ជិន លក្ខិណា៖« កីឡាករនៅមណ្ឌលខេត្តព្រះសីហនុត្រូវថែរក្សាសុខភាពជាងគេ»

2016-04-13 20:09:17
ចំនួនមតិ 0 | ចំនួនចែករំលែក 0

ចន្លោះមិនឃើញ

«កីឡាករដែលប្រកួតនៅមណ្ឌលខេត្តព្រះសីហនុនេះត្រូវតែថែរក្សាសុខភាពជាងគេ ព្រោះថាត្រូវធ្វើការងារធ្ងន់ជាងមណ្ឌលនានាដែលរង់ចាំការប្រកួតជុំផ្ដាច់ព្រ័ត្រ។ វគ្គជម្រុះនៅឆ្នេរអូឈើទាល អារីស្តុន គឺថ្ងៃ ១៣ និង ១៤ មេសា ហើយត្រូវបន្តការប្រកួតជុំផ្ដាច់ព្រ័ត្រនៅថ្ងៃទី ១៥ មេសា ទៀត។ ដូច្នេះត្រូវថែរក្សាសុខភាពឲ្យបានដិតដល់។» នេះជាការថ្លែងរបស់ លោកស្រី ជិន លក្ខិណា នាយកម៉ាកផលិតផលស្រាបៀរអានឆ័រ ក្នុងពិធីបើកការប្រកួតវគ្គជម្រុះតន្ត្រីបាល់ទះឆ្នេរខ្សាច់នៅឆ្នេរអូឈើទាល អារីស្តុន នាព្រឹកថ្ងៃទី ១៣ មេសា នេះ។

លោកស្រីបន្តទៀតថា ការប្រកួតកន្លងមកកីឡាករមួយចំនួនតែងតែ រមួលក្រពើ ជាពិសេស ពេលឈានដល់វគ្គផ្ដាច់ព្រ័ត្រតែម្ដង ហើយម្យ៉ាងវិញទៀតមណ្ឌលខេត្តព្រះសីហនុ បានសម្រាកតិច មុនប្រកួតជុំផ្ដាច់ព្រ័ត្រនាថ្ងៃទី ១៥ មេសា ខណៈដែល មណ្ឌលផ្សេងៗ ដូចជា បាត់ដំបង កំពង់ចាម និង សៀមរាបបានសម្រាកច្រើនជាង។ ប្រការនេះ កីឡាករម្នាក់ត្រូវលេងដោយប្រុងប្រយ័ត្ន និង មើលថែសុខភាពខ្លួនឯង។ មួយវិញទៀតអាកាសធាតុ ក្ដៅខ្លាំង រួមផ្សំនឹងការប្រើកម្លាំងហួសប្រមាណ ក៏ជាបញ្ហាឈានទៅរករមួលក្រពើដែរ ឬ រមួលសាច់ដុំដែរ។

ទាក់ទិននឹងបញ្ហានេះ លោក បឹង គឹមតោ អគ្គលេខាធិការសហព័ន្ធកីឡាបាល់ទះកម្ពុជា ក៏ពញាក់ស្មារតីដែរថា ជាធម្មតា អ្នកដែលចុះឈ្មោះលេងនេះគឺមិនមែនអ្នកអាជីពព្រោះថាសហព័ន្ធ ក៏ដូចក្រុមហ៊ុនស្រាបៀរអាន់ឆ័រចង់បានធនធានកីឡាករថ្មីៗ ហើយ ការហ្វឹកហាត់ទៀតសោតមិនបានដិតដល់ដែរ។ ទោះយ៉ាង លោកទទូចឲ្យប្រុងប្រយ័ត្នចំពោះសុខភាពដូចគ្នាដើម្បីឲ្យការប្រកួតប្រកបទៅដោយភាពរលូន។

ពេលចប់ការប្រកួតម៉ោង ៧ល្ងាច មានការប្រគំតន្ត្រីដោយមានការចូលរួមពីតារាចម្រៀងល្បីៗជាច្រើននាយប់ ថ្ងៃទី ១៣ មេសា ២០១៦នេះដូចជា ហេង ពិទូ កែវ វាសនា កញ្ញា បេប៊ី កញ្ញា ចម្រើន សុភ័ក្រ វីរៈ សិដ្ឋ និង សួស វីហ្សា ។ កុំភ្លេចណាជួបគ្នានៅឆ្នេរអូឈើទាល អារីស្តុន ! លទ្ធផលព្រឹកថ្ងៃទី ១៣ មេសា នេះគិតជាសិត ៖ ១- តារាបាល់ទះឆ្លងដែន ២-០ ឆ្លាមកំពត១ ២- យុវជនកូននាគអូរពីរ ០-២ Black Cat ៣- និស្សិតអាហារូបករណ៍ សម្ដេចតេជោ ២-០ កោះរ៉ុង ២ ៤- យុវជន សាលជីវិត ០-២ ឆ្លាមកំពត ៥- យុវជនអូរមួយ ២-០ វាលរេញ ៦- វិទ្យាល័យ ហ៊ុន សែន ព្រែកត្នោត ២-១ យុវជនទំនប់រលក២ ៧-យុវជនទំនប់រលក១ ១-២ យុវជនកំពង់សោម ១ ៨- តារាបាល់ទះឆ្នេរខ្សាច់ព្រះសីហនុ ២-១ Aqua Family Resort

កម្មវិធីប្រកួតរសៀលថ្ងៃទី ១៣ មេសា នេះ ចាប់ពីម៉ោង ១ រសៀលតទៅ ៩- ឆ្លាមសមុទ្រ vs វិទ្យាល័យក្រុងព្រះសីហនុ ១០- វិទ្យាល័យហ៊ុន សែន កំពង់សិលា vs យុវជនកំពង់សោម ២ ១១- តោពីរក្រុងព្រះសីហនុ vs ស្រែអំបិល១ ១២- វិទ្យាល័យ ហ៊ុន សែន ស្មាច់ដែង vs យុវជនស្រែអំបិល ១៣- ក្ដាមស្រែស្មាច់ដែង vs ស្រែអំបិល ២ ១៤- សំរុង vs យុវជនខេត្តកំពត ១៥- តារាបាល់ទះទេសចរណ៍ vs កោះរ៉ុង ១ ១៦- Otres Beach Club vs E I S Centre