មាន​ច្រើន​មិន​ខ្វះ​ភោជនីយដ្ឋាន ឬ​អាហារដ្ឋាន​នៅក្នុង​ក្រុងព្រះសីហនុ។ ប៉ុន្តែ​ដឹង​ទេ​ថា កន្លែង​ណា ​ដែល​អ្នក​គួរ​ទៅ​សាកល្បង​ដើម្បី​ទទួល​បាន​រសជាតិ​ឆ្ងាញ់? តោះ​! សាក​ពិនិត្យ​​មើល​អាហារដ្ឋាន ៥កន្លែង ដែល​មាន​ការ​ពេញ​និយម​ទទួលទាន​ពី​សំណាក់​ភ្ញៀវ​ជាតិ និង​អន្តរជាតិ នៅ​ឯខេត្ត ព្រះសីហនុ តើ​មួយ​ណា​ដែល​ប្រិយមិត្ត​ពេញ​ចិត្ត?

១. សា​ម៉ូ​រ៉ៃ (Samurai)

ភោជនីយដ្ឋាន​ សា​ម៉ូ​រ៉ៃ ជា​ភោជនីយដ្ឋាន​បម្រើ​អាហារ​ជប៉ុន​ជាង១០០មុខ ដែល​មាន​ដូចជា ស៊ូ​ស៊ី សា​ស៊ី​មី ម្ហូប​បែប​ចៀន និង​ស៊ុប​ស៊ូ​គី​ជាដើម។ មិនតែប៉ុណ្ណោះ មាន​ស្រា​ជប៉ុន​សាកេ និង​ស្រា​អន្តរជាតិ​ផ្សេងទៀត ដែល​បើក​បម្រើ​អាហារ​ថ្ងៃត្រង់ និង​អាហារ​ពេល​ល្ងាច ចាប់​បើក​ពី​ម៉ោង ១១ព្រឹក ដល់​ម៉ោង ១០យប់​ជា​រៀងរាល់ថ្ងៃ។ សា​ម៉ូ​រ៉ៃៈ Tel: 034 934 879 ឬ email:  usu365@yahoo.co.jp

២. ជី​ង គន់ (Gold Crown)

ភោជនីយដ្ឋាន​ចិន ជី​ង គន់ ឬ​ហៅ​ជា​ភាសា​អង់គ្លេស​មួយ​បែប​ទៀតថា Gold Crown Restaurant មាន​ស៊ុប​ប៊ូហ្វេ ឬ​ស៊ុប​រទេះភ្លើង ដែល​ទទួលទាន​មួយ​ចម្អែត​ត្រឹមតែ ១២ដុល្លារ ប៉ុណ្ណោះ និង​អាច​ពិសា​ស្រា​បៀរ​ដោយ​សេរី​និង ​ឥតគិតថ្លៃ។ ភោជនីយដ្ឋាន ជី​ង គន់ មាន​បន្ទប់ VIP ផងដែរ​សម្រាប់​ភ្ញៀវ​ដែល​ត្រូវការ​ភាព​ឯកជន ដែល​បើក​បម្រើ​អាហារ​ថ្ងៃត្រង់ និង​អាហារ​ពេល​ល្ងាច ចាប់​បើក​ពី​ម៉ោង ១១.៣០នាទី​ព្រឹក ដល់​ម៉ោង ១០យប់ ជា​រៀងរាល់ថ្ងៃ។ ភោជនីយដ្ឋាន ជី​ង គន់ មាន​ទីតាំងនៅ​លើ​ផ្លូវ​ឯករាជ្យ ជិត​តោ​ពីរ។

៣. ហូ​ម (HOME)

ហូ​ម ជា​ភោជនីយដ្ឋាន​ថ្មី​មួយ មាន​បម្រើ​ម្ហូបអាហារ​ខ្មែរ និង​បរទេស​ដែល​មាន​រសជាតិ​ឆ្ងាញ់​ពិត ដែល​ធ្វើ​អ្នកមាន​អារម្មណ៍​បាន​ទទួល​អាហារ​នៅ​ក្នុង​ផ្ទះ​របស់​ខ្លួន។ ជាងនេះ​ទៅទៀត ហូ​ម មាន​សេវាកម្ម​ទទួល​ធ្វើ​ម្ហូប​ដល់​ផ្ទះ​សម្រាប់​ក្រុម​គ្រួសារ​ ដែល​មាន​សមាជិក​ចាប់ពី២នាក់​ឡើង​ទៅ។ ទំនាក់ទំនង​តាមរយៈ chantreaurgell@gmail.comឬ 010660898 ។

៤.   ឆាយ​ណា​ហៅ (China House)

ឆាយ​ណា​ហៅ ជា​ភោជនីយដ្ឋាន​ចិន​ដែល​ផ្តល់​ជូន​នូវ​អាហារ​ប្រចាំ​តំបន់​នៃ​ខេត្ត​ក្វាង​ទុង ស៊ី​ឈួន ហ៊ូ​ណាន និង​ទីក្រុង​ប៉េកាំង រួមជាមួយ​នឹង​ទា​ល្បីល្បាញ សាច់​អាំង​ប៉េកាំង និង​គ្រឿង​សមុទ្រ​ស្រស់ មានមុខ​ម្ហូប​សរុប ១០១ ប្រភេទ។ វា​ល្អ​បំផុត​ក្នុង​ការ​ទៅ​ទទួលទាន​ជា​លក្ខណៈ​ជំនួញ ជួបជុំ​មិត្ត និង​ក្រុម​គ្រួសារ​ជាដើម ដោយមាន​ទីតាំង​ស្ថិត​នៅ​ក្នុង​សណ្ឋាគារ​ឆ្នេរ​សុខា ជាប់​នឹង​ឆ្នេរសមុទ្រ​តែម្តង។

៥. លិ ហ៊ុយ (Li Houy)

លិ ហ៊ុយ ជា​ភោជនីយដ្ឋាន​លក្ខណៈ​គ្រួសារ​ដែល​មាន​ម្ហូប​ប្រចាំ​ត្រកូល​ គឺ​គាវ​សាច់​ជ្រូក និង​បាយ​មាន់​ពេលព្រឹក ពិសេស​ស៊ុប​ពេល​ល្ងាច​ដែល​មាន​ទឹកជ្រលក់​ប្រចាំ​គ្រួសារ​បី​ដំណរ។ ភោជនីយដ្ឋាន លិ ហ៊ុយ មាន​បម្រើ​អាហារ​ពេលព្រឹក អាហារ​ពេល​ថ្ងៃត្រង់ និង​ស៊ុប​ពេល​ល្ងា ចាប់​បើក​ពី​ម៉ោង ៦.៣០នាទី​ព្រឹក រហូតដល់​ម៉ោង ១០យប់ ជា​រៀងរាល់ថ្ងៃ។ ព័ត៌មាន​លំអិត និង​ការ​កក់​ទីតាំង លោកអ្នក​អាច​ទំនាក់ទំនង​ភោជនីយដ្ឋាន លិ ហួយ កាហ្វេ និង​ស៊ុប បាន​តាមរយៈ​លេខ​ទូរស័ព្ទ 016 901 744 ៕

ដោយ កើត ចន្ទ្រា