៧ កម្មវិធីល្អបំផុតសម្រាប់ដំណើរកម្សាន្ត

2014-10-22 14:50:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ការធ្វើដំណើរដោយមិនមានគម្រោងច្បាស់លាស់ និងមិនធ្លាប់ស្គាល់កន្លែងដែលត្រូវទៅជាមុនគឺចៀសមិនផុតពីការវង្វេងផ្លូវ និងជួបបញ្ហាណាមួយជាយថាហេតុនោះទេ។ កុំបារម្ភទៀតអី ព្រោះមាន App ចំនួន ៧ ខាងក្រោមនេះដែលអាចធ្វើឲ្យដំណើរកម្សាន្តរបស់កាន់តែរលូនមុន មិនថា តាមយន្តហោះ ឬរថយន្តនោះទេ។

១. Kayak

Kayak ជាកម្មវិធីដែលភ្ជាប់នឹងគេហទំព័រ TripAdvisor ដែលអាចផ្ដល់ព័ត៌មានសណ្ឋាគារដែលមានការ Rate ពីអ្នកដំណើរដោយផ្ទាល់។ វាអាចឲ្យអ្នកប្រៀបធៀប និងកក់ជើងហោះហើរ សណ្ឋាគារ និងជួលរថយន្តមុនចេញដំណើរបាន។

២. Evernote

App មួយនេះគឺល្អបំផុតសម្រាប់អ្នកធ្វើដំណើរទៅធ្វើជំនួញក្នុងការរៀបចំឯកសារនានានៅមុន អំឡុង និងក្រោយពេលធ្វើដំណើរ។ វាអាចឲ្យអ្នក Capture និងរក្សារូបភាព ឯកសារ Word, Excel និង Spreadsheets បានយ៉ាងងាយ។ មិនតែប៉ុណ្ណោះ អ្នកអាចឆែកអ៊ីមែល និងផ្ញើចេញនូវកំណត់ត្រាពិសេសគ្រប់ពេល។

៣. Gate Guru

អ្នកមិនចាំបាច់ខាតពេលយូរទាំងមុន និងក្រោយ Check-in នៅ Airport ទៀតទេ។ ប្រព័ន្ធដាស់តឿនជើងហោះហើរនឹងប្រាប់អ្នកពីស្ថានភាពថា មានមនុស្សកក់កុញ ឬជើងហោះហើរណាមួយពន្យារឬអត់។ មិនតែប៉ុណ្ណោះវាក៏អាចប្រាប់អ្នកពីផ្លូវនៅក្នុងព្រលាន កន្លែងញ៉ាំអាហារ និងចំណុចមួយចំនួនទៀតជៀសវាស៊ីពេលឥតប្រយោជន៍។

៤. Google Translate

Google Translate ជាមធ្យោបាយដ៏ល្អក្នុងការដោះស្រាយបញ្ហាភាសា ព្រោះ App នេះមានភាសាជាច្រើនដែលអាចដំណើរការបាន។ បើទោះជាការបកប្រែនោះមិនត្រឹមត្រូវ ១០០% វាក៏អាចជួយឲ្យអ្នកអាចកាត់យល់បានច្រើនដែរ។

៥. XE Currency

កម្មវិធីនេះអាចឲ្យអ្នកគណនា និងបម្លែងទៅជារូបិយប័ណ្ណដែលអ្នកចង់បានបានយ៉ាងងាយ ព្រោះវាមានឈ្មោះរូបិយប័ណ្ណជាង ១៨០ ក្នុងនោះស្រាប់។ បន្ថែមពីនេះ អ្នកក៏អាចដឹងពីអត្រាប្តូរប្រាក់ថ្មីចុងក្រោយបំផុតផងដែរ។ ក្នុងនោះមានសេវាភ្ជាប់អ៊ីមែលឲ្យអ្នកដឹងថាពីព័ត៌មាន និងអត្រាការប្រាក់របស់ធនាគារធំៗ។

៦. Waze

កម្មវិធីនេះអាចជួយដល់អ្នកបើកបរនូវព័ត៌មានពាក់ព័ន្ធនឹងការបើកបរ ក៏ដូចជាត្រីវិស័យនាំផ្លូវមិនឲ្យវង្វេងដោយប្រើ GPS។

៧. iCarPark

ភ្លេចថា អ្នកចតឡាននៅកន្លែងណាមែនទេ? កុំបារម្ភមាន iCarPark អ្នកមិនវង្វេងទៀតទេ។ អ្នកអាច Mark និង Save កន្លែងដែលអ្នកចតរថយន្ត។ កត់បញ្ចូលលេខជួរដែលអ្នកចត និងរថយន្តផ្សេងៗទៀតដែលចតនៅក្បែរអ្នក។ គ្រាន់តែចុចលើ iCarPark វានឹងប្រាប់អ្នកពីទិសដៅត្រឡប់ទៅរករថយន្តអ្នកពីកន្លែងដែលអ្នកនៅតែម្ដង។

អាន៖ ទូរសព្ទណាខ្លះដែលអាចថតវីដេអូបានដល់កម្រិត 4K?

ប្រែសម្រួល៖ សីហា

ប្រភព៖ inc