គ្រត ប្រាប់ថ្លៃកាត់សក់តាមរោងការ
- 2016-06-13 16:12:10
- ចំនួនមតិ 0 | ចំនួនចែករំលែក 0
គ្រត ប្រាប់ថ្លៃកាត់សក់តាមរោងការ
ចន្លោះមិនឃើញ
តារាកំប្លែងជើងចាស់ អ្នកនាង គ្រត បានប្រាប់ថា ជាទូទៅអ្នកនាងស៊ីថ្លៃកាត់សក់ចន្លោះ២០០ ដុល្លារ រហូតដល់ទៅ១៥០០ ដុល្លារអាមេរិក ក្នុង១រោង ដែលតម្លៃនេះ ស្ថិតទៅលើទីតាំង និង ស្ថានភាពខុសគ្នា។
គ្រតបានពន្យល់ថា ប្រសិនបើចេញទៅតាមផ្នួង ឬ តាមអ្នកភ្លេង បានថ្លៃខ្លួនតិចទូចប៉ុណ្ណោះ ពោលគឺត្រឹម២០០ ដុល្លារ ទៅ ៥០០ ដុល្លារអីទេ ត្បិតអីអ្នកដែលហៅនោះត្រូវទុកភាគរយខ្លះ ប៉ុន្តែបើម្ចាស់ដើមការ ជាអ្នកហៅផ្ទាល់ គឺបានច្រើនជាង។ ប្រសិនបើចុះទៅ តាមខេត្តវិញ អ្នកនាងស៊ីថ្លៃពី១ ០០០ ដុល្លាររហូតដល់១៥០០ដុល្លារក្នុង១រោងអាស្រ័យតាមជិតឬឆ្ងាយ ដោយតម្លៃនេះត្រូវបែងចែកទៅ ដៃគូប្រុសម្នាក់ទៀត។
តារាកំប្លែងម្នាក់នេះ បានបន្តឲ្យដឹងថា ក្នុង១ថ្ងៃខ្លួនអាចកាត់សក់បានពី៣ ទៅ៤រោង ដោយអាស្រ័យលើពេលវេលា និង ទីកន្លែង ដោយក្នុង១រោងប្រើពេលកាត់ត្រឹម២០នាទីទៅ ៣០នាទីប៉ុណ្ណោះ។
ទោះបីជាបច្ចុប្បន្ននេះមានតារាកំប្លែងច្រើនចេញកាត់សក់ តែទីផ្សារតារាកំប្លែងស្រីម្នាក់នេះមិនធ្លាក់ចុះឡើយ។ អ្នកនាង គ្រត ប្រាប់ថា ជាមធ្យមអាចទទួលរោងការជាង១០០រោងក្នុងមួយឆ្នាំ ដែលចំនួននេះ មិនខុសគ្នានិងរាល់ឆ្នាំឡើយ៕
អត្ថបទ៖ ខុត សីហា