Fan BingBing ថ្លែងមិនចេញនៅពេលត្រូវក្មេងសួរថា "អ៊ំស្រីធាត់ម្ល៉េះ?”

2015-10-02 21:49:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ តារាសម្ដែងល្បីឈ្មោះរបស់ចិន Fan BingBing និងមិត្តប្រុស Li Chen បានចូលរួមលេងក្នុងកម្មវិធី "Challenger Alliance” របស់ប៉ុស្តិ៍ទូរទស្សន៍ Zhejiang របស់ចិន។ ទោះជាយ៉ាងណាក្ដី ខុសពីសព្វមួយដងដែល Fan BingBing តែងតែត្រូវបានចាប់ដៃគូមិត្តប្រុសនោះ លើកនេះនាងត្រូវគេចាត់ឲ្យនៅក្រុមជាមួយ Wu Yifan (Kris) វិញ។ បេសកកម្មរបស់ពួកគេនោះគឺ នាំក្មេងតូចមួយក្រុមទៅទស្សនា ទីក្រុងបុរាណ។ នៅទីនោះ តារាជួរមុខរបស់វិស័យភាពយន្តចិន ហាមាត់និយាយលែងចេញនៅពេលត្រូវក្មេងៗចំអកថាមានរូបរាងធាត់។

នៅពេលនោះ តារាដែលមានចំណូលខ្ពស់ទី ៤ លើពិភពលោក បានឱបក្មេងនោះជាប់ខ្លួន ហើយគិតថា ក្មេងនោះមិនស្គាល់នាង។ តែគួរឲ្យភ្ញាក់ផ្អើល ក្មេងនោះបានសួរថា "ម៉េចបានពូ Li Chen អត់នៅទីនេះ? ខ្ញុំធ្លាប់បានមើលរឿង "The Empress of China” របស់អ៊ំសម្ដែងហើយ។ ម៉េចឥលូវអ៊ំធាត់ម្ល៉េះ? “ នៅពេលនោះ Fan Bing Bing តក់ស្លុត និងមិនដឹងឆ្លើយថាម៉េចនោះទេ។

ក្រៅពីនោះ នៅពេលធ្វើបេសកកម្មលើកទីមួយ Fan Bing Bing បានជួបរឿងអស់សំណើចជាច្រើន។ អតីតសមាជិកក្រុមចម្រៀង EXO បានបង្ហាញរូបថតរបស់ខ្លួនឲ្យទៅក្មេងស្រីម្នាក់មើល និងបានប្រាប់នាងឲ្យហៅថា "បងសង្ហា"។ អ្វីដែលនឹកស្មានមិនដល់នោះគឺ ក្មេងមួយក្រុមបាននាំគ្នាហៅព្រមគ្នាថា "ពូសង្ហា"។ Fan Bing Bing ក៏ត្រូវគេហៅថា "មីង Bing Bing” ដែរ៕