ការ​ប្រកួត​រវាង​ក្រុម SCG Muangthong United ​និង​ក្រុម Cambodian All Stars ​នឹង​ត្រូវ​ធ្វើ​ឡើង​នៅ​ថ្ងៃ​ទី​១៦​ខែ​ក្រោយ​នេះ​ហើយ ​នៅ​ពហុ​កីឡដ្ឋាន​ជាតិ។ ដោយ​ប្រាក់​ដែល​ប្រមូល​បាន​ពី​ការ​ប្រកួត​នេះ​ទាំង​អស់​នឹង​យក​ទៅ​អភិវឌ្ឍ​វិស័យ​បាល់ទាត់​យុវជន​ទូទាំង​២៤​ខេត្ត​ក្រុង​នៅ​ព្រះ​រាជាណាចក្រ​កម្ពុជា​តែ​ម្ដង។

ការ​ប្រកួត​បាល់ទាត់​សប្បុរធម៌​នេះ ​ត្រូវ​បាន​រៀប​ចំ​ឡើង​ដោយ​មាន​កិច្ច​សហការ​គ្នា​រវាង​សហព័ន្ធ​បាល់ទាត់​កម្ពុជា ​និង​ក្រុមហ៊ុន SCG ​ដើម្បី​រួម​ចំណែក​អភិវឌ្ឍ​វិស័យ​បាល់ទាត់​នៅ​កម្ពុជា​ឱ្យ​កាន់​តែ​រីក​ចម្រើន​ថែម​ទៀត។ ដោយ​ការ​រួម​ចំណែក​នោះ ​គឺ​ចំណូល​ទាំង​អស់​ដែល​បាន​ពី​ការ​ប្រកួត ​នឹង​ត្រូវ​យក​ទៅ​ផ្គត់ផ្គង់​ក្រុម​បាល់ទាត់​យុវជន​ទាំង​២៤​ខេត្ត​ក្រុង។ នេះ​បើ​តាម​ការ​បញ្ជាក់​របស់​ខាង SCG ​កាល​ពី​ពេល​កន្លង​ទៅ។

សូម​បញ្ជាក់​ថា​ក្រុមហ៊ុន SCG ​បាន​ឈាន​ជើង​ចូល​មក​កម្ពុជា​អស់​រយៈ​ពេល​ជាង​២០​ឆ្នាំ​មក​ហើយ ​ដោយ​គិត​មក​ដល់​ពេល​នេះ​បាន​បង្កើត​ជា​ក្រុមហ៊ុន​សម្ព័ន្ធ​ចំនួន​៦​ហើយ គឺ Kampot Cement Co., Ltd., Concrete Roof Cambodia Co., Ltd., CPAC Cambodia Co., Ltd., CPAC Plank Cambodia Co., Ltd., NAWA-CAM Co., Ltd. and SCG Trading (Cambodia) Co ៕

ចុចអានអត្ថបទបន្ដ៖

SCG Muangthong United ​មក​ប្រកួត​ជាមួយ All Stars ​ម្ដង​ទៀត ​គឺ​ដោយសារ​សន្ធឹក​អ្នក​គាំទ្រ​កម្ពុជា

កីឡាករ​កំពូល​ៗ ​របស់ ​Muangthong ​៦​នាក់​ ច្បាស់​ថា​មក​លេង​ទល់​ All Star ​កម្ពុជា

អត្ថបទ៖ មុន្នីរម្យ