ប្រាក់ សុវណ្ណារ៉ា ៖ អាជ្ញាកណ្ដាលនៅមានកម្រិត ក៏ត្រូវការការលើកទឹកចិត្តដែរ

2017-08-02 02:43:14
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ប្រាក់ សុវណ្ណារ៉ា អតីតគ្រូបឹងកេត និងជាគ្រូបង្វឹកកម្រិត A-License លើកឡើងពីកម្រិតនៃការកាត់ក្ដីរបស់អាជ្ញាកណ្ដាលនៅស្រុកខ្មែរ ព្រមទាំងបង្ហាញចំណាប់អារម្មណ៍ជុំវិញតម្រូវការរបស់ក្រុមអាជ្ញាកណ្ដាលក្នុងស្ថានភាពបច្ចុប្បន្ន។

លោក ប្រាក់ សុវណ្ណារ៉ា

អតីតគ្រូបង្វឹកព្រះខ័នរាជស្វាយរៀង និងអតីតគ្រូបង្វឹកណាហ្គាវើលរូបនេះបានឲ្យដឹងថា ក្នុងស្ថានភាពបច្ចុប្បន្នក្លឹបនៅកម្ពុជាមានការប្រកួតប្រជែងខ្លាំង និងមានភាពរីកចំរើនគួរឲ្យកត់សម្គាល់។ ទន្ទឹមគ្នានោះកម្រិតកាត់ក្ដីរបស់អាជ្ញាកណ្ដាលមិនមានភាពកម្រើកនៃការរីកចំរើនឡើយ ដោយសារក្រុមអាជ្ញាកណ្ដាលទាំងនោះមានការប្រជុំពិភាក្សាហ្វឹកហាត់តិចពេក។

លោកបន្ថែមថា កត្តាខាងលើអាចមកពីក្រុមអាជ្ញាកណ្ដាលទទួលបានការលើកទឹកចិត្ត ឬការផ្គត់ផ្គង់មិនមិនគ្រប់គ្រាន់ក្នុងការទ្រទ្រង់ជីវភាពរស់នៅប្រចាំថ្ងៃ។ ដូច្នេះដើម្បីជាការលើកទឹកចិត្ត ដើម្បីឲ្យក្រុមអាជ្ញាកណ្ដាលមានការប្រឹងប្រែងអភិវឌ្ឍន៍ខ្លួន សហព័ន្ធបាល់ទាត់គួរតែមានការលើកទឹកចិត្ត ដូចជាបង្កើនប្រាក់បៀវត្សរ៍ជាដើម។

គ្រូបង្វឹកមានដើមកំណើតមកពីខេត្តកណ្ដាលរូបនេះបាន ចែកផ្លូវគ្នាជាមួយបឹងកេតកាលពីដើមឆ្នាំ២០១៧។ មកដល់សព្វថ្ងៃរូបលោកមិនទាន់មានក្លឹបណាទាក់ទងឲ្យទៅដឹកនាំនៅឡើយ៕

ចង់ដឹងលោក ប្រាក់ សុវណ្ណារ៉ា និយាយអ្វីខ្លះសូមមើលវីដេអូខាងក្រោម៖