ការងារ ២តំណែង កំពុងមានសន្ទុះខ្លាំងក្នុងទីផ្សារការងារនៅកម្ពុជា

2017-03-07 06:26:46
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមរបាយការណ៍ប្រចាំឆ្នាំរបស់ everjobs.com.kh ដែលជាគេហទំព័រអ៊ីនធឺណេតសម្រាប់ស្វែងការងារធ្វើឈានមុខគេនៅកម្ពុជា បានឱ្យដឹងថា មុខដំណែងលំដាប់ជួរមុខក្នុងប្រទេសកម្ពុជានៅក្នុងរយៈពេល ២ឆ្នាំជាប់ៗគ្នានេះ គឺមុខដំណែងក្នុងផ្នែកធនាគារ និងបដិសណ្ឋារកិច្ច។

តាមរបាយការណ៍ មានអ្នកស្វែងរកការងារតាមរយៈ Everjobs.com.kh ក្នុងមុខដំណែងធនាគារនេះ រហូតដល់១២% ក្នុងចំណោមមុខដំណែងជាច្រើន។ មូលហេតុនេះ ដោយសារបច្ចុប្បន្នកម្ពុជាកំពុងមានការរីកចម្រើនជាខ្លាំងទៅវិស័យធនាគារ ក្នុងនោះមានស្ថាប័នហិរញ្ញវត្ថុជាច្រើនបានធ្វើការចុះបញ្ជីជាបន្តបន្ទាប់នៅធនាគារជាតិ។ ដូច្នេះហើយទើបមាននិស្សិតជាច្រើននៅតែជ្រើសរើសជំនាញនេះដើម្បីសិក្សា។

ចំពោះមុខដំណែងបដិសណ្ឋារកិច្ចវិញ ក៏ជាមុខដំណែងលំដាប់ជួរមុខក្នុងប្រទេសកម្ពុជាផងដែរ។ តាមរយៈរបាយការណ៍របស់ Everjobs.com.kh ក្នុងឆ្នាំ២០១៦ មានក្រុមហ៊ុនជាច្រើនធ្វើការជ្រើសរើសបុគ្គលិកក្នុងមុខដំណែងនេះរហូតដល់ជាង ៣០០ កន្លែង។ ដូច្នេះហើយមុខដំណែងនេះនៅតែមានតម្រូវការខ្លាំង ដោយសារបច្ចុប្បន្នប្រទេសកម្ពុជាមានភាពរីកចម្រើនខ្លាំងក្នុងវិស័យទេសចរ ហើយក៏ជាវិស័យចម្បងមួយរបស់កម្ពុជាក្នុងការជំរុញកំណើនសេដ្ឋកិច្ចជាតិឱ្យរីកចម្រើន។

របាយការណ៍របស់គេហទំព័រ Everjobs.com.kh

ដោយឡែក ផ្នែកព័ត៌មានវិទ្យាវិញ ជាមុខតំណែងមួយកំពុងមានការកើនឡើងចំពោះអ្នកស្វែងរកការងារក្នុងប្រទេសកម្ពុជា។ ប៉ុន្តែតាមរបាយការណ៍ដដែលបានឱ្យដឹងផងដែរថា មុខដំណែងនេះកំពុងជួបផលលំបាកក្នុងការជ្រើសរើសបុគ្គលិក ក្នុងនោះយោងតាមរបាយការណ៍ Digital Rain ដែលបង្ហាញតាមរយៈ Everjobs បានបង្ហាញថា ៧៤% នៃនិយោជកតាមអង្គភាពនីមួយៗ កំពុងពិបាកក្នុងស្វែងរកបុគ្គលិកផ្នែកព័ត៌មានវិទ្យានេះ៕

អត្ថបទ៖ វឌ្ឍនៈ