មិនធម្មតាទេ កីឡាករ ១២ រូបនេះប្រែខ្លួនឯងទៅជា សិល្បករ ល្បីឈ្មោះ!

2017-06-21 23:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងវិស័យកីឡាកម្ពុជាមិនមែនមានតែកីឡាករដែលចេះតែផ្នែកកីឡាទេ ក្នុងនោះក៏មានបុគ្គលដែលមានទេពកោសល្យផ្នែកសិល្បៈផងដែរ។ ថ្ងៃនេះ Sabay នឹងនាំប្រិយមិត្តទៅស្គាល់កីឡាករ១២រូបដែលមានប្រែខ្លួនពីកីឡាករទៅជាសិល្បករដ៏ល្បីល្បាញ។

១. អេ ភូថង៖ មិនត្រឹមតែជាកីឡាករប្រដាល់ជើងចាស់ដ៏ល្បីល្បាញនោះទេ លោកក៏ជាតួសម្ដែងដ៏ប៉ិនប្រសប់ម្នាក់ដែរ ស្នាដៃចុងក្រោយរបស់លោកនៅក្នុងភាពយន្តគឺរឿង "Jailbreak:ការពារឧក្រិដ្ឋជន" ដែលលោកដើរតួមនុស្សស៊ីមនុស្ស និងមានចរិតលក្ខណៈបែបកំប្លែង។

២.ជៀស ស្រួច ៖ កីឡាករផ្នែកប្រដាល់រូបនេះ បានសាងស្នាដៃសម្ដែងជាច្រើន ហើយភាពយន្តដែលលោកធ្លាប់សម្ដែងមានជាច្រើនដូចជារឿង "ជ្រោះស្នេហ៍ពេជ្រនិល" "អ្នកទោសដូងចិត្ត" "ស្នេហ៍ក្មេងវ័យក្មេង" "ភូមិតិរច្ឆាន" "ប្រពន្ធខ្មោច" "ចំប៉ា៤ទង" "បេះដូងអ្នកប្រដាល់" "ក្របីលាក់កូន" ឯចម្រៀងខារ៉ាអូខេវិញ គឺបទ "បេះដូងអ្នកប្រដាល់" របស់លោក ខេមរៈ សិរីមន្ត។

អាន៖ ស្នាដៃសិល្បៈរបស់ ជៀស ស្រួច

៣. សំ ថារ័ត្ន ៖ គឺជាកីឡាការនីល្បុក្កតោដ៏ល្បីឈ្មោះ នាងបានលេចមុខក្នុងភាពយន្តជាច្រើនដូចជា រឿងហូលីវូដ "Act of Valor" "ដំបូងគេសម្លាប់ប៉ារបស់ខ្ញុំ" "កណ្ដាប់ដៃទីក្រុងប៉ះជង្គង់ជនបទ" ដែលនាងជាតួឯក "លុតដែកថែប" "ទឹកចិត្តម្ដាយសម័យថ្មី" "Jailbreak:ការពារឧក្រិដ្ឋជន" និង "ម្ចាស់ចម្ការ" ជាដើម។

អាន៖ ជុំវិញ សំ ថារ័ត្ន

៤. អ៊ួ តារា៖ ដូច សំ ថារ័ត្ន ដែរ កីឡាករល្បុក្កតោរូបនេះបានក្លាយខ្លួនជាតារាសម្ដែង។ លោកត្រូវបានទស្សនិកជនភាគច្រើនស្គាល់ថាជាតួប្រុសក្នុងរឿង "ហនុមាន" ហើយកេរ្តិ៍ឈ្មោះលោករឹតតែល្បីសុះសាយក្រោយសម្ដែងក្នុងភាពយន្តខ្នាតធំ "Jailbreak:ការពារឧក្រិដ្ឋជន"។

