លោកតា៨៥ឆ្នាំ បាត់បង់ជីវិតព្រោះចង់ក្លាយជាបុរសចាស់ជាងគេឡើងភ្នំអេវើរ៉េស
- 2017-05-09 02:11:41
- ចំនួនមតិ 0 | ចំនួនចែករំលែក 0
លោកតា៨៥ឆ្នាំ បាត់បង់ជីវិតព្រោះចង់ក្លាយជាបុរសចាស់ជាងគេឡើងភ្នំអេវើរ៉េស
ចន្លោះមិនឃើញ
លោកតាជនជាតិនេប៉ាល់ Min Bahadur Sherchan អាយុ ៨៥ឆ្នាំ បានស្លាប់បាត់បង់ជីវិតនៅជុំរុំចង្កេះភ្នំអេវើរ៉េស បន្ទាប់ពីព្យាយាមឡើងទៅកំពូលភ្នំដើម្បីក្លាយជាមនុស្សចាស់ជាងគេបំផុតក្នុងលោក តែត្រូវគាំងបេះដូងស្លាប់កាលពីល្ងាចថ្ងៃសៅរ៍កន្លងទៅ។
លោកតាធ្លាប់កាន់ពានអ្នកឡើងភ្នំចាស់ជាងគេបំផុតក្នុងឆ្នាំ ២០០៨ នៅអាយុ ៧៦ឆ្នាំ។ ប៉ុន្តែក្នុងឆ្នាំ ២០១៣ កំណត់ត្រានេះ ត្រូវបានជនជាតិជប៉ុនឈ្មោះ Yuichiro បំបែកបាននៅអាយុ ៨០ឆ្នាំ។
មុនពេលចេញដំណើរទៅឡើងភ្នំ លោកតា Sherchan និយាយថា "ខ្ញុំអាចត្រលប់មកវិញស្លាប់ ឬអាចឡើងភ្នំអេវើរ៉េសបានជោគជ័យ"។
សាកសពលោកតាត្រូវបានដឹកតាមឧទ្ធម្ភាគចក្រទៅកាន់ទីក្រុងកាត្មាន់ឌូ នៅថ្ងៃអាទិត្យ។ ពិធីបុណ្យសពបានប្រារព្ធនៅបរិវេណ Thakali Service Society ក្នុងទីក្រុងដោយមានការចូលរួមពីក្រុមគ្រួសារ មិត្តភ័ក្ដិ អ្នកគាំទ្ររាប់រយនាក់ទៀតផង។
ការស្លាប់របស់លោកតា Sherchan បានធ្វើឲ្យមានការអំពាវនាវដល់រដ្ឋាភិបាលនេប៉ាល់ ឲ្យកំណត់អាយុអ្នកចង់ឡើងភ្នំខ្ពស់ដែលមានបរិយាកាសអាក្រក់ ត្រជាក់ និងខ្វះអុកស៊ីហ្សែននេះ។ គួរបញ្ជាក់ថា ច្បាប់នេប៉ាល់បានកំណត់អ្នកឡើងភ្នំយ៉ាងតិចត្រូវមានអាយុ ១៦ឆ្នាំ តែមិនបានកំណត់អាយុច្រើនបំផុតឡើយ៕