ក្រមា ជាអាវុធគ្មានស្រមោលក្នុងក្បាច់គុនល្បុក្កតោរបស់ដូនតាខ្មែរ

2017-07-04 02:13:42
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក សាន គីមស៊ាន អ្នកចងក្រងសៀវភៅគុនល្បុក្កតោថ្នាក់ក្រមា "ស” បានឱ្យដឹងថាបុព្វបុរសខ្មែរតាំងពីដើមមកគឺតែងតែប្រើក្រមាជាអាវុធសំខាន់ណាស់ក្នុងការប្រកួត ព្រោះវាជាអាវុធគ្មានស្រមោលអាចយកឈ្នះសត្រូវបានយ៉ាងងាយ។

ក្នុងកម្មវិធីប្រកាសលក់សៀវភៅក្បាច់គុនខ្មែរជាលើកដំបូងកាលពីសប្ដាហ៍មុននេះ លោកគ្រូ គីមស៊ាន បានបង្ហើបថាមួយក្បាលដែលប្រកាសលក់នេះគឺគ្រាន់តែជាគ្រឹះនៃក្បាច់គុនប៉ុណ្ណោះ។ នៅមានក្បាច់ជាច្រើនទៀតដែលលោកគ្រូកំពុងរៀបចំធ្វើឡើងបន្ដទៀត ដើម្បីបន្សល់ទុកដល់កូនចៅជំនាន់ក្រោយ។ ដោយឡែកសៀវភៅក្បាច់គុននេះ ក៏ជាសៀវភៅដំបូងក្នុងប្រវត្តិសាស្ត្រខ្មែរផងដែរ ព្រោះតាំងពីដើមមក មិនខ្មែរមិនធ្លាប់មានសៀវភៅក្បាច់គុននោះទេ។

ទាក់ទងនឹងរឿងក្បាច់គុននេះដែរ លោកគ្រូតាក្រមាមាសខាងលើបានបញ្ជាក់ថាបុព្វបុរសខ្មែរគឺមិនដែលចោលក្រមានេះនោះទេ ព្រោះវាមានប្រយោជន៍ច្រើន។ ខណៈដែលក្នុងការហាត់ក្បាច់គុនវិញ ក្រមានេះដូនតាខ្មែរចាត់ទុកជាអាវុធមួយប្រភេទដែលសាហាវខ្លាំងណាស់។ វាជាអាវុធគ្មានស្រមោលអាចបំបាក់សត្រូវបានយ៉ាងងាយ។

ចំពោះក្បាច់ក្រមានេះទៀតសោត លោកគ្រូ គឹមស៊ាន នឹងរៀបចំជាសៀវភៅមួយក្បាលថ្មីទៀត ដែលប្រមូលផ្ដុំដោយក្បាច់ពិសេសៗទាំងអស់ ដើម្បីឱ្យកូនខ្មែរជំនាន់ក្រោយបានដឹង បានស្គាល់ ថាខ្មែរក៏មានប្រភពក្បាច់គុនផ្ទាល់ខ្លួនមិនទាន់បរទេសនោះទេ។

សូមបញ្ជាក់ថាសៀវភៅគុនល្បុក្កតោថ្នាក់ក្រមា "ស” ដែលបោះពុម្ពដំបូងនោះ មានចំនួន៥ពាន់ក្បាល ហើយនឹងមានដាក់លក់តាមបណ្ណាគារផ្សេងៗ។ ដោយ១ក្បាលមានតម្លៃ៤ម៉ឺនរៀល៕

ចុចអានអត្ថបទបន្ដ៖

សហព័ន្ធគុនល្បុក្កតោកម្ពុជា ប្ដូរក្បាលម៉ាស៊ីនដឹកនាំ សម្រាប់អាណត្តិទី៤

ចេះ១១ក្បាច់មេគុនកែងរបស់ល្បុក្កតោនេះ ធានាអាចការពារខ្លួនបាន

អត្ថបទ៖ មុន្នីរម្យ