៥. ស៊ន សៀវម៉ី ៖ ក្រោយពីទទួលបានមេដាយមាស SEAGame ឆ្នាំ២០១៤ ប្រជាប្រិយភាពរបស់តារាតែក្វាន់ដូរូបនេះ កាន់តែល្បីឡើងៗ ។ ដោយសារតែរូបសម្ផស្ស និងប្រជាប្រិយភាពនេះហើយ ទើបធ្វើឲ្យនាងក្លាយជាតារាម៉ូដែលប្រចាំសំអាងការជាច្រើន។ មិនត្រឹមតែប៉ុណ្ណោះនាងក៏ធ្លាប់បង្ហើបប្រាប់ Sabay ដែរថានាងចង់ភ្លក់រសជាតិសម្ដែងក្នុងខ្សែភាពយន្តម្ដងបើមានឱកាស។

អាន៖ ស៊ន សៀវម៉ី ប្រកាសថា នាងនឹងហក់ចូលប្រឡូកសិល្បៈម្ដង

៦. ប្រាក់ មុន្នីឧត្តម៖ ដោយសារតែរូបរាងសង្ហា តារាបាល់ទាល់រូបនេះ ត្រូវបានជ្រើសជាម៉ូដែលតំណាងឲ្យផលិតផលជាច្រើន មិនត្រឹមតែប៉ុណ្ណោះ លោកបានសម្ដែងក្នុងរឿងដ៏ល្បីមួយក្នុងឆ្នាំ២០១៥ គឺរឿង"មេកប់សារី"។

៧. លី វ៉ាហេទ ៖ មិនខុសពីមិត្តរួមអាជីពខាងលើ ជម្រើសជាតិបាល់ទាត់រូបនេះ បានសាងកេរ្តិ៍ឈ្មោះយ៉ាងកក្រើកក្នុងភាពយន្តបែបស្នេហាយុវវ័យប្រចាំ២០១៧នេះជាមួយអ្នកមេម៉ាយកូនមួយ សុខ សោម៉ាវត្តី គឺរឿង "ខូចចិត្តអាជីព។

៨. កែវ សុខផេង ៖ បើនិយាយពីស្នាដៃក្នុងវិស័យសិល្បៈវិញ ខ្សែប្រយុទ្ធរូបនេះក៏មានមិនតិចដែរ ។ ស្របពេលដែលវិស័យបាល់ទាត់កំពុងរីកដុះដាល លោកក៏បានលេចក្នុងវីដេអូចម្រៀងដ៏ល្បីរបស់ សុខ ពិសី គឺបទ "លើសពីហ្វេនបានអត់?” ។

៩ ផង់ តារា៖ លោកក៏ជាតារាល្បុក្កតោមួយរូបដែរ ដោយសារតែទេពកោសល្យ និងមុខមាត់ដ៏ក្រមិចក្រមើម លោកត្រូវបានជ្រើសរើសឲ្យធ្វើជាតួសម្ដែងបែបកំប្លុកកំប្លែង។

១០ វី តារ៉ា៖ តារាល្បុក្កតោរូបនេះ មានស្នាដៃជាច្រើនក្នុងភាពយន្តធំៗ តែរឿងមួយដែល ធ្វើឲ្យប្រិយមិត្តចាប់អារម្មណ៍លោកជាងគេ គឺរឿង "Jailbreak:ការពារឧក្រិដ្ឋជន" ដែលលោកសម្ដែងជាប្រធានក្រុមប៉ូលិស។

រូបតកពី FB Tara Vy

១១. រៀម សុខភិរម្យ ៖ អ្នកចម្រៀងរូបនេះត្រូវបានយុវវ័យជាច្រើនស្គាល់ថា ជាប្រធានក្រុមចម្រៀង "SmallWorld SmallBand" តែនេះគ្រាន់តែជាអាជីពទី២របស់លោកប៉ុណ្ណោះ ចំណែកឯការងារស្នូល លោកជាកីឡាករជម្រើសជាតិសីដក់។