ូតុង​តូច​ទី​បួន​វិញ​គឺ​សម្រាប់​បើក​ពន្លឺ​របស់​អេក្រង់​ដែល​នៅ​ខាង​លើ​ខាង​ស្ដាំ​ដើម្បី​​ងាយ​ស្រួល​ប្រើ​ប្រាស់​ពេល​យប់។ នៅ​ផ្នែក​ខាង​ស្ដាំ​ខាង​លើ​មាន​ប៊ូតុង​មួយ​ទៀត​គឺ​ប៊ូតុង​ Multi-Function ដែល​ស្ថិត​នៅ​ក្បែរ​ប៊ូតុង shutter release ប៊ូតុង​មួយ​នេះ​អាច​ឲ្យ​អ្នក​កំណត់​ AF ​បាន​ចំនួន​ប្រាំ​ផ្សេងៗ​គ្នា។

​​​​​​​​​​

សមត្ថភាព​ពិសេស​របស់​កាមេរ៉ា៖

ទំហំ​កាមេរ៉ា​​​​នៃ​កាមេរ៉ា​នេះ​គឺ​ ៥០,៦​មេហ្គា​ភិចហ្សែល​ដែល​អាច​​ចាប់​យក​រូបភាព​ក្នុង​កម្រិត​ ultra-high-resolution ប្រភេទ​ full-frame មួយ​ដែល​ធំ​ជាង​គេ​មិន​ធ្លាប់​មាន​នៅ​លើ​កាមេរ៉ា​ DLSR។

អ្នក​អាច​ជ្រើស​រើស​កម្រិត​ IOS ពី ៥០​ទៅ​១២៨០០។ ក្នុង​ចន្លោះ​ ISO នេះ​អាច​ឲ្យ​អ្នក​ផ្ដិត​យក​រូបភាព​​ក្នុង​សភាព​ពន្លឺ​ខ្សោយ​បាន​ល្អ​ដោយ​មិន​ចាំ​បាច់​ប្រើ​ Flash ដែល​នេះ​ជា​ចំណុច​ល្អ​មួយ​ព្រោះ​កាមេរ៉ា​នេះ​មិន​មាន​​បំពាក់​នូវ​ Flash នោះ​ទេ។ សម្រាប់​មុខងារ​ Auto-focus មាន​បី​ប្រភេទ​គឺ One Shot, AI Focus និង AI Servo។ EOS 5DS R គឺ​ជា​ម៉ូដែល​ចុង​ក្រោយ​បំផុត​ដែល​មាន​មក​ជា​មួយ​នូវ​ infra-red និង​ flicking light sensitivity ជា​មួយ​មុខងារ​ flicker detection វា​នឹង​ចាប់​យក​រូបភាព​តែ​ពេល​ណា​ដែល​មាន​កម្រិត​ពន្លឺ​ភ្លឺ​ខ្លាំង​បំផុត​ប៉ុណ្ណោះ។ ​​​EOS 5DS R នេះ​ក៏​មាន​​មក​ជា​មួយ​នូវ​ image processor ប្រភេទ​ DIGIC 6 ចំនួន​ពីរ ដែល​អាច​ធ្វើ​ប្រតិបត្តិការ​បាន​លឿន​។ DIGIC 6 ភ្លោះ​នេះ​អាច​ឲ្យ​កាមេរ៉ា​ផ្ដិត​យក​រូបភាព​នៅ​ល្បឿន​ ៥ fps​ បាន។

សម្រាប់​ការ​ថត​វីដេអូ​វិញ​គឺ​អាច​ថត​យក​ក្នុង​កម្រិត​ 1080p resolution 1920x1080p ដែល​មាន​កម្រិត​ frame 30, 25 និង​ 24fps ជា​ប្រភេទ​ MOV។ ហើយ​ក៏​អាច​ថត​យក​ក្នុង​កម្រិត​ 720p resolution 1280x720p ដែល​មាន​កម្រិត​ frame 50 និង​ 60fps។ អ្វី​ដែល​ពិសេស​នោះ​គឺ​វា​ជា​កាមេរ៉ា​ទី​មួយ​ក្នុង​ប្រភេទ​ EOS ដែល​មាន​មុខងារ​ថត​វីដេអូ​ប្រភេទ​ Timelapse។

ជា​មួយ​នឹង​រន្ធ​ USB 3.0 ដែល​ប្រើ​ជំនួស​ USB 2.0 អាច​ឲ្យ​ការ​កូពី​រូបភាព​ទំហំ​ធំៗ​ប្រព្រឹត្ត​ទៅ​បាន​យ៉ាង​លឿន។

កាមេរ៉ា EOS 5DS R នាំ​ចូល​ដោយ​ក្រុមហ៊ុន i-Qlick។ i-Qlick ជា​ភ្នាក់ងារ​ចែក​ចាយ​ស្រប​ច្បាប់​នូវ​ផលិតផល​ប្រើ​ប្រាស់​ម៉ាក Canon ប្រចាំ​ព្រះរាជាណាចក្រ​កម្ពុជា រួម​មានម៉ាស៊ីន​ថត​ឌីជីថល ម៉ាស៊ីន​ថត​ឌីជីថល​ប្តូរ​កែវ​ឡេន​បាន សម្ភារៈ​កាមេរ៉ា ម៉ាស៊ីន​ថត​បែប​វីដេអូ​ឌីជីថល និង​សម្ភារៈ​ប្រើប្រាស់​ម៉ាក Canon ជា​ច្រើន​ទៀត។

នៅ​ពេល​អតិថិជន​ជាវ​ផលិតផល​ពី i-Qlick កុំ​ភ្លេច​សូម​សួរ​រក​បណ្ណ​ធានា​ផ្លូវការ​រយៈ​ពេល ១៥ ខែ​ ដើម្បីធានាថា​អ្នកពិតជា​បានទទួល​ផលិត​ផលដែល​មានគុណ​ភាព​និង​គួរ​ឲ្យ​ទុកចិត្ត​​ពី​ក្រុមហ៊ុន Canon៕

អត្ថបទ៖ ហៃ សុខហេង