ចំណុចល្អ និងមិនល្អដែលអ្នកប្រើម៉ាស៊ីនត្រជាក់មិនបានដឹង

2017-05-31 04:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ធម្មតា អីក៏ដោយតែងមានចំណុចល្អ និងមិនល្អ។ ម៉ាស៊ីនត្រជាក់ដូចគ្នាអ៊ីចឹង តិចថាត្រជាក់ស្រួលទៅ! វាក៏មានបញ្ហាប៉ះពាល់ដែរ បើយើងមិនបានរើសម៉ាក និងប្រើប្រាស់ឲ្យត្រឹមត្រូវ។ សំឡេងរំខាន ជ្រាបទឹក ផ្ដាសាយ ស្បែកស្ងួត ជាបញ្ហាដែលនៅក្រោមម៉ាស៊ីនត្រជាក់ ហើយមនុស្សមួយចំនួនប្រហែលជាបានដឹងខ្លះៗ។ ជាក់ស្ដែង មានករណីខ្លះ អ្នកមិនសូវចាប់អារម្មណ៍៖

អ្នកខ្លះទម្លាប់នៅក្នុងម៉ាស៊ីនត្រជាក់យូរពេក ដល់ពេលចេញមកក្រៅម្ដង ប៉ះចំហាយក្ដៅ ធ្វើឲ្យស្បែកពិបាកទប់ទល់ ជាហេតុធ្វើឲ្យស្បែកជាំខ្មៅ លឿន។ ករណីបើនៅក្នុងម៉ាស៊ីនត្រជាក់យូរ អាចធ្វើឲ្យស្បែកស្ងួត ជាពិសេសសម្រាប់អ្នកធ្វើការក្នុងការិយាល័យនឹងម៉ង ត្រូវញ៉ាំទឹកឲ្យបានច្រើន បើមិនចង់ឲ្យស្បែកស្ងួត។
ចរន្តខ្យល់៖ វាអាចបញ្ជូនជំងឺផ្លូវដង្ហើមឆ្លងទៅមនុស្សផ្សេងទៀតតាមការប្រើម៉ាស៊ីនត្រជាក់ តែបើសិនអ្នកប្រើម៉ូដែល Virus doctor របស់ម៉ាស៊ីនត្រជាក់ Samsung ស៊េរីថ្មី 8 Pole Digital Inverter លែងពិបាករឿងឆ្លងជំងឺហើយ ព្រោះមុខងារម៉ូដែលនេះមានតួនាទីកម្ចាត់មេរោគយ៉ាងពិសេសទៀតផង។
ធូលីដីក្នុងអាកាស និងផ្សិតអាចបង្កឱ្យមានប្រតិកម្មអាឡែកហ្ស៉ី។ សម្រាប់អ្នកដែលមានជំងឺរលាកច្រមុះរ៉ាំរ៉ៃ រលាកបំពង់ក ក្អក បើស្ថិតនៅក្រោមម៉ាស៊ីនត្រជាក់យូរក៏មានបញ្ហាដែរ មួយវិញទៀតអាចបន្ថែមឥទ្ធិពលទៅលើជំងឺរ៉ាំរ៉ៃរបស់អ្នក។ ជាក់ស្ដែង មិនមែនឲ្យតែនៅក្រោមម៉ាស៊ីនត្រជាក់សុទ្ធតែមានគុណវិបត្តិទាំងអស់នោះឡើយ វាក៏មានចំណុចល្អជាច្រើនគួបផ្សំក្នុងនោះផងដែរ តួយ៉ាងដូចជា៖
ធ្វើឲ្យប្រសើរឡើងនូវការអនុវត្តការងារ
មានលទ្ធផលបង្កើនសកម្មភាពរាងកាយ និងបញ្ញា
សីតុណ្ហភាពទាប កាត់បន្ថយវត្តមាននៃមេរោគ និងពពួកសត្វល្អិត
សីតុណ្ហភាពទាប មានន័យថា ការបែកញើសតិច។ កាត់បន្ថយហានិភ័យនៃការខ្វះជាតិទឹក។
បើដំឡើងម៉ាស៊ីនបានត្រឹមត្រូវ វានឹងរក្សាម៉ាស៊ីនបានល្អ និងបង្កើនគុណភាពខ្យល់៕