ក្រោយសម្រាលកូន ឆយី ចង់ទៅរស់នៅបរទេស

2015-10-30 21:04:10
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងស្រីនិយមភាពសិចស៊ី ឆយី បានប្រាប់ឲ្យដឹងថា មួយរយៈនេះនាងឧស្សាហ៍ទៅក្រៅប្រទេសគឺដើម្បីចេញទៅមើលស្ថានភាពមុន ព្រោះមានគម្រោងចង់ទៅរស់នៅស្រុកគេ។

អ្នកម្ដាយកូនមួយរូបនេះបានប្រាប់ឲ្យដឹងទៀតថា ប្រទេសដែលនាងចង់ទៅរស់នៅនោះ គឺស្ថិតក្នុងតំបន់អាស៊ាននេះទេ គឺសិង្ហបុរី។ "ខ្ញុំមានគម្រោងទៅនៅក្រៅ តែពេលទៅដល់តែម្នាក់ឯង ដូចនេះពិបាក ព្រោះគ្មានអ្នកជួយមើលថែកូន តែបើនៅទីនេះគឺមានម៉ាក់គាត់ជួយមើល។” ឆយី បន្តទៀតថាបើទោះជាទៅមែន ក៏នាងមិនបានសញ្ជាតិជាប្រជាជនប្រទេសដែនកោះមួយនេះដែរ តែបើបានរៀបការជាមួយបុរសសិង្ហបុរីទើបអាចទទួលបានការចូលសញ្ជាតិបាន។

“បើបានទៅរស់នៅ ក៏ដោយសារតែប្អូនស្រីខ្ញុំនៅទីនោះ ព្រោះនាងមានស្វាមីជាជនជាតិគេស្រាប់ គ្មានអ្នកផ្សេងជួយឡើយ ហើយបើទៅនាង (ប្អូនស្រី) ដាក់ក្នុងសំណើឯកសារថា ខ្ញុំទៅរៀនអ៊ុតសក់ ឬក៏អីផ្សេងទៅ។ បន្ទាប់មកទៀតនាងនឹងដាក់ថាកូនស្រីខ្ញុំគឺជាកូនគាត់ ដូចនេះត្រូវការឲ្យខ្ញុំធ្វើអន្តោប្រវេសន៍មកដើម្បីមកជួយមើលថែរក្សាកូន។”

តារាស្រីសាច់សខ្ចីខាងលើក៏បានប្រាប់ទៀតថា បើទៅនៅមែននោះ មិនមែនជារឿងងាយស្រួលទេ ព្រោះនៅស្រុកគេ បើមិនមានការងារធ្វើ មិនអាចទ្រទ្រង់ជីវភាពបានឡើយ ហើយក៏មិនចង់ដាក់បន្ទុកអស់ទាំងនោះទៅលើក្រុមគ្រួសារប្អូនស្រីដែរ។

អ្នកម្ដាយវ័យ ៣១ ឆ្នាំរូបនេះ ក៏បានបញ្ជាក់ដែរថា នេះគ្រាន់តែជាគម្រោងប៉ុណ្ណោះ ព្រោះនាងក៏មិនប្រាកដថាទៅរស់នៅទីនោះ ឬយ៉ាងណាទេ ព្រោះនេះត្រឹមតែ ៥០ ភាគរយនៃចិត្តចង់តែប៉ុណ្ណោះ ចំណែកឯ ៥០ ភាគរយទៀតគឺនាងចង់ទៅរស់នៅខត្តសៀមរាបវិញ ដើម្បីបើកជាកន្លែងរកស៊ី។

ឆយី មានស្រុកកំណើតនៅទីក្រុងភ្នំពេញ ទើបសម្រាលបានកូនស្រីម្នាក់អាយុជាង ៤ ខែ និងបានដាក់ឈ្មោះថា "សំណាង និស្ស័យទេពី"៕

មានសិល្បករខ្មែរ ២ រូបលាចាកលោកម្សិលមិញ

មកដល់ហើយ…!រូបភាពកាត់ចំណងដៃ ឈិន ច័ន្ទសុធារី-សុវណ្ណ មករា យប់មិញ

អត្ថបទ៖ទ្រី រ៉ាវី