Android ជំនាន់ថ្មីនឹងដាក់ឲ្យ Update នៅសប្ដាហ៍ក្រោយ មានមុខងារថ្មីច្រើន

2015-10-01 15:55:04
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់អ្នកប្រើប្រាស់ឧបករណ៍ដែលដំណើរការដោយប្រព័ន្ធប្រតិបត្តិការ Android មួយចំនួននឹងអាចធ្វើការ Update ទៅកាន់ជំនាន់ថ្មីបាន គឺ Android 6.0 Marshmallow នៅក្នុងសប្ដាហ៍ក្រោយនេះ។

ក្រុមហ៊ុន Google បាននិយាយកាលពីថ្ងៃអង្គារថា Android 6.0 Marshmallow នឹងដាក់ឲ្យដំណើរការជាផ្លូវការនៅសប្ដាហ៍ក្រោយ តែក្រុមហ៊ុនពុំបានបញ្ជាក់ថា ថ្ងៃណានោះតែ។ ប៉ុន្តែបើតាមពាក្យចចាមអារ៉ាមបានឲ្យដឹងថា ប្រព័ន្ធប្រតិបត្តិការជំនាន់ចុងក្រោយមួយនេះនឹងដាក់ឲ្យធ្វើការ Update នៅថ្ងៃទី៥ ខែតុលាតទៅ។

សម្រាប់ឧបករណ៍ដែលអាចទទួលបានការ Update នេះមុនគេគឺស្មាតហ្វូនម៉ូដែល Nexus ដូចជាម៉ូដែល Nexus 5, 6, 7, និង 9។ សម្រាប់ស្មាតហ្វូនម៉ូដែល HTC វិញប្រហែលជានៅថ្ងៃទី២០ ខែតុលា។ នេះបើតាមការប្រកាសរបស់ក្រុមហ៊ុន HTC នៅលើបណ្ដាញ Twitter។ ចំណែកឯម៉ូដែលផ្សេងទៀតគឺពុំទាន់បានបញ្ជាក់នៅឡើយនោះទេ។

Android 6.0 Marshmallow គឺបានភ្ជាប់មកជាមួយនឹងមុខងារសំខាន់ៗដូចជា មុខងារគ្រប់គ្រងកម្មវិធី case-by-case app permission, បច្ចេកវិទ្យាស្គែនម្រាមដៃ, Google Play ជំនាន់ថ្មីមានឈ្មោះថា Google Play on Tap, មុខងារសំចៃថាមពលថ្ម Doze, អាចប្រើជាមួយនឹងមុខងារចំណាយប្រាក់ Android Pay និងមានមុខងារថ្មីៗជាច្រើនទៀត។ មិនត្រឹមតែប៉ុណ្ណោះក្រុមហ៊ុនបានសន្យាផងដែរថា Marshmallow នឹងបំពេញនូវមុខងារដែលខ្វះខាតនៅលើ Android ជំនាន់មុនទាំងអស់៕

អានបន្ត៖ Google បង្ហាញទូរសព្ទជំនាន់ថ្មីសាកថ្មតែ១០នាទីប្រើបាន៧ម៉ោង

ប្រែសម្រួល៖ សំនៀង ប្រភព៖ bgr, christiantoday