ពិតទេ CL នឹងចូលជាសមាជិកថ្មីរបស់ក្រុមចម្រៀងដ៏ល្បី Black Eyed Peas?

2017-07-10 08:11:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាក្យចចាមអារ៉ាមកំពុងសុសសាយពេញទឹកពេញដី អំពីព័ត៌មានដែលថា តារាចម្រៀង CL នឹងចូលក្នុងក្រុម The Black Eyed Peas ចង់ដឹងទេថាដំណឹងនេះលេចឮពីណា?

ជាក់ស្ដែងព័ត៌មាននេះត្រូវបានផ្សព្វផ្សាយដំបូងលើ វិបសាយ TV Report ជាភាសាកូរ៉េ។ ក្នុងព័ត៌មានបានសរសេរថា CL អាចនឹងចូលក្នុងក្រុមចម្រៀងអាមេរិក The Black Eyed Peas និងទទួលតំណែងជាអ្នកច្រៀងសំខាន់ម្នាក់ក្នុងក្រុម ជំនួស Fergie ។

«តើពាក្យចចាមអារ៉ាមនេះ ពិតមែន ឫយ៉ាងណា? នាង (CL) កំពុងវិវត្តខ្លួនចូលទៅកាន់ទីផ្សារអាមេរិក និងក្លាយខ្លួនជាតារាប្រចាំពិភពលោកហើយ។ តើតារាចម្រៀងដែលមកពីក្រុម 2NE1 នឹងចូលជាក្រុម Black Eyed Peas ឫយ៉ាងណា? បើសិនជាការពិត នោះពិតជាអស្ចារ្យណាស់។ នេះគឺជាឱកាសខ្ពស់បំផុតរបស់ CL ដែលនឹងចូលក្រុមនេះ ក្នុងនាមជាតារាចម្រៀងថ្មី។ យ៉ាងណាមិញក្រុមនេះមានសមាជិក ៤នាក់ដូចជា៖ Wii.i.am (មេក្រុម, អ្នករ៉េប, និងអ្នកដឹកនាំ) Apl.de.ap (អ្នករ៉េប) Taboo (អ្នករ៉េប) Fergie (អ្នកច្រៀង)។ គួរឲ្យស្ដាយ Black Eyed Peas បានជួបបញ្ហាខ្លះដោយសារ Fergie បានចេញពីក្រុម ជាហេតុធ្វើឲ្យក្រុមត្រូវការសមាជិកថ្មីមកជំនួសតំណែងនាង ខណៈពួកគេក៏មានគម្រោងត្រលប់មកវិញជាមួយបទថ្មីដែរ។ ជាមួយគ្នានោះ អ្នកគាំទ្រមួយចំនួនក៏បានជ្រើសរើស CL ជាបុគ្គលដែលសមបំផុត ព្រោះក្រៅពីជាមិត្តដ៏ល្អរបស់ក្រុម នាងក៏មានស្នាដៃជោគជ័យជាច្រើនក្នុងទីផ្សារអាមេរិកនាពេលកន្លងមកដែរ។ ដោយឡែកខាងផលិតកម្ម YG ឯណេះវិញមិនទាន់ចេញមុខបកស្រាយអំពីពាក្យចចាមអារ៉ាម មួយនេះថាពិត ឫមិនពិតទេ។ ចំណែកខាងក្រុម Black Eyed Peas អាចនឹងប្រកាសជាសាធារណៈមុន CL បង្ហាញមុខក្នុងក្រុម។ អ្វីដែលធ្វើឲ្យកាន់តែអស្ចារ្យ នៅខែសីហា ខាងមុខ ក្រុម Black Eyed Peas នឹងមានវត្តមានសម្ដែងក្នុងកម្មវិធីប្រគល់ពានរង្វាន់ "MTV Video Music Awards” ហើយប្រសិនពេលនោះ CL ឡើងសម្ដែងជាមួយជាមួយក្រុម មានន័យថា ព័ត៌មានចចាមអារ៉ាម ដែលកំពុងផ្ទុះនេះ គឺជាការពិតហើយ » នេះបើតាមព័ត៌មាន ពី TV Report បានចុះផ្សាយ។

យ៉ាងណាក្ដី ក្រោយព័ត៌មានចុះផ្សាយព្រោងព្រាតមក ពីការចាកចេញពីក្រុមរបស់ Fergie កាលពីថ្ងៃទី ០៣ ខែមិថុនា ឆ្នាំ ២០១៧ លោក Will.i.am និង Fergie ផ្ទាល់ ក៏បានចេញមុខបដិសេធដែរ លើបណ្ដាញ Twitter ដោយពួកគេបាននិយាយថា តារាស្រីរូបនេះ នឹងនៅតែជាផ្នែកមួយនៃក្រុម បើទោះបីនាងកំពុងត្រៀមស្នាដៃអាល់ប៊ុមទោលផ្ទាល់ខ្លួនក៏ដោយ៕

ចុចអាន៖

ប្រភព៖ Koreaboo ប្រែសម្រួល៖ យី សុធារី