កាន់តែស្រួល! មានសេវា PayWay អាជីវកម្មអនឡាញអ្នកនឹងកាន់តែប្រសើរ

2017-07-26 02:36:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ធនាគារ ABA ដាក់ឲ្យដំណើរការសេវាPayWayដើម្បីពង្រីកអាជីវកម្មតាមអនឡាញក្នុងប្រទេសកម្ពុជា
ថ្ងៃទី 26 ខែកក្កដា ឆ្នាំ 2017 ធនាគារ ABA សមាជិកពេញសិទ្ធិនៃសម្ព័ន្ធធនាគារជាតិកាណាដាបានដាក់ឲ្យដំណើរការមធ្យោបាយទូទាត់តាមអនឡាញដ៏ទំនើប ដើម្បីជាជំនួយនិងផ្ដល់ភាពងាយស្រួលដល់ម្ចាស់អាជីវកម្មទាំងអស់ ដែលមានឈ្មោះថា PayWay។

ដោយត្រូវបានបង្កើតឡើងសម្រាប់តម្រូវការរបស់អាជីវកម្មក្នុងស្រុក សេវា PayWay ផ្ដល់សុវត្ថិភាព ងាយស្រួលដំឡើងជាមួយវិបសាយឬប្រព័ន្ធលក់ដូររបស់អតិថិជន និងងាយស្រួលក្នុងការប្រើប្រាស់ ដែលជួយសម្រួលយ៉ាងច្រើនដល់ម្ចាស់អាជីវកម្មក្នុងការលក់ដូរផលិតផល ឬសេវាកម្មនានាតាមអនឡាញ និងការទទួលបានការទូទាត់ភ្លាមភ្លាមៗ។

បច្ចុប្បន្ននេះ សេវា PayWay អនុញ្ញាតឲ្យអាជីវករកម្ពុជាទទួលយកការទូទាត់តាមរយៈ ម៉ាស្ទ័រកាត ឬកាតវីសាដោយផ្ទាល់ចូលទៅកាន់គណនីធនាគារផ្ទាល់តែម្ដង។ នាពេលអនាគតខាងមុខ យើងនឹងបង្កើនជម្រើសបន្ថែមសម្រាប់ទម្រង់នៃការទូទាត់។

សេវាថ្មីនេះផ្តល់អត្រាតម្លៃជាទីពេញចិត្ត និងក្លាយជាជម្រើសដ៏ប្រសើរបំផុតសម្រាប់ប្រភេទអាជីវកម្មនានាដូចជា ក្រុមហ៊ុនអាកាសចរណ៍, សេវាកម្មធ្វើដំណើរតាមអនឡាញ, ហាងលក់ទំនិញអនឡាញ,សេវាដឹកជញ្ជូនអាហារ, សេវាសណ្ឋាគារ, ភោជនីយដ្ឋាន, និងអាជីវកម្មដទៃទៀត។ ការដាក់ឲ្យដំណើរការសេវា PayWay នេះស្របនឹងយុទ្ធសាស្ត្ររបស់ធនាគារ ABA ដែលប្ដេជ្ញាផ្ដល់ជូនដំណោះស្រាយហិរញ្ញវត្ថុដ៏ទំនើបបំផុត ដែលសមស្របតាមកំណើននៃការរីកចម្រើននៃពាណិជ្ជកម្មតាមអនឡាញក្នុងប្រទេសកម្ពុជា។

លោក Zokhir Rasulov នាយកផ្នែកធនាគារឌីជីថលរបស់ធនាគារ ABAបានមានប្រសាសន៍ថា៖ “នៅធនាគារ ABA យើងតែងតែសង្កេតពីបរិបទផ្លាស់ប្តូររបស់ទីផ្សារក្នុងស្រុក។ ដោយកំណើននៃការប្រើប្រាស់អ៊ីនធឺណិត និងការនិយមប្រើប្រាស់សម្ភារៈអេឡិចត្រូនិកមានការកើនឡើង ធ្វើឲ្យទម្លាប់នៃការទិញទំនិញក៏មានការផ្លាស់ប្តូរដែរ។ ដូច្នេះហើយយើងបានអភិវឌ្ឍ និងដាក់ឲ្យដំណើរការសេវា PayWay នេះឡើងដើម្បីជាដំណោះស្រាយឆ្លើយតបទៅនឹងការកើនឡើងនៃពាណិជ្ជកម្មតាមអនឡាញនៅក្នុងទីផ្សារនិងជួយសម្រួលដល់ការទូទាត់នៃប្រភេទពាណិជ្ជកម្មទាំងនេះ។ លោកក៏បានបន្ថែមទៀតថា៖ “សេវា PayWay ផ្តល់ជូននូវបទពិសោធនៃជម្រើសទូទាត់ដែលមានភាពងាយស្រួលហើយងាយងាយបំផុតក្នុងការសហការជាមួយនឹងវិបសាយដែលមានស្រាប់របស់ពាណិជ្ជករ ឬក៏កម្មវិធីទូរស័ព្ទសម្រាប់ប្រតិបត្តការ iOS ឬក៏ Android។” ជាមួយ PayWay អ្នកនឹងទទួលបានព័ត៌មានគ្រប់ពេលវេលា នូវរាល់ប្រតិបត្តិការដែលត្រូវបានធ្វើឡើងក្នុងវិបសាយឬប្រព័ន្ធលក់ដូរណាមួយរបស់អ្នក ហើយអ្នកអាចគ្រប់គ្រងការលក់ដូរតាមរយៈមធ្យោបាយដ៏ជំនាញមួយនេះពីកុំព្យូទ័រ ឬទូរស័ព្ទស្មាតហ្វូនរបស់អ្នក។ សម្រាប់ព័ត៍មានបន្ថែមទាក់ទងនឹងសេវា PayWay សូមចូលទៅកាន់payway.ababank.com

ដោយ៖ ថា ម៉ាលីដា