​ក្រុមហ៊ុន​ភេសជ្ជៈ​ក្នុងស្រុក​ដ៏​ធំ​មួយ​ឈ្មោះថា Angkor Daily Foods Co., Ltd ម្ចាស់​ម៉ាក​ភេសជ្ជៈ​កំពុង​ពេញ​និយម Champion និង ទឹក​ផ្លែឈើ 1-2 Drink បាន​ដាក់​បង្ហាញ​ជា​សាធារណៈ ពី​លិខិតបញ្ជាក់​ស្តង់ដារដែល​ទទួល​ស្គាល់​គុណភាព​ជាអន្តរជាតិ​​ស្របច្បាប់​​របស់​ផលិតផល​ខ្លួន ដើម្បី​ធានា​ទំនុក​ចិត្ត​អតិថិជន​។

បច្ចុប្បន្ន​ក្រុមហ៊ុន​នេះ​ផលិត​ភេសជ្ជៈ ១០ ប្រភេទ ផ្គត់ផ្គង់​នៅ​លើ​ទីផ្សារ​កម្ពុជា និង​កំពុង​មាន​បំណង​នាំ​ចេញ​ទៅ​លក់​នៅ​បរទេស​ទៀ​ត​ផង ដូច្នេះ​គឺ​ត្រូវតែ​ធានា​ឲ្យ​បាន​នូវ​ស្តង់ដារ​អន្តរជាតិ​ស្រប​ច្បាស់​ និង​ការ​ពិនិត្យ​គុណភាព​ឲ្យ​បាន​ត្រឹមត្រូវ​បំផុត ។​នេះ​បើ​តាម​ការ​ឲ្យ​ដឹង​ពី​នាយក​គ្រប់​គ្រង​ក្រុមហ៊ុន Angkor Daily Foods Co., Ltd ។

​លោក​បន្ត​ថា​៖«​ការ​បើក​រោងចក្រ​ថ្មីស្រឡាង​នេះ ក្រុមហ៊ុន​យើង​បាន​យកចិត្តទុកដាក់​ជា​ចម្បង​លើ​គុណភាព ហើយ​រាល់​ផលិតផល​ភេសជ្ជៈ​ប៉ូវ​កម្លាំង Champion នឹង 1-2 Drink គឺ​ត្រូវ​បាន​ផលិត​ដោយ​​គោរព​ទៅតាម​ស្តង់ដារ​អន្តរជាតិ​ពិតៗ។ ​យើង​ជឿ​ង​ជាក់​ថា​​ភេសជ្ជៈ​យើង​មាន​លទ្ធភាព​គ្រប់គ្រាន់​ដើម្បី ប្រកួតប្រជែង​លើ​ទីផ្សារ​ទាំង​ក្នុង និង​ក្រៅ​ស្រុក​»​។

​ក្រុមហ៊ុន​ដ៏​ធំ​មួយ​នេះ​ក៏​ទទួល​បាន​នូ​វ​វិញ្ញាបនបត្រ​ពី​ស្ថាប័ន​លើ​ការអនុវត្ត​ផលិតកម្ម​ល្អ GMP ,ប្រព័ន្ធ​សុវត្ថិភាព​ម្ហូបអាហារ HACCP, ប្រព័ន្ធ​គ្រប់​គ្រង​គុណភាព ISO 9001:2015 នឹង​ប្រព័ន្ធ​គ្រប់​គ្រង​សុវត្ថិភាព​ម្ហូបអាហារ ISO 22000:2005 ពី​ប្រទេស Australia៕