ក្រុម E-Sports កម្ពុជាឡើងវគ្គ៨ក្រុមពាន MATIC 2016 ទាំងពីរក្រុមតែម្តង

2016-01-17 15:42:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតពានរង្វាន់កីឡាអេឡិចត្រូនិកអន្តរជាតិ MATIC 2016 នៅប្រទេសឥណ្ឌូណេស៊ី ក្រុមកីឡា E-Sports កម្ពុជាគឺ Never Care និង Five Military បានឡើងទៅវគ្គ៨ក្រុមចុងក្រោយទាំងពីរ បន្ទាប់ពីការប្រកួតសន្សំពិន្ទុចំនួន៧ប្រកួតម្នាក់កាលពីម្សិលមិញរហូតដល់យប់ប្រហែលជាម៉ោង១០។

ឆ្លងកាត់ការប្រកួតសន្សំពិន្ទុក្នុងពូលA ចំនួន៧ប្រកួត ក្រុមខ្លាំងកម្ពុជាគឺ Never Care ឈ្នះចំនួន៦ប្រកួត និងចាញ់តែមួយប្រកួតប៉ុណ្ណោះ។ ចំណែកក្រុម Five Military របស់កម្ពុជាវិញស្ថិតនៅក្នុងពូល B ដោយឆ្លងកាត់៧ប្រកួតគឺឈ្នះចំនួន៥ប្រកួត និងចាញ់២ប្រកួត។ ក្រុមទាំងពីរបានឡើងទៅកាន់វគ្គ៨ក្រុមចុងក្រោយដោយត្រូវបន្តការប្រកួតថ្ងៃនេះទៀត។

ប្រាក់រង្វាន់ MATIC ឆ្នាំនេះសរុបមានចំនួន ៣០០០០ដុល្លារអាមេរិកដែលត្រូវបានចែកជា២ប្រភេទវិញ្ញាសាគឺការប្រកួតជាក្រុម និងឯកត្តជន។ ជយលាភីជាក្រុម ជើងឯក : ១៥០០០ដុល្លារអាមេរិក ជើងឯករង : ៧០០០ដុល្លារអាមេរិក លេខ៣ : ៤០០០ដុល្លារអាមេរិក និងលេខ៤ : ២៥០០ដុល្លារអាមេរិក។ ចំពោះ ជយលាភីឯកត្តជន ជើងឯក : ៥០០ ដុល្លារអាមេរិក ជើងឯករង : ៤០០ ដុល្លារអាមេរិក លេខ៣ : ៣០០ ដុល្លារអាមេរិក លេខ៤ : ២០០ ដុល្លារអាមេរិក និងលេខ៥ : ១០០ ដុល្លារអាមេរិក៕