កម្ពុជារកឃើញអ្នកឈ្នះ ទៅប្រកួត នៅតៃវ៉ាន់ហើយ

2016-04-25 16:50:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយប្រកួតប្រជែងយ៉ាងស្វិតស្វាញ ក្នុងពានរង្វាន់វោហាសព្ទជាសាធារណៈ និងអ្នកតស៊ូមតិដ៏ឆ្នើមប្រចាំឆ្នាំ ២០១៦ ម្សិលមិញ យុវជន ភួង សុដានីត មកពីសាលាហ្សាម៉ាន់ បានទទួលជយលាភីពានរង្វាន់ «វោហាសព្ទជាសាធារណៈ» ខណៈក្រុមនិស្សិតច្បាប់ មកពីសាកលវិទ្យាល័យ ភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ទទួលបានជយលាភី «អ្នកតស៊ូមតិដ៏ឆ្នើម»។

ជយលាភីទាំងពីរផ្នែកខាងលើ គឺជាបេក្ខជនតំណាងឱ្យកម្ពុជា ដែលនឹងទៅប្រកួតថ្នាក់តំបន់អាស៊ីប៉ាស៊ីហ្វិក នៅតៃវ៉ាន់ ថ្ងៃទី ០៣ មិថុនា ឆ្នាំ ២០១៦។ នេះជាការលើកឡើងរបស់លោកស្រី លឹម មូលីរស្មី ប្រធានសភាយុវពាណិជ្ជករអន្តរជាតិកម្ពុជា សាខាចតុមុខ និងជាអ្នករៀបចំកម្មវិធី។

"បេក្ខជនដែលត្រូវបានជ្រើសរើសនៅថ្ងៃនេះ នឹងទទួលបានការណែនាំបន្ថែម ពីអ្នកជំនាញរបស់យើង ដើម្បីឱ្យពួកគាត់ត្រៀមលក្ខណៈ សម្រាប់ការប្រកួតនៅថ្នាក់តំបន់"។

លោក ប៉ិច ប៉ូឡែន ដែលជាប្រធានសភាយុវពាណិជ្ជករជាតិអន្តរជាតិកម្ពុជា បានសម្ដែងក្ដីរីករាយ នៅពេលមានបេក្ខជនចូលរួមច្រើនជាងមុន ហើយម្នាក់ៗសុទ្ធតែមានសមត្ថភាពខ្ពស់ទាំងចំណេះដឹងទូទៅ និងភាសាអង់គ្លេស។

ក្រុមជ័យលាភី អ្នកតស៊ូមតិដ៏ឆ្នើម

ក្នុងកម្មវិធីមួយឆ្នាំមានម្ដងនេះ មានអ្នកចូលរួមច្រើនកុះករប្រហែល ២០០០ នាក់ដែលភាគច្រើនជាសិស្សនិស្សិត ហើយស្ថាប័នអប់រំដែលប្រកួតមាន សាកលវិទ្យាល័យ ភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ហ្សាម៉ាន់ អាស៊ីអឺរ៉ុប ភ្នំពេញអន្តជាតិ បញ្ញាសាស្ត្រ ប៊ែលធី CamEd ជាតិគ្រប់គ្រង និងវិទ្យាស្ថានអន្តរទ្វីបអាមេរិកកាំង។

គួរបញ្ជាក់ថា កាលពីឆ្នាំទៅមិញ យុវតី តារា រត្ន ដែលជាបេក្ខជនប្រកួតប្រជែង ផ្នែកវោហាសព្ទជាសាធារណៈតំណាងឱ្យកម្ពុជា បានទទួលជយលាភីក្នុងការប្រកួតជាលក្ខណៈអន្តរជាតិនៅទីក្រុងកាណាហ្សាវ៉ាក ប្រទេសជប៉ុន៕

ស្ត្រីគ្រប់គ្រងក្រុមហ៊ុន មិនបានល្អដូចបុរស?

លោកស្រី ជា សុផល្លា ជាប់ពាន Outstanding ASEAN Women Entrepreneur Award នៅវៀតណាម

អត្ថបទ៖ អ៊ុំ សុភក្តិ

រូបទូរសព្ទដៃ