Wendy កើតអីហ្នឹង ស្គមកំព្រឹងដល់ថ្នាក់ឃើញសុទ្ធតែឆ្អឹង?

2017-07-14 10:38:35
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Wendy ដែលជាសមាជិកក្រុមចម្រៀង Red Velvet បានធ្វើអ្នកគាំទ្របារម្ភយ៉ាងខ្លាំងដោយឃើញរូបរាងស្គមស្គាំងយ៉ាងខ្លាំងរបស់នាង ដល់ថ្នាក់ឃើញឆ្អឹងពេលសម្ដែងលើឆាក។

កាលពីថ្ងៃទី១២ខែកក្កដានេះ ក្រុមចម្រៀង Red Velvet បានឡើងសម្ដែងដើម្បីផ្សព្វផ្សាយបទចម្រៀងទោលថ្មីរបស់ខ្លួន ដែលមានចំណងជើងថា "Red Velvet”។ ក្រុមចម្រៀងនេះត្រូវបានគេហៅថា ជាបងប្អូនស្រីរបស់ក្រុមចម្រៀង Girls' Generation (SNSD's Sister) ព្រោះតែក្រុមទាំងពីរនេះស្ថិតនៅក្រោមដំបូលជាមួយគ្នានៅផលិតកម្ម SM។ ហើយក្រុមចម្រៀងនេះក៏ទើបនឹងបញ្ចេញអាល់ប៊ុមខ្នាតតូចថ្មីផងដែរដែលមានចំណងជើងថា "The Red Summer”។

ចំពោះការត្រលប់មកវិញ (Comeback) លើកនេះអ្នកគាំទ្របានកត់សម្គាល់សមាជិកម្នាក់គឺ Wendy ដែលមានការប្រែប្រួលយ៉ាងខ្លាំង។ Wendy ធ្លាប់តែមានរូបរាងធាត់បន្តិចដែលមើលទៅគួរឲ្យស្រលាញ់ ប៉ុន្តែក្នុងការត្រលប់មកវិញលើកនេះ នាងមានរូបរាងស្គមស្គាំងយ៉ាងខ្លាំងដល់ថ្នាក់មើលឃើញឆ្អឹងឡើងច្បាស់។

នេះអាចដោយសារតែនាងមានគំនាបជាច្រើនពីសំណាក់អ្នកគ្រប់គ្រង និងជាពិសេសបណ្ដាអ្នកប្រើប្រាស់ប្រព័ន្ធអ៊ីនធឺណិត។

មិនត្រឹមតែប៉ុណ្ណោះ Joy ដែលជាសមាជិកម្នាក់ទៀតក៏ធ្លាប់ត្រូវគេរិះគន់ដូចគ្នា។ ដោយសារតែតារាស្រីទាំងនេះគឺមានសម្ពាធច្រើនខាងរក្សាទម្ងន់ ព្រោះបើសិនជាពួកគេញ៉ាំនិងផឹកច្រើនពេកវានឹងងាយស្រួលក្នុងការឡើងទម្ងន់។ នៅក្នុងវិស័យ K-Pop រូបរាងខាងក្រៅគឺជារឿងសំខាន់ ដូច្នេះហើយទើបពួកគេខិតខំអត់អាហារ និងហាត់ប្រាណយ៉ាងលំបាកដើម្បីឲ្យបានរាងស្អាត ដែលជួនកាលធ្វើឲ្យពូកគេមានបញ្ហាសុខភាព៕