រៀនធ្វើស៊ុបក្ដៅបែបចិន ញ៉ាំប៉ូវកម្លាំង

2016-06-23 21:08:36
ចំនួនមតិ 0 | ចំនួនចែករំលែក 0

ចន្លោះមិនឃើញ

មេឃភ្លៀងអ្នកមិនចង់ចេញខាងក្រៅ តែបើមានស៊ុបក្ដៅៗញ៉ាំប្រាកដជាល្អ។ សម្រាប់ថ្ងៃនេះអ្នកអាចរៀនពីរបៀបធ្វើស៊ុបក្តៅតាមបែបចិន ដោយមិនចំណាយពេលយូរ គ្រាន់តែមានគ្រឿងផ្សំ និងដឹងពីវិធីចម្អិនងាយៗដូចខាងក្រោម៖

គ្រឿងផ្សំ៖ - តៅហ៊ូ ១ (ហាន់រួច) - ផ្សិត (អាចរើសប្រភេទផ្សិតតាមចូលចិត្ត) ១កូនចាន - ការ៉ុត ១ (ហាន់រួច) - ប៉េងប៉ោង ១ (ហាន់រួច) - សាច់ជ្រូកចិញ្ច្រាំ ១កូនចាន - ស៊ុត ១គ្រាប់ - ស្លឹកខ្ទឹម ពីរបីដើម - ទឹកខ្មេះ - ម្រេច - ម្សៅពោត - ប្រេងល្ង - អំបិល

របៀបធ្វើ៖

ដាក់ទឹកក្នុងឆ្នាំងឬខ្ទះកម្ដៅ រួចស្រុះសាច់ជ្រូកចិញ្ច្រាំ និងបង់តៅហ៊ូ ផ្សិត ការ៉ុត និងប៉េងប៉ោះចូល។
លាយម្សៅពោត១ស្លាបព្រាជាមួយទឹកបន្តិច រួចចាក់ចូលក្នុងស៊ុប បង់អំបិល១ស្លាបព្រាបាយ ទឹកខ្មេះបីស្លាបព្រាបាយចូលកូរឲ្យសព្វ រួចចាក់ស៊ុតក្រឡុកចូល កូរឲ្យសព្វ រួចបង់ម្រេចម៉ដ្ឋមួយស្លាបព្រាកាហ្វេ និងប្រេងល្ងបន្តិច។
រម្ងាស់ស៊ុបឲ្យយូរបន្តិច រួចថែមស្លឹកខ្ទឹមចិញ្ច្រាំពីលើ ដួសដាក់ចាន អ្នកនឹងបានស៊ុបក្តៅបែបចិនមួយចានញ៉ាំ៕