FC Crown គ្រងជើងឯកមណ្ឌលបាត់ដំបង មិនមែនធនាគារស្រូវទេ

2016-03-07 03:24:02
ចំនួនមតិ 0 | ចំនួនចែករំលែក 0

ចន្លោះមិនឃើញ

FC Crown ដែលជើងឯករងនៃមណ្ឌលបាត់ដំបងកាលឆ្នាំមុន បានក្លាយជាជើងឯកឆ្នាំនេះក្នុងវគ្គជម្រុះ Tiger Street Football Festival 2016 ដោយបំបាក់ក្រុម B.M.S Club ក្នុងលទ្ធផល ៦-១ នាវគ្គផ្ដាច់ព្រ័ត្រល្ងាចនេះ។ មុនឡើងដល់វគ្គផ្ដាច់ព្រ័ត្រ FC Crown បានរុញឲ្យ ម្ចាស់ជើងឯកចាស់ ធនាគារស្រូវ ទៅទទួលចំណាត់ថ្នាក់លេខ៣វិញ ពេលឈ្នះ Fox Zone (B) ដោយលទ្ធផល ៤-៣។

ក្នុងវគ្គពាក់កណ្ដាលផ្ដាច់ព្រ័ត្រ FC Crown បានទម្លាក់ ធនាគារស្រូវដោយលទ្ធផល ប្រផុតប្រផើយ ២-១។ ធនាគារស្រូវជាអ្នកបើកការនាំមុខមុននៅតង់ទី១ តែការស៊ុតបាល់ភ្លាត់ចូលទីខ្លួនឯង និង កំហុសអ្នកចាំទីមួយគ្រាប់នៅចុងម៉ោងមុនបញ្ចប់ការប្រកួតបានផ្ដល់ផលចំណេញ ដែល ធ្វើឲ្យ FC Crown អាចដណ្ដើមបានជ័យជម្នះខាងលើ។

ដូច្នេះក្រុមទាំង៥ ប្រចាំខេត្ត បាត់ដំបងគឺ FC Crown, B.M.S Club, ធនាគារស្រូវ Fox Zone (B) និង Tiger Night។ ក្រុមទាំង ៥ នឹងធ្វើដំណើរទៅប្រកួតជុំផ្ដាច់ព្រ័ត្រនៅភ្នំពេញថ្ងៃទី ១៣ មីនា ខាងមុខ។

សរុបមកគិតត្រឹមពេលនេះ Tiger Street Football Festival 2016 បាន ២២ ក្រុមហើយ ពោល មណ្ឌលបាត់ដំបង ៥ ក្រុម, មណ្ឌលកំពង់ចាម ៥ ក្រុម, មណ្ឌលសៀមរាប ៧ ក្រុម និង ខេត្តព្រះសីហនុ ៥ ក្រុម។ វគ្គជម្រុះស្វែងរក១០ក្រុមនៅរាជធានីភ្នំពេញនឹងធ្វើឡើងនៅថ្ងៃទី ១១-១២ មីនា មុនឈានដល់ជុំផ្ដាច់ព្រ័ត្រនៅថ្ងៃទី ១៣ មីនា ដែលមាន ៣២ ក្រុមចូលរួម។

អត្ថបទ៖ ទាក់ទង Tiger Street Football Festival 2016 សូមចុចត្រង់នេះ...

ការប្រគល់ប្រាក់រង្វាន់

ចំណាត់ថ្នាក់លេខ៤ប្រគល់ដោយលោក រស់ ណារី ប្រធានតំបន់ផ្នែកលក់នៃក្រុមហ៊ុនស្រាបៀរថៃហ្គ័រ ប្រចាំខេត្តបាត់ដំបង ដែលមានប្រាក់រង្វាន់ ២០០ ដុល្លារ

ចំណាត់ថ្នាក់លេខ ៣ ប្រគល់ដោយលោក រស់ ណារី ប្រធានតំបន់ផ្នែកលក់នៃក្រុមហ៊ុនស្រាបៀរថៃហ្គ័រ ប្រចាំខេត្តបាត់ដំបង ដែលមានប្រាក់រង្វាន់ ៥០០ ដុល្លារ

ចំណាត់ថ្នាក់លេខ២ប្រគល់ដោយលោក យី សុងគី អនុប្រធានមន្ទីរអប់រំ យុវជន និង កីឡាខេត្តបាត់ដំបង និង តំណាងសហភាពសហព័ន្ធយុវជនខេត្តបាត់ដំបង ដែលមានប្រាក់រង្វាន់ ១០០០ ដុល្លារ