ក្រសួងពាណិជ្ជកម្ម៖ អាជីវកម្មលក់ផលិតផល និងសេវាកម្ម តម្រូវឲ្យបិទតម្លៃជាប្រាក់រៀល

2017-07-21 06:21:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ការបិទស្លាកថ្លៃលើមុខទំនិញ និងសេវាកម្មគ្រប់ប្រភេទ
ការមិនអនុវត្តតាមប្រកាសនឹងត្រូវទទួលខុសត្រូវតាមច្បាប់ជាធរមាន

ថ្ងៃទី ២១ ខែកក្កដា ឆ្នាំ ២០១៧នេះ ក្រសួងពាណិជ្ជកម្ម បានចេញសេចក្ដីប្រកាសឲ្យម្ចាស់អាជីវកម្ម បិទស្លាកតម្លៃលើផលិតផល និងសេវាកម្មជាប្រាក់រៀល។ បើតាមព័ត៌មានលើបណ្ដាញសង្គមរបស់ក្រសួង។

ប្រភពដដែល បានឲ្យដឹងថា ក្រសួងបានធ្វើការកែសម្រួលប្រកាសលេខ ០៤៧MOC / SM 2013 ស្តីពីការបិទស្លាកតម្លៃលើមុខទំនិញ និងសេវាកម្មគ្រប់ប្រភេទ។ ពាណិជ្ជករ អាជីវករ និងសេវាករទាំងអស់ ដែលកំពុងធ្វើសកម្មភាពពាណិជ្ជកម្ម អាជីវកម្ម និងសេវាកម្មនៅប្រទេសកម្ពុជា ត្រូវតែបិទស្លាកតម្លៃលើគ្រប់មុខទំនិញ និងសេវារបស់ខ្លួនជាប្រាក់រៀលជាចាំបាច់។ ប្រកាសនេះបញ្ជាក់ថា ប្រសិនបើ មិនអនុវត្តតាមប្រកាសនឹងត្រូវទទួលខុសត្រូវតាមច្បាប់ជាធរមាន។

គោលបំណងនៃការធ្វើបច្ចុប្បន្នភាពប្រកាសនេះ គឺដើម្បីធានាដល់យន្តការអភិវឌ្ឍទីផ្សារសេរី និងការប្រកួតប្រជែងប្រកបដោយសមធម៌ ព្រមទាំងលើកស្ទួយការប្រើប្រាស់រូបិយប័ណ្ណជាតិ (ប្រាក់រៀល) សំដៅបម្រើផលប្រយោជន៍ប្រជាពលរដ្ឋ និងអ្នកប្រើប្រាស់ទូទៅ៕

សូមអានពត៌មានទាក់ទង

អត្ថបទ៖ ស៊ិន សាវ៉េត