Show off ការប្រគំតន្ត្រីអ្នកចម្រៀងឯករាជ្យលើកទី១ នៅភ្នំពេញ
- 2016-01-15 22:22:22
- ចំនួនមតិ 0 | ចំនួនចែករំលែក 0
Show off ការប្រគំតន្ត្រីអ្នកចម្រៀងឯករាជ្យលើកទី១ នៅភ្នំពេញ
ចន្លោះមិនឃើញ
Show off ជាការប្រគំតន្ត្រីអ្នកចម្រៀងឯករាជ្យលើកទី១ នៅភ្នំពេញ ថ្ងៃទី ២១ ខែ មករា ឆ្នាំ ២០១៦ ដែលនឹងប្រព្រឹត្តឡើងក្នុងពេលឆាប់ៗខាងមុខនេះ។
Sabay រៀបចំព្រឹត្តិការណ៍មួយនេះឡើងដើម្បីឲ្យយុវវ័យជំនាន់ថ្មីដែលស្រលាញ់បទចម្រៀង original មកជួបជុំគ្នាដើម្បីឡើងបង្ហាញសមត្ថភាព បង្កើតភាពសប្បាយរីករាយ បង្កើនមិត្តភាព និងបង្ហាញពីទំហំនៃការស្រលាញ់សិល្បៈចម្រៀងខ្មែរ ក្រោមអត្ថន័យចែករំលែកនៃក្ដីស្រលាញ់ចំពោះគ្នាទៅវិញទៅមក។
ស្ថិតក្នុងគោលបំណងរួមគ្នាក្នុងវិស័យសិល្បៈខ្មែរ Sabay បានបង្កើតកម្មវិធីនេះឡើងដើម្បីជួយលើកស្ទួយ និងជំរុញដល់ទឹកចិត្តយុវវ័យស្រករក្រោយទាំងអស់ឲ្យរឹតតែស្រលាញ់ និងបង្កើនការផលិតបទចម្រៀង original ឲ្យកាន់តែខ្លាំងឡើងៗ នៅថ្ងៃអនាគត។
ការប្រគំតន្ត្រីនេះ មានការចូលរួមពីតារាចម្រៀង original រុន ស៊ីរ៉ា ជាម្ចាស់ជយលាភីលេខ២ ក្នុងកម្មវិធី Hear My Song 2 ក្រុមតារាចម្រៀងស្រី Cagepitch ដែលទើបទទួលបានពានចំណាត់ថ្នាក់លេខ១ ក្នុងកម្មវិធី The Mic ថ្មីៗនេះ។ កាន់តែពិសេសនោះ គឺមានការចូលរួមពីក្រុមចាក់ភ្លេង EDM កម្ពុជា ក៏ដូចជាក្រុម De5inite, Bross La, Sed2R, Ago និង Mr Oun ដែលត្រៀមខ្លួនមកបង្ហាញទស្សនីយភាពដែលមិនអាចបំភ្លេចមិនបាននាពេលខាងមុខនេះ។
Sabay បានផ្ដល់ជាឆាកតន្ត្រីជាមួយនឹងប្រព័ន្ធសំឡេង និងភ្លើងដ៏ទំនើបមានគុណភាពខ្ពស់សម្រាប់អ្នកចម្រៀង original គ្រប់គ្នាធ្វើការសម្ដែងដ៏អស្ចារ្យ ហើយឆាកតន្ត្រីនេះមានទីតាំងនៅខាងក្រោយ City Hall កោះពេជ្រ។ អ្នកដែលចង់ចូលរួមបង្ហាញសមត្ថភាពក្នុងការបង្កើតស្នាដៃថ្មីអាចចូលរួមបានទាំងអស់គ្នា។ អ្នកដែលស្រលាញ់ចូលចិត្ត និងគាំទ្របទចម្រៀង original ទាំងអស់ កុំភ្លេចទៅចូលរួមទស្សនានៅថ្ងៃទី២១ មករាខាងមុខនេះដោយសេរី។
Sabay គាំទ្រជានិច្ចសម្រាប់សិល្បករដែលមានបំណងចង់ចូលរួមសម្ដែងក្នុងការប្រគំតន្ត្រីនេះ។ សូមចូលទៅកាន់ Facebook Page Show Off ដើម្បីទទួលបានព័ត៌មានកាន់តែច្រើន។
SHOW OFF! Let's celebrate Peace, Love, Music and Dance together!21 JAN. 2016 | The Backyard of City Hall, Koh...
Posted by Sabay Magz on Friday, January 15, 2016
អត្ថបទ៖ និតា