គ្រូវេស្ទើន ថាប៉ះ Tiger ស្អែកនេះសមត្ថភាពប្រហែលគ្នាក្រុមណាសំណាងគឺឈ្នះហើយ
- 2017-06-17 01:30:00
- ចំនួនមតិ 0 | ចំនួនចែករំលែក 0
គ្រូវេស្ទើន ថាប៉ះ Tiger ស្អែកនេះសមត្ថភាពប្រហែលគ្នាក្រុមណាសំណាងគឺឈ្នះហើយ
ចន្លោះមិនឃើញ
លោក សុំ វណ្ណា គ្រូបង្វឹកក្រុមបាល់ទាត់វេស្ទើនភ្នំពេញបញ្ចេញទស្សនៈជុំវិញការជួបក្រុមខ្លាំង Cambodian Tiger នាថ្ងៃស្អែកនេះនៅទីលានវេស្ទើន ដោយក្រុមទាំងពីរមានកម្រិតសមត្ថភាពប្រហាក់ប្រហែលគ្នា ដូច្នេះក្រុមណាមានសំណាងនឹងឈ្នះ សម្រាប់ការប្រកួតលីគកំពូលកម្ពុជាសប្ដាហ៍ទី១៣។
គ្រូបង្វឹករូបនេះបានឲ្យដឹងថា ដោយសារក្រុមទាំងពីរមានកម្រិតប្រហាក់ប្រហែលគ្នា ដូច្នេះលោកគិតថា ជ័យជម្នះរវាងក្រុមទាំងពីរស្អែកនេះគឺពឹងលើសំណាងច្រើនជាង។ ប៉ុន្តែក្រុមរបស់លោកក៏បានត្រៀមខ្លួនជំនួបនេះបានល្អ ហើយសង្ឃឹមថា កូនក្រុមទាំងអស់ នឹងប្រឹងប្រែងលេងទៅតាមអ្វីដែលបានគ្រោងទុក។
លោកបញ្ជាក់ថា ភាពខ្វះខាតនៅតំបន់ប្រយុទ្ធដែលកូនក្រុមរបស់ខ្លួនបានបង្កើតកន្លងមក លោកបានហ្វឹកហាត់យ៉ាងល្អ។ ចំណែកចំណុចដែលស្ថិតក្នុងក្ដីកង្វល់របស់លោកគឺក្រុមភ្ញៀវមានសមត្ថភាពកីឡាករបរទេសល្អៗច្រើននាក់ ហើយអ្វីដែលពិសេសក្រុមនេះមានការរៀបចំល្អមិនចាញ់ក្រុមដទៃ។
ជំនួបស្អែកនេះក្រុមទាំងពីរ នឹងបើកការប្រកួតម៉ោង ៣:៣០ នាទី។ បើក្រឡេកទៅមើលពិន្ទុក្នុងតារាងបច្ចុប្បន្នម្ចាស់ផ្ទះវេស្ទើនមាន១២ពិន្ទុ ខណៈ Cambodian Tiger មាន១៨ ពិន្ទុ ឆ្លងកាត់ការប្រកួតចំនួន ១២ លើកដូចគ្នា៕