កីឡាករបារាំងទៅដល់អង់គ្លេស ដាក់កម្លាំងការពារយ៉ាងតឹងរ៉ឹង
- 2015-11-17 16:45:35
- ចំនួនមតិ 0 | ចំនួនចែករំលែក 0
កីឡាករបារាំងទៅដល់អង់គ្លេស ដាក់កម្លាំងការពារយ៉ាងតឹងរ៉ឹង
ចន្លោះមិនឃើញ
កីឡាករចំនួន២៣នាក់របស់ជម្រើសជាតិបារាំង បានធ្វើដំណើរទៅដល់ប្រទេសអង់គ្លេសហើយ កាលពីម្សិលមិញ ដោយដាក់កម្លាំងប្រដាប់អាវុធការពារយ៉ាងតឹងរ៉ឹងបំផុត តាំងពីចុះពីយន្តហោះរហូតដល់កន្លែងហ្វឹកហាត់ មុនពួកគេប្រកួតមិត្តភាពអន្តរជាតិទល់នឹងម្ចាស់ផ្ទះតោកំណាចអង់គ្លេសនៅកីឡដ្ឋាន Wembley យប់នេះ។
ខ្សែបម្រើ Lassana Diarra (ឆ្វេង)
ចំណែកឯខ្សែបម្រើ Lassana Diarra អតីតកីឡាករក្រុម Chelsea, Arsenal និង Real Madrid ដែលបានបាត់បង់ប្អូនជីដូនមួយស្រី Asta Diakité ដោយសារស្លាប់ក្នុងហេតុការណ៍ភេរវកម្មកាលពីយប់ថ្ងៃសុក្រនៅទីក្រុងប៉ារីសនោះ ក៏បានចូលរួមជាមួយក្រុមមាន់គកបារាំងដែរ។
ក្រុមជម្រើសជាតិបារាំង រួមទាំងគ្រូបង្វឹកលោក Didier Deschamps ត្រូវបានក្បួនម៉ូតូធំរបស់ប៉ូលិស ជួយដង្ហែតាមរថយន្តក្រុងរបស់ក្រុមជាប់ជានិច្ច តាំងពីព្រលានយន្តហោះ ដល់សណ្ឋាគារ ហើយពេលចេញហ្វឹកហាត់ អាជ្ញាធរអង់គ្លេស បានដាក់កម្លាំងប្រដាប់អាវុធ ជួយការពារបន្ថែមទៀត។
ការប្រកួតរវាងបារាំង និងអង់គ្លេស នឹងចាប់ផ្ដើមនៅម៉ោង០៣:០០នាទីយប់នេះ៕
-ចុចអាន៖ កីឡាករបារាំង ធ្វើដំណើរទៅអង់គ្លេសពេញជើង មិនញញើតភេរវករ
ប្រែសម្រួល៖ វិន ជីវ័ន្ត ប្រភព៖ dailymail