លីកបាល់បោះវគ្គជក់ចិត្ត៖ ២គូលេងវគ្គ Playoffs រសៀលនេះ
- 2014-10-25 16:01:05
- ចំនួនមតិ 0 | ចំនួនចែករំលែក 0
លីកបាល់បោះវគ្គជក់ចិត្ត៖ ២គូលេងវគ្គ Playoffs រសៀលនេះ
ចន្លោះមិនឃើញ
លីកបាល់បោះជើងឯកជាតិប្រចាំឆ្នាំ២០១៤ បានឈានដល់វគ្គ Playoffs ដែលមាន៨ក្រុមចុងក្រោយត្រូវប្រជែងគ្នានៅរសៀលថ្ងៃសៅរ៍នេះ និងថ្ងៃអាទិត្យស្អែក នៅវិមានពហុកីឡដ្ឋានជាតិ។
ពីរគូដែលនឹងត្រូវប្រជែងគ្នានៅរសៀលថ្ងៃនេះគឺជាការជួបគ្នារវាងក្រុមឈរចំណាត់ថ្នាក់លេខ១ Davies Paints នឹងត្រូវជួបក្រុមលេខ៨ CCPL Warriors នៅម៉ោង២រសៀល។ កាលពីជួបគ្នាក្នុងវគ្គវិលជុំ Davies Paints បានយកឈ្នះលើសលប់លើក្រុម CCPL Warriors ក្នុងលទ្ធផល ១១៩ ទល់នឹង ៤៩។ ដូច្នេះថ្ងៃនេះ CCPL Warriors ត្រូវធ្វើការធ្ងន់ដើម្បីស្តារមុខមាត់នៅក្នុងវគ្គនេះ។
Sabay មូសខ្លា និង Emperors
ដោយឡែកនៅម៉ោង៤រសៀលឯណោះវិញគឺជាការប៉ះគ្នារវាងក្រុមខ្លាំង Emperors និង Sabay មូសខ្លា។ ក្រុមទាំងពីរទើបតែជួបគ្នាកាលពីប៉ុន្មានថ្ងៃមុននេះក្នុងវគ្គវិលជុំសន្សំពិន្ទុ ដែលពេលនោះ Sabay មូសខ្លា បានយកឈ្នះចាស់ដៃលើក្រុម Emperors ដោយលទ្ធផល ៥៥‑២៥ ប៉ុន្តែនៅពេលនោះ Emperors បានទុកកីឡាករសំខាន់ៗមួយចំនួនរបស់ខ្លួនសម្រាប់វគ្គ Playoffs នេះ។
ការប្រកួតនៅថ្ងៃនេះអ្នកចាញ់គឺធ្លាក់ រីឯអ្នកឈ្នះនឹងឡើងទៅវគ្គពាក់កណ្ដាលផ្ដាច់ព្រ័ត្រជាបន្ត។ ដូច្នេះចាំអ៊ុតមើលថាតើពីរក្រុមណានឹងអាចកក់កៅអីសម្រាប់វគ្គ៤ក្រុមចុងក្រោយបាន។
ចំណាត់ថ្នាក់របស់ក្រុមទាំង៨ពេលបញ្ចប់វគ្គវិលជុំសន្សំពិន្ទុរួមមាន៖
ផ្សេងពីនេះ NSK Dream និង GL Concrete ដែលជាប់ចំណាត់ថ្នាក់លេខ៩ និងលេខ១០ មិនអាចបន្តដំណើរទៅមុខបានទេ។
អត្ថបទ៖ អៀង សូទ្រី